تحرم علي الضحكه وانتي بالخفاء تبكين

البارت:21

حسابي انستقرام تشرفوني حبايبي "(wiir_14 )"
اتمنى لكم قراءة ممتعة جميعاً 🔥🤍

البارت:21

كان جالس في الحديقه وقدامة بيالة شاهي وبين اناملة سيجارة يفكر كيف صار حالهم كذا ، أمس كانوا مجتمعين كلهم في ملكة شاهين ، واليوم مجتمعين وكل واحد كاسيه ملامحه الحزن ، كيف كان يناظر بيت الشعر مكان فياض المحبب له ، والهدوء الي معتلي المكان ، قبل كانوا مجتمعين فيه ، واليوم مايشوف ولا واحد منهم موجود حوله ، والأهم والمهم هي من يوم ماصار اسمه مرتبط بأسمها ماشافها ولا تكلم معاها ولا لمحها اصلاً الا مرة ، ولا كان يجلس في البيت كل وقته في شغله اخذ نفس من سيجارته ونفثها بكل هدوء ودخانها منتشر حوله ، شتت انظارة ولمحها واقفه عند الحديقة الثانيه مخصصه للبنات عشان يجتمعون فيهآ عن العيال ، وحديقه ثانية للعيال عشان يتسامرون فيهآ عن البنات وكذا بيت الجد سليمان مسويها حديقتين ، وقف ورما سيجارته وتوجه لناحيتها ، حاوط خصرها بهدوء وشهقت بخوف ورعب وحط يده على شفايفها وهمس باذنها وهو مازال محاوطها: اششش هذا انا وش فيك خفتي؟
ارفعت يدها ونزلت يده عن فمها والتفتت عليه وجات عيونه بعيونها ماقدرت تتكلم او تتحرك من بين يديه هاذي ثاني مره تكون بهالقرب منه: ليه؟
عقد حواجبه بإستغراب: وش الي ليه؟
شتت انظارها: ليه صاوبوه مايخافون الله ليه ؟ ليه مايعرفون ان فيه ناس تحبه وتخاف عليه ؟
شد خصرها بشدة وعقد حواجبه بغيرة عليها وعرف انها تقصد فياض بكلامها : نحبه ايه لكن تحبينه انتي ماهو ماسموح لك
ابتسمت من كلامه وغيرته عليها : مكانك بالقلب محد يوصله
خفف من شدته على خصرها وشتت انظارة : اخاف قلبك تتبدل احواله
حطت يدها على يده الي على خصرها وناظرت بعيونه الي مشتتها عشان ماتجي بعيونها : لو كان قلبك له صله بقلبي حط عيونك بعيوني وتشوف أحوال قلبي وش الي يغيرها
طلع سيجارته من جيب ثوبه واشعلها واخذ منها نفس ونفثه: عجزت افهم قلبك وافهمك انتي أصعب قضية تمر علي وعلى قلبي ولا قدرت احلها وافهمها
ناظرت بعيونه: ناظر بعيوني وبتفهم
شتت انظاره واخذ نفس من سيجارته ونفثها : عيونك دمار شامل لي وماودي افقد نفسي وتصرفي بهالوقت عرفتي ؟ وقت تدخلين بيتي وحضني لي معاك اسلوب ثاني
اخذت سيجارته من فمه ونزل نظره لها يشوف وش بتسوي ، اخذت منها نفس ونفثت دخانها على وجهه : ليه تهلك نفسك فيها وتدمر حياتك
سحب السيجاره منها وشدها له : نرضى بكل شي تسوينه الا انك تدخنين اخاف عليك منها
فلتت يديه من على خصرها : وانا ماودك اني اخاف عليك منها ، اتركها يالجارح قلبي ماعاد يقوى على فرقا احد
نفث الدخان من فمه وخلل ايده بشعره: وقت تكونين ببيتي وبين احضاني وقتها اتركها لعيونك ، لكن ذلحين اتركيني احرق نفسي
هزت راسها بنفي وابتعدت عنه لداخل البيت ، زفر بخفوت وهو يجلس على الكراسي وهو ينفث الدخان ويشتت انظاره لأبعد مدى ممكن

-------------------------------

عند الصقر عرف ان شايش مسكوه رجال الشرطة ، وهو تحت انظار الأمن لحد مايصحى فياض ، وعرف ان ليالي بتاخذ يومين بالمستشفى ، لكن مايهمه لو تاخذ سنين موب يومين ، الي يهمه حالياً انه يبعد عن هالمكان ، ويرتب أوضاعه وخططه الجاية ، لان خططه هالمرة فشلت ، لازم تنجح خطته الجاية ، لكن هالمرة خطته بتكون لشخص ثاني غالي وجداً على قلب فياض ، عشان يكسر فياض فيه ، ويخليه يخضع له ، لأنه بيكسر سليمان في احفاده وعياله ، وأولهم فياض ، الي تحداه وتجرأ انه يخوض الحرب هو ورجال الشرطة معه ، مابتوقف الحرب حتى ينهي ال سليمان كلهم فرد فرد ، ولا يرف له جفن