تحرم علي الضحكه وانتي بالخفاء تبكين

البارت: 17

البارت : 17
طلع شاهين من قسم الحريم وهو يناظر برق وجهاد منزلين روسهم والشماغ على اكتافهم ، لوهله حس ان فيه مصيبه صايرة بس وش مايدري ، توجه عندهم وهو معقد حواجبه: سلامات وش صاير؟
برق رفع راسه وناظر فيه ووقف وشد على يده وطلع عند رجال الشرطه ، شاهين بإستغراب: جهاد وش الي صاير علامه هذا ؟
جهاد بتنهيده: فياض
شاهين بإستغراب: علامه وش فيه فياض؟
جهاد وهو يشوف رجال الشرطة يتكلمون بالاسلكي: تصاوب برصاصه
شاهين بصدمه : وش فياض تصاوب وينه فيه ؟
جهاد وهو يوقف : اخذوه الإسعاف هو وهياف ومعاهم رجال أمن
شاهين وهو متوجه لسيارته مسكه جهاد : على وين يالحبيب ؟
شاهين بحده : ابعد عني بروح له
جهاد وهو ماسك اعصابه : انهبلت انت وش تروح له رجال الشرطه مانعين الخروج من القاعه حتى يمسكون الشخص اللي صوب على فياض ، والي يحاول يطلع ، مشتبه فيه
شاهين وهو يحط يده على راسه : والحل ذلحين ؟
جهاد وهو يجلس جنبه : مانقدر نسوي شي حتى يصدر القرار من رجال الشرطه ، بعدها نشوف وش انهايتها

--------------------------

في سيارة الإسعاف يحاول بقدر المستطاع انه يبقى صاحي ولا يغمض عيونه ، التفت حوله وهو يشوف هياف يناظر فيه وماسك يده ويكلمه ، لكن هو مايدري وش يقول ولا يسمع شي لانه يحس انه بيغمى عليه لأنه فقد دم كثير ،
عند هياف الي يشوف فياض مغمى عليه أحيان يفتح عيونه واحيان يسكرها : فياض ابوي خلك معي ، لاتسكر عيونك خلك صاحي
شد على يد فياض اول ماسكر عيونه : لا لالا ، لاتسكر عيونك ، خلك معي
وجلس يطبطب على خده حتى فتح عيونه: ايوا خلك كذا ، خلك صاحي لين نوصل المستشفى
تقدمت الدكتوره وهي تحط له الأكسجين وتحاول تمنع نزيف كتفه لكن بدون فائدة: المريض فقد دم كثير واحتمال يدخل في غيبوبه
هياف بعصبيه: سوي اي شي المهم يعيش
ولفت انظره لفياض بحزن وتنهيدة : ولد فياض تسمعني لاتسكر عيونك خلك معي تكفى يافياض ماعاد فيني حيل اتحمل فقد احد تكفى اصحى
شد على يد فياض الي كانت باردة وخطرت على باله أبيات شعر كان يرددها
"(‏ سهران مع الحزن و انا وحيد
من بعد فرقاك حزين وحالتي حاله

مافيه حاجه تسليني غير دمعي الأكيد
ناديتك ابغيك ورمالي الحزن قيود عقاله )"

---------------------------

عند حمزة اتصل عليه واحد من رجاله وبلغه ان فياض تصاوب لكن مايدرون وين مكان إصابته كل الي يعرفونه انهم صاوبوه
حمزة بابتسامة: تسلم يمينك انت والي معك ، وينكم ذلحين؟
واحد من رجاله: طال عمرك حنا لحد الآن ماطلعنا من حي القاعة
حمزة بصدمه: ليكون امسكوكم ؟
واحد من رجاله : لا طال عمرك ارجال الأمن محاوطين القاعة ومسكرين الشوارع كلها ومنتشرين ومشددين المراقبة ولا قدرنا نطلع و " شايش " مختفي ماندري وينه اختفى
حمزة بصدمه: مختفي ؟ اطلعوا من القاعة اهربوا قبل يمسكونكم
واحد من رجاله : نهرب ونخلي شايش؟
حمزة بعصبيه: سو الي قلت اك عليه واهربوا قبل يمسكونكم سامعني ؟
واحد من رجاله: ابشر طال عمرك
اخذ حمزة جواله وهو يدخل على رقم الصقر ويتصل عليه ثواني ووصله صوت الصقر: نعم حمزة وش عندك؟
حمزة بتوتر : طال عمرك الاستخباراتي فياض تصاوب
الصقر فز واقف بفرح : بيض الله وجهك وتسلم يمينك ، هاذي الأخبار الي تسر
حمزة بتوتر: لكن الأمن والفرق والشرطه مجتمعين حول القاعة ورجالي لحد الآن ماخرجوا من القاعة ومسكرين الشوارع
الصقر بصدمه: وش جالس تقول خل رجالك يهربون قبل يمسكونهم
حمزة بتوتر : قلت لهم يهربون لكن شايش اختفى ماله اثر معهم ؟
الصقر بعصبيه: مو مهم المهم يطلعون من القاعه والحي كله
حمزة وهو يزفر : ابشر طال عمرك