البارت: 15
كان متوجه لقسم الحريم وتوجه للمطبخ صادف ام الجارح : جابك الله ياخاله عطيني القهوه من عند الخدم
ام الجارح بابتسامه: ابشر ياولدي
هياف بابتسامه: استعجلي شوي
ام الجارح بعد دقائق جابت القهوة : خذ القهوه ، وهاك الفحم قبل شوي برق كان يدور فحم
هياف بابتسامه: لا تنسين دوري لي عروسه ياخاله يرضيك اني عزابي
ام الجارح بابتسامه : ابشر ادور لك احلى عروس بعد
هياف مشى متوجه لقسم الرجال بعد ماخذ القهوه
ام الجارح مشت متوجهه لصالة الاستقبال وهي تشوف ام فياض والجده خديجة يستقبلون الضيوف
الهنوف بابتسامه: بنات مين بترقص معي ؟
الشموخ وهي تشرب ماء : انا برقص بس انتظري خلي ذول يخلصون
لينا وهي تخز الهنوف: بتاخذين الزين يالشموخ على الي بيرقصون معك
الشموخ وهي تناظرها: اهم شيء الأخلاق مو مهم الشكل واللبس صدقيني الأخلاق هي الي تزين الواحد
لينا وهي تعقد حواجبها: شقصدك ؟
الشموخ وهي توقف : قصدي عدلي أخلاقك
مشت الشموخ لديجي تختار اغنية ترقص عليها هي والهنوف
وتين وهي تخز الشموخ : تشوفين الي اشوفه
لينا وهي تناظرها: وش تشوفين؟
وتين وهي تناظر للحرمة الي تناظر لشموخ: الحريم انظارهم على الشموخ
لينا وهي تشرب شاهي : مالومهم الشموخ كلها حلوه والي يناظر فيها مايمل منها
وتين بحقد : من زينها عاد
لينا وهي تلف نظرها لوتين: اقولك شي بس ماتقولين لأحد
وتين عقدت حواجبها بإستغراب: وش ، قولي
لينا وهي تهمس : واحد من العيال يحب الشموخ
وتين شهقت بصدمه : مين هو ؟
لينا بهمس : ماعرفت من يكون بس هذا الي سمعته
وتين وهي تناظرها: ومن الي سمعتيه ؟
لينا وهي تهمس : سمعت جهاد يقوله ل هياف في بيت الشعر بس مدري مين الي يحبها من العيال
وتين وهي تخز الشموخ: حسافه على وش يحبها مالت عليها ، وقامت تمشي متوجهه تسلم على احد الضيوف
-------------------------------
مكان آخر كان جالس على نار وخايف ان خطته تفشل وكل شوي يتصل على رجاله لكن مافيه احد منهم يرد
بدأ يشك في الوضع وقرر انه يروح بنفسه لكن قبل لايطلع رن جواله وكان واحد من رجاله
حمزة بعصبيه: لي ساعة اتصل ، مافيكم الي يرد على اتصالاتي ، وينكم فيه ؟
رجال حمزه : معتصم دخل القاعة واحنا جالسين نراقب
حمزة بغضب: وش قايل لكم انا ، قلت لاتتركون بعضكم ولا لا
رجال حمزة : طال عمرك حاطين رجال أمن حوالين القاعة ولا قدرنا ندخل لأن معنا سلاح
حمزة بصدمه : رجال أمن؟
رجال حمزة: نعم طال عمرك رجال أمن
حمزة بتوتر: انتبه لحد يحس فيكم ولا يلمحكم
رجال حمزة: ابشر طال عمرك
قفل حمزة منه وهو مذهول تماماً ، ماكان في حسبانه ان بيكون في الحفل رجال أمن لكن الي مثير فضوله مين الي جابهم ضحك بسخريه: والله ووقعت بين يدي يا فياض
اخذ جواله وهو يتصل على الصقر عشان يقوله آخر المستجدات الي صارت
الصقر بهدوء: وش عندك متصل؟ صار شي معك ؟
حمزة بهدوء: ارسلت ارجالي مثل ماطلبت مني لعائلة سليمان واحفاده
الصقر فز بفرح: بشرني وش صار معهم ؟
حمزه بابتسامة : مثل ماطلبت قلت لهم اقتلوه
الصقر بابتسامة: وعساهم قتلوه؟
حمزة بابتسامة: لحد الآن ما وصلني خبر عن فياض لكن بتكون المهم صعبه شوي وخطيرة بنفس الوقت
الصقر بإستغراب: ليه وش الصعب فيها ؟
حمزة وهو ينفث الدخان : ابد طال عمرك حاطين رجال أمن حول القاعة وبكذا بتكون صعبه شوي
الصقر بصدمه وعصبيه : ككيف؟ شقاعد تقول بسرعة رجعهم قبل يسوون شي ، انت تدري لو الشرطة تعرف مكاني اخذوني وعدموني بالقصاص
حمزة بتوتر: ماخذين احتياطهم طال عمرك لا تخاف
الصقر بعصبيه: صدقني لو صار لي شي ما اعرف غيرك سامع
حمزة بهدوء: خطتك بإذن الله بتنجح طال عمرك
أنت تقرأ
تحرم علي الضحكه وانتي بالخفاء تبكين
Misterio / Suspensoرواية سعودية تتحدث عن: استخباراتي يراقب عصابة المجرمين وهي مع مجرمين قتلوا ابوها وخطفوها وهي صغيرة وكبرت معاهم وتربت معاهم من وهي صغيرة وتلتقي معاه بالصدفة ، اما هو كان يراقبهم من بعيد لبعيد يشوفها و هي تدرب على السلاح والمبارزة وتلبس ملابس رجال ي...
