تحرم علي الضحكه وانتي بالخفاء تبكين

البارت: 12

البارت : 12

صباح يوم جديد في بيت الجد سليمان كانو بالمجلس يفطرون ويسولفون
بدر بتمثيل للحزن : يرضيك يبه عيال عيالك يتزوجون وانا أكبر منهم ماتزوجت يرضيك ؟
برق بطقطقه: ياحرام ياعمي ، مين المهبول ذا الي بيزوجك بنته ، مسكينه داعين اهلها عليها الي بتتزوجك
الجد سليمان بضحكه: والله وانا ابوك حدد البنت وانا اروح اخطبها لك بعد
رائد بطقطقه: مثل ماقال برق ياجدي داعين اهلها عليها
بدر بتكشير: وش مسوي لكم عشان تقولون كذا
جهاد بضحكه: وش بقى ماسويت ماخليت شي ماسويته وتسأل
بدر بنرفزه : سيف و سلطان معجبكم الي يقولونه لي عيالكم ، ماتعرفون تربون عيالكم يحترمون عمهم
هياف بسخريه : بسم الله عليك يالي متربي احسن تربيه
الجد سليمان بعصبيه : كنك تغلط علي وعلى تربيتي ولا أذني فيها شي ؟
هياف بوهقه: حاشاك ياجدي انت على العين والرأس
برق بسخريه: ونعم التربيه ياجدي ، واول دليل تربيتك لبدر
سيف وهو كاتم ضحكته: ولد اتوقع انا الي ماعرفت كيف اربي احترم عمك انت وياه
بدر وهو يرفع حواجبه وينزلها ويضحك على تعابير العيال : كفو ابو فياض ، نعم الأخو والله ، ايه خلك مثل ابوك انت وياه
ذيب بسخريه: والله مدري جده كيف حطتك في حضنها وانت صغير
جهاد وهو يضحك : ياحليلك يابدر ، تتوقع أن كلامهم من قلب ، ترى عشان مايكسرون خاطرك
الجارح وهو يدخل ويشوف العيال ميتين ضحك ويطقطقون على بدر
الجارح وهو يجلس : وش عندكم تضحكون مع هالصبح؟
هياف بسخريه: عمك المصون ناوي يتزوج
الجارح وهو يعقد حواجبه: ومن تعيست الحظ ذي ؟
العيال ماتو ضحك من كلام الجارح لبدر
بدر بسخريه: ليه مو مالي عينك ؟
الجارح بابتسامة تسليك: ابد ياطويل العمر ماليها ونص
الجد سليمان بهدوء: كلمتوا فياض ؟
شاهين وهو تو يدخل ويجلس بجنب هياف : تو خلصت مكالمه منه ، مضغوط من شغله مررة
الجد سليمان بإستغراب: وش هالشغل الي ماوده يخلص ؟
رائد بسخريه: ابد طال عمرك صار استخباراتي ، وشاف نفسه علينا حتى الجلسه مايجلس معنا
سيف بحده : اقطع حسك عن اخوك ياولد
رائد بسخريه: ليه وش قلت ماقلت الا الحق ، ذكرني متى اخر مرة شفته فيها ، انا اقولك آخر مرة شفته فيها يوم كنا بالمزرعة
الجارح بإستغراب من كلام رائد: ولد وش فيك ، هذا شغله ، وانت تعرف ان الاستخبارات صعبه وكل شوي وهو بالمركز
رائد بسخريه: الله أكبر ياشيخ ، ليش ماتقول انه هايت في الشوارع مع السرابيت وغيرهم
هياف بحده لانه مارضى على فياض الكلام ذا : رائد كل شيء ولا فياض ، الزم احدودك لاعلمك كيف تتكلم على اخوك الي أكبر منك كذا
برق وهو وصل حده من كره رائد لفياض: وبدل لا تتهم فياض بكلامك القذر راجع حساباتك
سلطان بهدوء: عيب وانا عمك مايصير الي تقوله ، احنا نعرف فياض زين ، وشغله يحتم عليه البعد عنا وعن اهله
سيف بحده وغضب : رائد قم انقلع عن وجهي لكفر فيك ذلحين ، صحيح اني ماعرفت اربيك ، قم انقلع لابارك الله فيك
طلع رائد معصب منهم كلهم وهو يكره فياض وبشده كلهم صارو ضده مع فياض
قابل في طريقه أمير متوجه للمجلس وهو يشوفه دفه بكل قوته من تصادموا في بعض
رائد بصراخ : انت عمى ماتشوف ، مرة ثانية ناظر قدامك فاهم
أمير بإستغراب: هيه يالحبيب ماني بصغر اعيالك تتلفظ علي سامع احترم نفسك
رائد دفه وطلع من البيت كله متوجه لسيارته لانه لو ضل دقيقه وحده دفن أمير برضه
راح أمير متوجه للمجلس شافهم كلهم جالسين على جوالاتهم
أمير بتساؤول : وش فيه هذا معصب ؟
شاهين رفع راسه: من تقصد؟
أمير وهو يأشر على الباب: رائد ، معصب كان شوي ويذبحني
برق بسخريه: اهل العقول الناقصه هاذي هي ، ماعليك منه طنشه