حسابي انستقرام تشرفوني حبايبي"(wiir_14 )"
اتمنى لكم قراءة ممتعة
لاتلهيكم القراءة عن أداء الصلاة وقراءة القرآن الكريم واذكاركم حبايبي
البارت: 31
طلع من المركز متوجه للمستودع عشان يراقب بأمر من العميد محمد و القائد عبدالرحمن ، لأن من بعد إصابة فياض تركوا المراقبة و كل تركيزهم على شايش ، جالس على صخرة بعيدة عن المستودع بكثير وكانت عالية جداً يقدر يشوف كل شيء من الأعلى وكل تحركاتهم ، ومن حسن حظه ان الوقت منتصف الليل الي تقدر ليالي تطلع من المستودع في هالوقت ، مشبك كفوفه ببعضها ومتكي بدقنه عليها ، وسرحان بتفكيره لقبل ساعات قليله وقت كان بالمركز مع العميد محمد و القائدعبدالرحمن ، ماهو قادر يستوعب شيء من كلام العميد محمد ، صدمه اجتاحته من أقصاه لدناه من هول الكلام الي سمعه ، وشلون يفسر الي شافه واثبته العميد محمد له ، المصيبة كلها انها مٌجرمه مع مٌجرمين ، والأعظم من ذلك لو دري فياض وش بيسوي ، اخذ نفس بهدوء وهو يمسح على وجهه بضيق بيديه من الإرهاق الجسدي والنفسي الي صابه واردف بتنهيده: يالله عونك في اليالي المقبلة
~
<<"نرجع قبل ساعات قليلة وقت كان بالمركز">>
فارس عقد حواجبه بإستغراب: مين تكون ياعميد ؟
العميد محمد بتزفيره: البنت تكون بنت بندر العامري زوج عبير بنت سليمان ، و ان ماخاب ظني البنت بنته
وسع عيونه بذهول ، صدمه الجمتهم جميع ، ومن بينهم فارس الي كان خايف عليها من الصقر وزاد خوفه لو دري فياض ليقوم قيامت الصقر ورجاله ، ولا بيرده احد على الي بيسويه ، لكن هالمرة ألجمه كلام العميد محمد الي زفر بخفيف واردف : فياض مالازم يدري عن شيء ويظل الكلام والمعلومات ذي بيننا احنا يالثلاثة ، لين نتأكد من صحة المعلومات
اردف فارس وهو يناظر جواله ورجع انظاره على العميد محمد بعدم استيعاب ، الموضوع كبير عليهم كثير لازم يكون فيه دليل : اعذرني ياعميد على الكلام الي بقوله ، لكن شلون نتأكد ياعميد من صحة هالكلام الي تقوله ، وشلون بنعرف اذا هي بنت بندر العامري زوج عبير بنت سليمان ولا وحدة غيرها ، هالكلام شيء يفوق المعقول ياعميد ، ولا نقدر نخطي خطوه لين نتأكد من انها بنت بندر العامري
تنهد العميد محمد بتزفيره واردف بعدها بهدوء: كل الملفات تٌشير إلى صحة كلامي ، تاريخ الأختطاف ، وتاريخ البلاغ ، و الصورة الي بالماضي والي بالحاضر ، واليوم والساعة كل شيء يدل على صحة كلامي ، وبعد لاحظت شي في صورتها بالماضي ولازم نتأكد منه
عقد فارس حواجبه بإستغراب: الي هو ؟!
العميد محمد بهدوء و انظاره على الصوره: في كتفها اليمين وشم
القائد عبدالرحمن اردف بهدوء: شيء واحد بيثبت لنا هالكلام والدلائل كلها الي قدامنا
اردف العميد محمد بإستغراب: وشهو ياقائد عبدالرحمن؟
القائد عبدالرحمن اردف بعدها بابتسامه هدوء : تحليل DNA الجينات الوراثية ، اذا تطابق جيناتها مع جينات امها و أبوها فالبنت بتكون بنتهم ، واذا ما....
قاطعة فارس بسخريه وهو يزفر: وشلون بنجيب البنت ياقائد وهي عند الصقر ، وكيف بندخل للمستودع عشان ناخذها ونجيبها لهنا ؟!
القائد عبدالرحمن بهدوء: عندي خطة وبإذن الله بتنجح
العميد محمد وهو ياخذ نفس: نسمعك ياقائد قول لنا خطتك
ابتسم القائد عبدالرحمن بهدوء ومرر انظارة على فارس ورجع انظاره على العميد محمد: الخطة كالتالي ياعميد ان................
أنت تقرأ
تحرم علي الضحكه وانتي بالخفاء تبكين
Mystery / Thrillerرواية سعودية تتحدث عن: استخباراتي يراقب عصابة المجرمين وهي مع مجرمين قتلوا ابوها وخطفوها وهي صغيرة وكبرت معاهم وتربت معاهم من وهي صغيرة وتلتقي معاه بالصدفة ، اما هو كان يراقبهم من بعيد لبعيد يشوفها و هي تدرب على السلاح والمبارزة وتلبس ملابس رجال ي...
