حسابي انستقرام تشرفوني حبايبي "(wiir_14 )"
أمنياتي لكم قراءة ممتعة للجميع 💛🫀
لا تلهيكم القراءة عن الصلاة
البارت:28
دخلت عليهم "صيته" وبناتها "(غزواء ، ثريا ، وعد ، احمد ، نصار) ، وهم كانو عايشين ب "جدة " ، وماخذين طبع وعادات اهل الحجاز ، توجهوا العيال للمجلس عند الرجال ، والحريم لقسم الحريم ، وهي تسمع التراحيب والاستقبال الحلو ، والنفوس الطيبه ، والخاطر السمح ، والابتسامات الصادقة ، والنابعه من القلب ، تقدمت منهم الجده خديجة بابتسامة: ياهلا ومرحبا فيك يام أحمد نورتي بيتك ومطرحك حياكم الله تفضلوا
ام أحمد "صيته " : الله يبقيك يام سلطان ويجود عليك
سلموا عليها وضيفوها ، ولحظات وامتلى المجلس من الضيوف ، وبين السوالف والضحك ، والأصحاب والأهل ،
كشرت الشموخ اول ماشافت حريم خوالها وطلعت متوجه للمطبخ تسوي قهوة: بنات خوالي ذولا مو متقبلتهم مرررا
نجوم وهي ماسكه صينية الحلا: ليه؟
الشموخ وهي تجلس : فضوليين بزياده ماحب اجلس معاهم ، ينرفزون اكثر من اللازم
جت تالا وهي تشوف نجوم طلعت ومعاها صينية الحلا: وش فيك ليه طلعتي وتركتيني بينهم ؟
الشموخ وهي ترجع شعرها للخلف بهدوء : بنات خوالك مو طايقتهم بروح اجلس مع خالاتي افضل
تنهدت تالا وهي تعدل لبسها: يلا قبل امي تعصب علينا
طلعوا من المطبخ متوجهين للمجلس
ام يوسف وهي تتلفت: اقول وين الشموخ ياسارة
ام فياض بابتسامة: هاذي هي شوفيها
التفتت ام يوسف لها : هلا والله
تقدمت الشموخ بهدوء وسلمت عليها واردفت: هلا فيك ياخالتي
ام يوسف وهي تناظرها: ماشاء الله يوم عن يوم تحلوين يالشموخ
ابتسمت الشموخ: من ذوقك ياخالتي
مشت عنهم متوجهه للبنات تجلس معاهم وسمعت همسهم : شفتي كيف شايفه نفسها
اردفت الاخرى: مدري على وش
لفت انظارها عليهم وناظرت فيهم بإستصغار ، وابتسمت بسخريه ومشت عنهم متوجه لبنات عمها وصديقاتهم
-------------------------
وصل جهاد للبيت ومرر انظارة على هياف الهادي : ماودك تنزل معي ؟!
ناظره هياف لثواني وشتت انظاره بعيد واردف بعدها بهدوء: انزل
هز جهاد راسه ب" لاحول ولاقوة " من عناد هياف ، وتقلبات مزاجه ، ونزل من السيارة متوجه للبيت
وقبل لا يحرك هياف لفت انظارة يوسف وإخوانه جالسين في الحديقه حقت الرجال ، ابتسم بسخريه ومشى متوجه للمركز يخلص اشغاله ، ويرجع لهم بعد العشاء مباشرة ، لأن ماوده يحتك في ابوه نهائي ، بعد الي صار لهم اليوم ، خاصه لو شاف فوزيه احتمال يذبحها ولا يرف له جفن ، لأنها نرفزته اكثر من اللازم ،
عند جهاد دخل المجلس وسلم على الحضور ، ومسكه الجد سليمان وهو معصب: وينه الي مايتسمى ليه ماجاء معك ؟
جهاد بتزفيره : ابد طال عمرك راح يخلص شغله
الجد سليمان وهو يضربه على صدرة : روح لشاهين شوفه تأخر راحت روحك انت وياه ، وناد لي هالي مايتسمى أمير مرسله لي ساعة ولا جاء
جهاد بتزفيره وهو يمشي: ابشر
أنت تقرأ
تحرم علي الضحكه وانتي بالخفاء تبكين
Mystery / Thrillerرواية سعودية تتحدث عن: استخباراتي يراقب عصابة المجرمين وهي مع مجرمين قتلوا ابوها وخطفوها وهي صغيرة وكبرت معاهم وتربت معاهم من وهي صغيرة وتلتقي معاه بالصدفة ، اما هو كان يراقبهم من بعيد لبعيد يشوفها و هي تدرب على السلاح والمبارزة وتلبس ملابس رجال ي...
