تحرم علي الضحكه وانتي بالخفاء تبكين

البارت:35

حسابي انستقرام "(wiir_14 )"
بنزل لكم بارت 36 في حسابي انستقرام تشرفوني
قراءة ممتعة حبايبي
لاتلهيكم القراءة عن أداء الصلوات المفروضة

البارت : 35
شد فياض على يده بقوة من وين يبدأ ومن وين ينتهي ، لكن ذلحين زاد قهره وغضبه وحنقه على الصقر ، اكيد بيجي يوم وتنتهي نار الإنتقام الي من أساسها كانت حب فاشل ، وتحولت لثار وانتقام ، تنهد بهدوء ومسح على وجهه بتعب مٌهلك وضيق من كل شي صار لهم بإختصار اردف بعدها بنبرة مٌهلكه تكسوها التعب: السالفة ومافيها ياعميد ، الصقر كان يشتغل مع جدي في شركته ، وكان جدي مانع البنات من الشغل معه ، ماعاد عمتي الصغيرة تركها تشتغل معه في الشركة ، وكان الصقر موظف في الشركة ، شاف عمتي وحبها وبالصريح العام "عشقها" لدرجة كان يراقبها وين ماتروح ويتعرض طريقه أكثر من مرة ، وبيوم من الأيام خطب الصقر عمتي عبير ، وبسبب كبرياء جدي وعناده رفض الصقر لأن اهله ماتبرين منه بسبب سوء افعاله الدنيئه والرذيله ، لكن الصقر مايأس خطبها اكثر من مرة ، وكل مرة يرفضه جدي ، وبيوم من الأيام خطب عمتي " بندر العامري " ووافق جدي عليه لأن له سمعته وله نسبه وله منصبه وزوجه عمتي ، وتوعد الصقر جدي بإنه بينهي حياته وبيدمره ، وقتها طرده جدي من الشركة وبلغ عليه السلطات الأمنية ، وبعدها اختفى الصقر نهائي ، وجدي ماكان مهتم له ولتهديده ، ورجع بيوم الصقر وقتل بندر العامري ، وبعدها بفترة طويله حاول يخطف عمتي لكن ماقدر ، وبعد تهديده بالخطف بشهر ، انخطفت بنت عمتي "نجمة " وبلغنا ودورنا عليها ليومك ذا مالها ايت أثر ، وكمالة السالفة انت تعرفها ياعميد
مسك العميد محمد راسه بذهول وصدمه من عمايل الصقر الرديه ، واردف بعدها: كل ذا يطلع من الصقر ؟
تنهد فياض وهو يشتت انظاره: وكثر من كذا ياعميد
هز العميد محمد راسه بهدوء: الظالم مايفلت لادنيا ولا آخرة
وقف فياض بهدوء: استأذن منك ياعميد ، بحقق مع شايش وافهم منه الي صار ، وبعدها بروح للمستودع اراقب ارجال الصقر
العميد محمد بتزفيره: إذنك معك ، وانتبه لنفسك لايكشفوك
طلع فياض لغرفة التحقيق يحقق مع شايش ، ويعرف منه وش نيته الصقر من كل شي جالس يسويه

-------------------------

واقفين بسيارتهم قدام شقة فارس ينتظرون حضوره لكن ماله أثر حول الشقه ، وهم من أيام ينتظرونه قدام شقته لكن ماله أثر حولها ، وقرروا يوقفون قدامها طول اليوم ومع ذلك مافيه أثر له ، وهذا الشيء زاد قهره وغضبه وحنقه على "فارس بن خالد آل نهيان"
زفر عمر بغضب فعلي من هزاع وتفكيره الي مصوبه على على فارس : صار لنا أيام نراقب من يوم انسحبوا رجال الشرطة ولا فيه أثر للأستخباراتي فارس الي مشغلني فيه
التفت هزاع على الشقه وعيونه تدور أثر او خيال فارس لكن بلا جدوا : غريبه عليه يغيب كل هالأيام عن شقته تتوقع وين بيكون ؟
ضرب بقبضته عمر الدركسون بغضب: بجهنم مايهمني ، لكن ذلحين دامك تبغي فارس تغيرت الخطه ، وانا اعرف شلون اجيب لك فارس
عقد حواجبه هزاع بعدم استيعاب: كيف تجيبه لي ؟
حرك عمر السياره ومشى متوجهين لمقرهم الي هو بيت مهجور : افهمك كل شيء اذا رجعنا للمقر