البارت : 3
راح بدر من المجلس متوجه للبيت وخصوصاً لغرفت امه بالضبط وقف على بابها ابتسم بخفوت وهو يشوف الهنوف نايمه على رجل امه و الواضح من ملامحها انها كانت تبكي قرب من امه وهو يجلس قدامها
بدر بئسى على حال الهنوف : كيف صارت حالتها
الجده خديجة : حسبي الله ونعم الوكيل في عائشة شلون فيه ام تسوي الي هي سوته الله لا يسامحها لو تشوف جسمها كله ضروب وجروح
بدر وهو يمسح على شعر الهنوف : لو سمعتي الي انا سمعته ماكان سكتي
الجده خديجة : حسبي الله عليها بنت الكلب والله لوريها من تكون خديجة البنت بتسكن عندي ومابترجع ل امها لو وش ماصار
بدر بحزن : امها طردتها من البيت وزواجه الأسبوع الجاي
الجده خديجة وهي تمسح آثار الدموع الي على خد الهنوف : الله لا يبارك لها وجعلها للعله الي تأخذها بنت الذين شلون فيه ام تسوي الي سوته
بدر بتحذير : انتبهي لها يمه ولا تخلينها تختلط ببنات عمها وخواتي لأني اعرفهم مايحبون عائشه وتكرهين الهنوف من كرههم لعائشه لأن لو اشتكت منهم لهد البيت فوق روسهم هي ذلحين امانه عندي و انا مستحيل افرط فيها هاذي بنت المرحوم راشد
الجده خديجة بحزن : لا توصي ياولدي الهنوف بعيوني
بدر وهو يوقف : زين يالله انا رايح لدوامي تأمرين على شي
الجده خديجة : سلامتك ياولدي ماتشوف شر
بدر : مع السلامة
الجده خديجة: الله معك
نرجع البيت الشعر كانو جلوس حول النار ويتقهوون ويسولفون
دخل عليهم بدر وهي يجلس بجنب شاهين
بدر وهو يصب له فنجان قهوة: وش فيكم سكتو
ذيب : كنا نسولف عن الهنوف
بدر بإستغراب: وش فيها الهنوف
أمير بهيام : والله ياعمي عيونها تفتن جذبتني بعيونها
فياض بنظرات حاده: ارفع علومك يا أمير وش الي تفتن استح على وجهك
رائد بطقطقه: افقد الامل يا أمير أكبر منك بثلاث سنين انت عمرك سبع طعش وهي واحد وعشرين
الجارح وهو يناظر بدر : بترجع ل امها ولا ؟
بدر بصوت حاد : معصي والله ماترجع بعد الي شفته
هاذي موب ام هاذي شيطان
برق بإستغراب: ليه وش سوت ؟
بدر بحقد وكره : تدري وش سوت عائشه فيها عذبتها احرمتها منا ومن دراستها ومن شغلها تدري وش سوت ضربتها ضرب محد يتحمله لو تشوف جسمها كل جروح وعلامات ضرب سوط ان ماخليت عائشة تعض أصابع الندم ما اكون بدر بن سليمان
الجارح وهو يعض شفته بألم عليها : شلون قلبها يقوى عليها شلون ؟
فياض بسخريه : موب هي تزوجت عمي راشد بالغصب اكيد بتنتقم منه بالهنوف
ذيب بحزن : بس الهنوف وش ذنبها ؟
شاهين : ذنبها امها تزوجت ابوها بالغصب ذنبها انهم موب متفاهمين من الأساس ذنبها انها بريئه وقلبها طيب
بدر بحقد : هين تصبر علي بس اوريها من يكون بدر قليلة العقل
دخل هياف بيت الشعر و استغرب تجمعهم : وش عندكم مجتمعين عساه خير
الجارح عقد حواجبه: من وين يجي الخير
هياف باستغراب: ياساتر وش العلم وجيهكم ماتبشر بخير
بدر بعصبيه : ابد الهنوف بنت اخوي بتعيش معانا
هياف بإبتسامه: والله ؟ هاذي الساعة المباركة بس ليش قالبين خلقكم
ذيب بحزن : امها طردتها ماعاد تبغي شي يربطها بالهنوف
هياف بصدمه : ويش ؟ وش جالس تقول
بدر قال السالفه كلها ل هياف: هاذي السالفه كلها
هياف بغضب : الا ياعجوز النار هاذي سواتك والله اني موب مرتاح لها من يوم عمي راشد تزوجها
شاهين بسخرية: لا عاد احنا الي مرتاحين لها
هياف بتساؤول: وش بتسوي ذلحين مع الهنوف
بدر وهو يشتت انظارة: ابد طال عمرك بتجي تسكن مع ابوي وماعاد لها رجعه يم عجوز النار
الجارح وهو يصب له فنجال قهوه: تتوقع جدي عقب الي سوته عائشة بالهنوف بيخليها تروح لها وتشوفها مستحيل
بدر وهو يحط حطب في النار : انا الي بكون مسؤول عن الهنوف ومايصير خاطرها الا طيب هاذي امانه عندي و انا مستحيل افرط فيها
أمير بحزن : ماتستاهل الهنوف الي يصير فيها
فياض بجمود : الله يكون بعونها
أنت تقرأ
تحرم علي الضحكه وانتي بالخفاء تبكين
Mystery / Thrillerرواية سعودية تتحدث عن: استخباراتي يراقب عصابة المجرمين وهي مع مجرمين قتلوا ابوها وخطفوها وهي صغيرة وكبرت معاهم وتربت معاهم من وهي صغيرة وتلتقي معاه بالصدفة ، اما هو كان يراقبهم من بعيد لبعيد يشوفها و هي تدرب على السلاح والمبارزة وتلبس ملابس رجال ي...
