تحرم علي الضحكه وانتي بالخفاء تبكين

البارت:25

حسابي انستقرام(wiir_14 ) تشرفوني
اتمنى لكم قراءة ممتعة 🔥🤍

البارت:25
دخلوا المستشفى ، وتوجهوا للغرفة الي فيها فياض ، لكن قبل لا يوصلون لها ، وقفت الشموخ بخوف ، وتوتر ، ورجفه سرت بجسمها ، شعورها مُهيب جداً عليها ، رفعت انظارها ل برق الي مستغرب وقوفها ، تقدم لها ، ومسك يدها وبحنيه: وش فيك ؟ ليه وقفتي ؟!
ناظرت فيه ومررت انظارها للغرفة الي موجود فيها فياض ورجفت ايدها بهدوء: ك كيف بقابله ، ا اخاف؟
برق وهو يشوف يدها ترجف مسكها وباسها حتى يطمنها: من وش خايفه يا نظرعيني ؟
نزلت انظارها بهدوء ومحاجرها تحترق من دموعها ، اردفت بخفوت : اخاف اشوفه طريح فراش ، و انا ماتعودت عليه إلا واقف على حيله ، اخاف اشوف ملامحه متغيره من التعب ، اخاف عليه من كل شيء يوجعه ويهلكه ، ماودي اروح و اشوفه ، لأني ماظمن نفسي اني ما ابكي قدامه ، ماودي ازيد عليه تعبه كافي الي فيه
تنهد برق بخفيف وشد على يدها : هقوتي فيك انتي أقوى من انك تضعفين ، ترى فياض يستمد قوته من قوتنا ، مهما كان وضعه لاتطغى دموعك وتنزل ، خليك قويه عشانه بس
رفعت عيونها لفوق تمنع دموعها من النزول ، تنهدت بخفوت ، ورجعت انظارها له: بحاول ، لكن ماظمن لك مشاعري اول ما اشوفه
ابتسم بخفيف وهز راسه ب"زين" ، وضم اكتافها ومشوا متوجهين للغرفة
شدت على يد برق اول مافتح باب الغرفة ، التفت عليها وابتسم لها بهدوء: تعالي ، لا تخافين
دخلوا وأول ماشافت فارس نزلت راسها وتخبت خلف برق وشدت ثوبه بخوف
اما فياض وفارس ورائد ، رفعوا انظارهم اول مافتح الباب ، فارس اول ماشاف البنت الي مع برق نزل راسه بتوتر وارتباك
برق بابتسامة ناظر فارس: لو سمحت ، الأهل بيسلمون على فياض
فارس وهو يوقف ومازال منزل راسه أخذ جوالاته ومفتاح سيارته : استأذن وقدامك العافية يالعشير ، ومشى متوجه للباب
اما الشموخ اول ماشافته اقبل عليهم شدت على ثوب برق وراحت جهته اليمين وشافته طلع مع الباب
اول ماطلع فارس ، ناظرت فياض بهدوء ، و توجهت له برتجاف و خطوات ثقيله عليها ، ومحاجرها باللون الأحمر تحترق من دموعها ، ناظرت فيه وشدت على يدها حتى مايلاحظ ارتجافها احد من خوانه ، وهمست بخفيف: ف فياض ، ااش اشتقت لك ،
تقدمت بخطوات سريعه ، وجلست بجنبه وضمته بقوة ، وبكت بصمت بدون لا يطلع صوتها ،
اما فياض ناظر فيها اول ماجلست بجنبه ، لكن الي استغربه ضمتها له ، وارتجافها الي يحس فيه ، ودموعها إلى بللت كتفه العاري ، شد عليها ، ورفع انظاره ل برق واشر له بمعنى " وش فيها ؟! "
أشر له برق بمعنى" تعبانه شوي " ، هز فياض راسه ب"زين" وهمس لها بخفيف يحاول يهديها : لهدرجه شوقك لي هالكثر ؟!
شدت علي الشموخ وهمست بصوت باكي: اكثر من كذا
ابعدها عنه بخفيف وناظر بعيونها وابتسم بهدوء: افا ، بنت سيف تنزل دموعها ؟!
ضحكت بخفيف وهي تمسح دموعها: لاتلومني ، من فرحتي بشوفتك نزلت دموعي
أبتسم فياض بخفيف وبمزح يغير الجو العاطفي الي بينهم : اثرني غالي عليكم هالكثر ؟! والله لو دريت كان تصاوبت من زمان
الشموخ وهي تضحك: تشك ب غلاتك عندي ، وبعدين مين الي بكى عليك غيري يوم تقول هالكلام؟
فياض رفع انظاره ل رائد الي شتت انظاره عنه : بيجون باقي العائلة ذلحين ويتبكبكون فوق راسي وتشوفين من غيرك الي بيبكي
برق تقدم له سلم عليه وحضنه وجلس بالكرسي الي بجنب رائد وبمزح : واثق انا بنبكي عليك ترى مابكى عليك غير امي ، لاتصدق انك غالي
ضحك رائد بطقطقه: واثق الأخو من نفسه
الشموخ وهي تظرب برق ورائد على يديهم : عن الغلط انت وياه ، هذا حبيبي أغلى من روحي بعد ، شعندكم تحارشونه حتى وهو تعبان ؟!
وحطت راسها على كتف فياض و ايديها حول رقبته
برق ناظر في رائد : ابوها ، البزره ذي يوم شافت فياض نستني و انا معاها من الصباح تمتر بي الخطوط ، رايح جاي
رائد بضحكه ناظر في فياض: تراها بياعة حكي لا تصدقها
ابتسم فياض بهدوء و حاوط اكتافها يشدها له : اتركوها ، هاذي اميرتكم
برق بطقطقه حاوط اكتاف رائد يمثل الحزن : انا و انت لنا الله يامحزمي ، اخوك واختك من شافوا بعض نسونا
رائد ضحك وهو يناظر الشموخ: ترى اخوك هذا بياع حكي ، تراني قبل لاتجين كنت جالس مكانك يعني كنت بحضنه
ضحكوا برق ورائد وفياض على ملامح الشموخ الي كشرت في وجيهم ، وابتعدت عن فياض تمثل الزعل
واستمرت سواليفهم وطقطقاتهم على بعض ، وبعدها رجعوا للبيت وبقى بالمستشفى بس فياض الي أصر انه وده يجلس بحاله وفارس بيجيه