تحرم علي الضحكه وانتي بالخفاء تبكين

البارت:32

حسابي انستقرام تشرفوني حبايبي "(wiir_14 )"
قراءة ممتعة للجميع 🔥😍

لاتلهيكم القراءة عن أداء الصلوات المفروضة

البارت: 32
له ساعتين ماسك خط لشرقيه ، مايدري وين وجهته بالضبط ، كل الي يعرف وده يبعد عن الرياض بأكملها ، ياللأسف انه فضل البٌعد عن الرياض وعن اهله باللحظه ذي ، ماوده يقابل احد ولا يتكلم معه أحد ، لحد الآن غضبه على يوسف مازال ، ولو يشوفه كان اخذ فيه قصاص ، وده ياخذ فترة نقاهه بعيد عن الرياض وأهله ، يدري لو جلس دقيقه ماراح يتركه جده و ابوه بسبب يوسف ، و اختار البٌعد أفضل حل للجميع ، لكن بقلبه شعور غل ، وحقد ، وكره ، شعور عظيم يتولد بقلبه ليوسف ، لكن بباله يتوعد بيوسف ولو طال الزمن ولا قصر ماتصير الشموخ حلال يوسف لو على جثته ، التفت لجواله وكان اتصال من جهاد وقبلها بلحظات كان شاهين ، حط جواله صامت وهو يناظر الطريق قدامه ، بيأخذ أكبر قدر ممكن في الشرقية يرتاح ويرتب شتات قلبه وعقله وافكاره ، بعيد عن انظار الجميع ، رجع جسده لورى يتكي على المرتبه ، وكان عقله وتفكيره بعيد كل البعد عنه ، تفكيره مٌنحصر فيما يٌفكر كيف يبعد يوسف كٌل البعد ويبطل هالملكه والزواج ، وهو الي حلف الشموخ تكون له ولا غيره ياخذها ، بياخذها غصب ولا طيب ، كٌل أمنيته أن الشموخ تُعلن رفضها ليوسف ، ويل قلبه لو أعلنت موافقتها له ، حاله يشابه حال اليتيم الي فقد والديه ، وقلبه مثل الي يقول" لاتسرق الوقت ياطيري مادام قلبك لحد غيري " ، رجع شعره للخلف وشد عليه بخفه وتنهد بتعب مٌهلك ، وهز راسه بخفه يحاول يطرد الأفكار الي داهمت عقله واردف بعدها بتزفيره مٌتعبه وانظاره على الطريق قدامه : ياحسرة قلبك ياهياف من يشفي له طعونه ؟!

-------------------------

بمنتصف الليل تنهد بتعب واردف جهاد بعدها بتزفيره: مايرد على جواله
خالد بعصبيه حاده : وين بيكون راح والوقت متأخر ؟
تنهد جهاد بهدوء: عمي الله يخليك ترى هياف فيه الي مكفيه لاتضغط عليه
تنهد خالد بتعب : انا ادري وين ارضه من سماه ذلحين عشان اضغط عليه ولا اخليه؟!
سيف بحسره على حال هياف: ماتعرف اماكن يروح لها دائم اذا تضايق ولا شيء ؟
زفر جهاد بهدوء وهو معقد حواجبه: حدسي يقول انه طلع من الرياض بكبره ماهو موجود لافي استراحة العيال ولا في مكان ثاني ، حتى سألت سعود عنه اذا كان موجود في استراحته ماهو عنده بعد
الجد سليمان بهدوء: اتركوه على راحته يفضفض بخلوته أفضل له ، ويدور الي يريحه و يرسى على بر
فياض بهدوء بارد : محد يلوم هياف على الي يسويه ابد ، تأكدوا لو يصير فيه شي فأنتم السبب في كل الي صار له
سلطان اردف بهدوء وهو يعرف ان هياف ابتعد عشان الي صار بينه وبين يوسف: الله يحفظه ويرجعه بالسلامة، ماهو قليل الي مر فيه
تنهد الجد سليمان بهدوء: آمين يارب
نصار وهو ينزل شماغه الي أجبره الجد سليمان انه يلبسه: والله ياخالي هياف ذا غريب اطوار ، شفتوه عند محطه البنزين ، وكان واضح من ملامحه معصب
خالد بتوتر وخوف: ماشفت مع ايت طريق راح ؟
نصار بتفكير: اتوقع ياولد خالي مع طريق الشرقية راح
الجارح بتنهيده: اكيد انه راح لشرقيه ، سعود بكره بيروح لشرقيه وشكلي بروح معه ادور على هياف
خالد وقف بتنهيده: اذا اتصل عليكم بلغوني وطمنوا قلبي ، بروح انام تصبحون على خير
اردفوا بهدوء : وانت بخير