تحرم علي الضحكه وانتي بالخفاء تبكين

البارت :10

البارت : 10
قسم الحريم عند الهنوف تسمع منهم التبريكات وتشوف الفرحه عليهم
الجده خديجة: مبروك يابنتي مبروك
الهنوف بحياء: الله يبارك فيك
عبير بفرح : مبروك يابنتي منك العيال ومنه المال
الهنوف بابتسامة: الله يبارك فيك ياعمه
فوزيه بكره : والله مدري ولد اخوي وش شايف فيك ؟
لا جمال ولا كمال ، كلك على بعض عائشة رقم ثنين
ساره بنرفزه من كلامها وهي تشوف الهنوف تغيرت ملامحها لزعل: بسم الله ماشاء الله ، والله انها تهبل ، عيني عليك بارده يالهنوف
الهنوف بحزن على حالها: تسلمي ياعمه
ام الجارح بابتسامه: وين بيلقى الجارح مثل الهنوف ياهنيه فيك يابنتي
الهنوف بابتسامه: والله انا يالي ياهنيي ان عندي زوجت عم مثلك
الشموخ وهي تدخل عليهم : يالله يابنات ، تعالوا نخرج للحديقة ، زبطنا الجلسه ، هاتو القهوة معاكم وتعالوا
طلعوا البنات للحديقة ماعدا الهنوف راحت للمطبخ تسوي لهم عصير ليمون
دخلت عليها لينا ووتين وهم يشوفونها تفرم الليمون وقفوا قدامها وهم يناظرونها بإستصغار
وتين بسخريه:اوه ، العروس هينا ، ياحرام تكسرين الخاطر
الهنوف عقدت حواجبها: عفواً ، بغيتي شي ؟
لينا وهي تاخذ عصير ليمون وتشربه : جينا نقولك كم كلمه ونطلع
الهنوف عقدت حواجبها بإستغراب: وش عندكم بعد ؟
وتين وهي تاخذ عصير وتجلس على الكرسي وتناظر فيها: انتي مصدقه نفسك ان الجارح خذاك حبً فيك هه مسكينه تراه خذاك شفقه لأن ما عندك لا اخ ولا اب يحميك ويصونك فخذاك شفقه لا أكثر ولا أقل
لينا وهي تناظر تعابير وجه الهنوف: يعني لاتبنين قصر أحلامك على الجارح لأنه مو متقبلك كزوجه صدقيني
الهنوف وهي تاخذ صينية العصير وقبل تخرج :خلصتو ؟
ياليت تهتمون في نفسكم ، ومالكم شغل لا فيني ولا في الجارح ، اوك حبايبي ، لاتعذبون أنفسكم بالكلام الي ماله داعي
طلعت الهنوف للحديقة وتركتهم في المطبخ وهي تدري ان كلامهم ذا عشان ترفض الجارح بس بعيد عن خشومهم انها ترفضه
وتين وهي متنرفزه من الهنوف: وش خطتك الجايه يا لينا ؟
لينا وهي تشرب عصير ليمون: الخطه الجايه راح تكون قويه بخليهم يفقدون ثقتهم بالهنوف
وتين بإستفسار: وش هي الخطه؟
لينا وهي توقف : كل شي بوقته حلو ، لا تستعجلين ، تعالي نروح لهم ، نشوف وش عندهم

-----------------------------------------

نرجع عند فياض وفارس اتصل عليهم العميد محمد وطلب منهم يحضرون في المركز ، توجهوا لمكتبه واستغربوا من كمية الملفات والأوراق الي على الطاوله
ناظر فيهم العميد محمد: تفضلوا ، حياكم ، اجلسوا بيننا كلام كثير
جلسوا فياض وفارس وهم مستغربين من كلام العميد محمد
فارس وهو يناظر الملفات: وش ذا كله ياعميد؟
مد العميد محمد الملف لفارس واخذه وسرعان مابردت ملامحه هو يشوف الأسم الكامل " الصقر بن سلطان "
ناظر فيه فياض وهو يمد يده للملف ويشوف وش غير ملامح فارس ماكانت صدمته اقل من فارس : كيف كذا ياعميد؟
العميد محمد بتزفيره : البنت ماهي بنته
فياض بغضب: كيف ماهي بنته ؟ وهي معاهم بنفس المستودع وش جالس يصير ياعميد؟
العميد محمد بهدوء : اهدى يافياض ، البنت مو بنته ، ومثل ماتشوف بطاقته حقت الأحوال ، وأوراق اثباتاته تثبت ان ماعنده بنت ، والبنت الي شفتها ماهي بنته ، وفيه لعبه جالسه تصير
فارس وهو يناظر الملف : بس وش يخلي بنت في مستودع الصقر ؟ وش هدف الصقر من تواجد بنت مع رجاله ؟
العميد محمد وهي يتكي بظهره على الكرسي : هذا الي مافهمته لحد الان ، فياض بترك لك مهمت البنت ، ابغيك تعرف لي وش تسوي معاهم؟ ، وش صلتها بالصقر ؟
وانتبه زين ، خلك مفتح عيونك ، ولا تغفل عن شيء وتخبرني بكل صغيره وكبيره
فياض وهو يوقف : تامر طال عمرك ، توصي شيء؟
العميد محمد : لا ، سلامتك
فياض وهو ياخذ جواله : استأذن
طلع فياض وهو نيته يقابل ليالي الليله ، لازم يعرف صلتها بالصقر ، بس كيف عشان ماتكشفه