تحرم علي الضحكه وانتي بالخفاء تبكين

البارت:39

اللهم صلِ وسلم على نبينا محمد
لا إله إلا الله وحده لاشريك له
سبحان الله وبحمده سبحان الله العظيم
استغفر الله العظيم واتوب إليه من جميع الذنوب

حبايبي لاتلهيكم القراءة عن أداء الصلوات المفروضة

حسابي انستقرام تشرفوني حبايبي "(wiir_14 )" البارت الجاي بنزله بحسابي انستقرام

بمنتصف الليل جافاها النوم بسبب المشكلة الي صارت لهم هذا اليوم كانت جالسه على السرير بغرفتها وهي تسب وتشتم بسبب غباء بنتها وزلة لسانها الي تسبب بالمشاكل كلها ، اردفت بتزفيره وهي تبكي: وانا وش دراني انه اخوك المصون لاحق بها ويسترق السمع
فوزيه وهي ترمقها بنظرات حاده: وانتي ماتعرفين تسكرين فمك ، افترضي انهم كشفوا اني انا الي حطيت السلسال بغرفتها تدرين وش بيصير لو احد عرف؟
وتين وهي تسند راسها على يدها واردفت بعدها بنبرة باكيه: يكفي يمه يكفي ، لاتحطين اللوم علي ، ترى كل الي صار لنا من تحت راسك ومخططاتك
فوزيه وهي تشدها من شعرها بغضب : والله لو اسمع هالكلام منك مرة ثانية لتشوفين شيء مايسرك تفهمين ولا لا

-----------------

صحى من بدري قبل العيال كلهم وهو يحس بنشاط غريب عليه ، مايدري وش سببه بالضبط لكنه من بعد اتصالها امس وهو مايدري وش هالرضا اليوم عليه ، هو سببه يوم سمع صوتها ولا شيء ثاني مايدري ، لكن شيء واحد يعرفه ان الي يصير له بسببها ، طلع للبلكونه ووقف على حافتها وتكاء بيده عليها ويده الثانيه فيها كوب شاي ، يتأمل جمال الجو مع الصباح مع اصوات زقزقة العصافير ، وبرودة الجو المعتدله ، هو ماكل تفكيره بالشموخ وبإتصالها امس ، شتت انظاره على المكان ، ورفع انظاره للسماء واردف بعدها بابتسامة وحيره :
يالرقم وش حدك أمس ودقيت
صحيتني و انا ما كنت نايم
من غفوة الحب قمت ثم فزيت
وافطرت على صوتك وانا عنه صايم
والله مانسيتك لو قلت اني نسيت
ما انساك الا تاكلون بعد عزاي الولايم
من قوى قلبك يوم ابعدت وتخليت
ومن لين قلبك علي وجيتني هايم
ضحك بخفيف وهو يجلس على الكراسي اللي موجوده في البلكونه واردف هياف بهدوء وهو مازال مبتسم بعبث: اي بالله من لين قلبك علي وجيتيني هايمه يالشموخ ، لاتضنيني نسيتك يالشموخ ببعدي عنك ، والله ما انساك
تنهد بهدوء وتكا براسه على حافة الكرسي وابتسم بخفيف وهو يناظر في السماء ، وهو تفكيره مٌنحصر فيما ان مابقي شيء ونتقابل

---------------------

يوم مٌتفاؤل وسعيد للبعض وحزين للبعض ، بعد ذهاب الجميع لأشغالهم ، في بيت الشعر تحديداً متواجد فيه الجد سليمان والجدة خديجة و ام احمد(صيته) و فوزيه وفاطمة وعبير وأم فياض وأم الجارح وبرق الي متملل من الجلسة معهم ومن احاديثهم الممٌله بالنسبة له
الجد سليمان وهو ينزل فنجاله واردف: الا اقول يافوزيه ماكن سفرة زوجك طولت هالمرة ؟
اردفت فوزيه بهدوء: انت تعرف شغله يحتم عليه يطول
هز راسه الجد سليمان ب"زين" وتنهد بخفوت وناظر في الجده خديجة بابتسامة اول ماشافها تناظر فيه او سرحانه فيه ، وهو متأكد انها تفكر في كلامه الي قاله لها أمس
فاطمه وهي تخز فوزيه: لو اني مكانك رحت معه لسفرياته الي الله اعلم وش وراها؟
فوزيه وهي تميل شفايفها بعدم إعجاب لكلامها: وهو مو رايح يتمشى راح سفرة تجارية بيع وشراء ، ماهو تسليه ولعب ، هاذي فيها مصالح ومكاسب
اردف برق بملل وهو يزفر: اعتقوني لوجه الله يامسلمين ماصارت هاذي ، سواليفكم كلاها مغثه وتجيب الإكتئاب
ام احمد(صيته)وهي تخزه : وانت ماوراك اشغال تروح لها دام سواليفنا تجيب لك الإكتئاب؟
شتت انظاره برق بطفش منهم ، واردفت ام فياض بابتسامة وهي تمسك يد برق : وش رايك تشتغل مع فياض في الاستخبارات أفضل شيء ، وتكون قريب من اخوك
ابتسم برق بسخريه واردف: تشوفين حالة فياض كيف من وراء الاستخبارات ، وانا مستحيل افرط بنفسي واهلكها ، وعلى العموم ترى هياف والعيال بيجون اليوم
ابتسم الجد سليمان بفرح: يالله حيهم ، وانت من قالك انهم بيجون؟
ميل برق شفايفه بخفيف وابتسم بعبط وسخريه: يٌقال لي اخو اسمه رائد هو الي علمني
تقدمت غزواء منهم وسمعت آخر حوارهم وهي تنزل صحن الفطور قدامهم واردفت بعدها بدلع : هادا عاملتوا انا ووعد تذوقوه وادوني رايكم فيه
الجد سليمان بابتسامة: تسلم يمينكم اي هذا البنات السنعات
ابتسمت غزواء بخجل واردفت بإبتسامة: الله يسلمك ياخالي ، دحين بروح اجيب لكم الشاي
وتوجهت للبيت وتقدمت من المطبخ وهي تناظر في وعد الي تسوي الشاي واردفت بعدها بهمس : تعرفي ايش اخبار اليوم ؟
عقدت وعد حواجبها بإستغراب وهي تحط الكاسات في صينية الشاهي واردفت: طلعي الي في جعبتك من أخبار كلي ادان صاغيه لك ، ايش عندك
غزواء اردفت بسخريه: سمعت انو هياف جايي اليوم ، عاد انا كتير متحمسه لشوفوا
وعد وهي تلتفت على غزواء واردفت بصدمه: احلفي ، مين قالك ؟
غزواء وهي تتكي على الطاولة: برق سمعته يقول لخالي سليمان انو بيجوا هو وباقي الشباب الي راحوا للشرقيه
وعد وهي تحط حب(مكسرات) في صحون واردفت بعدها بتساؤول: بنفسي اشوف هياف دا الي رفضتوه الشموخ
اعتدلت غزواء بوقفتها وهي تاخذ الصينيه واردفت: تحركي خلصينا تأخرنا بالشاي عليهم
اخذت وعد جوالها من فوق الطاولة وتوجهت مع غزواء لبيت الشعر