البارت : 4
نرجع للهنوف تكشخت ولبست فستان لحد الركبه لونه احمر بدون أكمام علاق فتحت الصدر على شكل ٧ مخصر من عند الصدر لحد الخصر مكسر في ريستال من تحت الصدر ولابسه كعب اسود لأنها قصيرة وجسمها حلو لا نحيف ولا سمين رويانه حاطه روج لحمي وراسمه عيونها عدساته سود ورموشها كثيفه حطت مسكرا وصارت كثيفه مررة لابسه سلسال عليه اسمها وحلق على شكل نجمه ومسويه شعرها ويفي وحاطه بوف من قدام خفيف ومطلعه شويت خصل على وجهها لابسه ساعة كريستال وخاتم هديه ابوها ل امها كانت امها راميه الخاتم وهي أخذته ذكرى حطت من عطرها
دخلت الجده خديجة عليها ومعاها أمير : بسم الله ماشاء الله تبارك الرحمن وش هالزين يابنت راشد
الهنوف استحت وحطت يدها على صدرها عشان أمير مايشوفها لان صدرها طالع شوي
أمير وهو ذايب : يازين الزين يالهنوف والله انك قمر
الجدة خديجة وهي تخزه : وش جايبك هنا مافيه مجلس رجال يضمك
الهنوف بحياء من أمير: انت الزين يا أمير بعدين جده توه صغير يعني عادي لو اكشف عنده
الجده خديجة وهي تخز أمير: ايه الصغير بكرة يكبر ويصير رجال ماعاد بهو صغير يالله قدامي اطلع يالله ياقليل الحياء
أمير بتكشير: جده خليني دامني صغير استانس ليش واقفه لي على كل كبيرة وصغيرة
الهنوف كسر خاطرها أمير: خليه ياجده احسه لطيف وتوه صغير انا اعتبره مثل اخوي
ناظرت الهنوف في أمير: نصير اخوان ؟
أمير بهيام : نصير اخوان ليش لا بس موب دايم اخوان
الجدة خديجة وهي تناظر أمير: كن عجبك المقعد هنا قوم يالله ل الرجال
أمير وهو يوقف : يالليل منك ياجده تبغون شي قبل لا روح
الهنوف و الجدة خديجة: سلامتك
جاء المغرب وصار موعد العزيمه امتلاء المجلس من الضيوف القريب و البعيد والعيال الي كل واحد ماسك له شغل الي يصب القهوة و الي يصب الشاهي والي يقدم الحلويات والي يبخر الضيوف والي يشرف على العشاء والي يشرف على بيت الشعر والي يستقبل المعازيم
نرجع لقسم الحريم سلمت الهنوف على عماتها وزوجات اعمامها وبنات اعمامها دخلو المعازيم وستقبلوهم الجدة وبناتها وزوجات عيالها
سميرة وهي تخز الهنوف: وراك ماتستقبلين معاهم ولا مسويه نفسك ضيفه عند اهلك
الهنوف وهي مو معجبتها نظراتهم لها : جده رفضت اني استقبل تقول العزيمه لك وعيب الضيف يستقبل معزبينه
سميرة وهي تناظرها بإستصغار: اي ماقلنا شي بس قومي سوي لك شغله موب مرتزه لي هنا
الهنوف وهي تناظره بجمود وتجاهلت كلامها ولا كأنها موجوده
ام عبدالله احد الضيوف: ماشاء الله على حفيدتك تبارك الرحمن قطعة قمر يا ام سلطان "الجده"
الجدة خديجة: هاذي بنت المرحوم
ام عبدالله: امها وين ماشفناها ؟
الجدة وهي تناظر بالهنوف الي تغيرت ملامحها: امها ماجات عند اهلها زواجها الأسبوع الجاي
ام عبدالله : لايكون بتترك بنتها وتتزوج
الجدة خديجة وهي تنهي الموضوع: البنت ماهي عند اغراب عند جدها سليمان وبين اهلها
الجدة وهي تناظر الهنوف وتهمس لها: الهنوف ياجدة روحي اخذي بخور وبخري غرفتي وباقي الغرف عشان عماتك وبناتهم بينامون هنا الليلة
الهنوف وهي توقف : زين ياجده
اخذت البخور وهي تصعد فوق عشان تبخر الغرف
أنت تقرأ
تحرم علي الضحكه وانتي بالخفاء تبكين
Mystery / Thrillerرواية سعودية تتحدث عن: استخباراتي يراقب عصابة المجرمين وهي مع مجرمين قتلوا ابوها وخطفوها وهي صغيرة وكبرت معاهم وتربت معاهم من وهي صغيرة وتلتقي معاه بالصدفة ، اما هو كان يراقبهم من بعيد لبعيد يشوفها و هي تدرب على السلاح والمبارزة وتلبس ملابس رجال ي...
