تحرم علي الضحكه وانتي بالخفاء تبكين

البارت:20

حسابي انستقرام حبايبي: "(wiir_14 )"
قراءة ممتعة للجميع 💛💛🔥

البارت:20

طلع فارس متوجه لقسم الجراحه وشاف سيف وهياف جلوس على كراسي الأنتظار ابتسم وهو يشوفهم وتقدم لهم : سلام عليكم
سيف وهياف: وعليكم السلام ورحمة الله وبركاته
سيف بابتسامة: هلا هلا ياولدي تفضل اجلس
جلس فارس وهو مازال مبتسم: ابشرك ياعمي ، الدكتور لقى متبرع لفياض وهم ذلحين جالسين يسوون الإجراءات اللازمة
سيف فز بفرح: امنتك بالله يافارس تقول الصدق؟
فارس وقف بابتسامة: ايه ياعمي والمتبرع بنت بعد
سيف التفت على هياف وحضنه : سمعت ياهياف لقوا متبرع لفياض لقوا متبرع ياعونت الله
هياف وهو يطبطب على ظهر عمه : حمدلله حمدلله تقر عيونك بشوفته ياعمي ، دام لقوا متبرع ياعمي روح للبيت ارتاح وانا وفارس بنبقى مع فياض نرافق معه وانت تريح والعصر تعال
هز سيف راسه ومشى طالع من المستشفى متوجه للبيت
-------------------------------
وصلوا البيت وتوجهوا للمجلس وجتهم الجده خديجة وهي تجلس بجنب الجد سليمان: وش صار يابو سلطان؟
الجد سليمان بهدوء: ان شاء الله خير ، المجرم ومسكوه وراح ياخذون الإجراءات القانونية بعد مايصحي فياض لانه المشرف عليه لان له جرائم سابقه وكان فياض مسؤل عن هالقضيه
رائد بسخريه: قصدهم يبدون التحقيق بعد مايموت فياض
خالد بهدوء: قالوا لك يارائد فياض هو المسؤل يعني مايقدرون يسوون شي الا بأمر من فياض غير كذا مابيدهم شيء يسوونه
الجده خديجة بحزن: ياويلي عليك يافياض ، متى بتروحون تزورونه؟
سلطان وهو يشرب فنجاله: الزيارة العصر بنروح له
دخل البيت سيف متوجه لهم في المجلس دخل عليهم وبصوت جهوري: السلام عليكم
فزوا كلهم : وعليكم السلام ورحمة الله وبركاته
الجد سليمان وهو يتقدم له : وش اخبار فياض
سيف وهو يتقدم ويقبل راس ابوه ويده : ابشركم العملية انجحت ولقينا متبرع يتبرع لفياض بدم
تنهدوا كلهم براحه وطمأنينة
تقدم سلطان له : روح بشر ام فياض يابو فياض تراها لا ليلها ليل ولا نهارها نهار روح لها وطمنها على ضناها
سيف بابتسامة باهته: تبشر
وراح يبشر ام فياض
برق وهو يرفع انظارها لرائد وناظره رائد وغمز له بمعنى "قوم ارواح" طلعوا خارج المجلس متوجهين لسيارتهم ركبوا وراح للمستشفى
-----------------------------
كانت جالسه في غرفتها وتنتظر جيت جهاد للبيت عشان تسأله وش صار معاهم ومع فياض وكل شوي تناظر في جوالها تشوف الساعة كم صارت وهي على اعصابها متوترة وخايفه كثير الخوف على فياض
لفت على صوت الطق الي على الباب ووقفت بصعوبه بالمشي من كثر تعبها وارهاقها وقلة النوم والراحه الي اجتاحتها من وقت إصابة فياض لحد الآن وهاذي اللحظة توجهت للباب وفتحته وشافت لينا ووتين
استندت على الباب وكتفت ايديها ورفعت حاجبها الأيمن وابتسمت باستهزاء من وجودهم : اووه انتم هنا غريبه عليكم
لينا وهي تشتت نظراتها : جينا نقولك تعالي اجلسي معانا في الحديقه نتقهوى ونتسلى شوي
الشموخ ميلت شفايفه: اها ماشاءالله ألاحظ تغيير حلو فيكم والله ، مالي خلقك لا انتي ولا انتي " وهي تأشر عليهم " الي فيني مكفيني مالي فيكم تكونون زيادة على الي فيني توكلوا عني
وتين بنظرات استصغار: والله الشرهه موب عليك علينا حنا الي نفكر نطلعك من الجو الي انتي فيه ، وتكلمي زي الناس واعرفي مع من تتكلمين فاهمه
الشموخ وهي صدق حالياً ودها تطلع الطاقه السلبيه الي فيها والغضب والضغوطات المتراكمة عليها دفتها مع كتفها: وش بتسوين هاه قولي وش بتسوين ؟
وتين وهي متنرفزة من الشموخ وحركاتها: التزمي احدودك وردي يدك عني لكسرها لك
لينا وهي تحاول تداري الوضع قبل يتطور وتصير هوشه : خلاص الشموخ ماتبغين تجين براحتك مانغصبك امشي وتين
الشموخ مسكت لينا مع يدها : لحظه لينا ، وش بتسوين بتكسرين يدي
وتين وهي تدف لينا من قدامها : اكسر راسك لو تبغين
الشموخ فقدت اعصابها بهالحظه وعطتها كف بحيلها كله : تخسين يابنت الكلبب تمدينها علي والله لخليها معلقه في رقبتك لو سويتيها واحذرك ابعدي عني لاخلي نهارك ليلك فاااهممه
لينا كانت مصدومه وهي تناظر في الشموخ الي اول مرة تشوفها كذا ماكانت تتوقع أن الشموخ تجيها نوبة غضب مثل كذا لان الشموخ في نظرها البنت الهاديه بس حالياً ماتشوف الهدوء تشوف الغضب والعصبيه بملامحها
وتين ويدها على خدها والشرار يتطاير من عيونها اهجمت على الشموخ ومسكت يدها ولوتها: اكسرها يالشموخ ولا يرف لي طرفة رمش فاهمه
الشموخ وهي تحرر يدها منها ومسكت شعرها وسحبتها من عند غرفتها متوجه لدرج : جربي جربي بس لعزي امك وابوك فيك فاهمه
لفت وتين وهي تشوف الفازة اخذتها وهي تضرب يد الشموخ فيها ، طلع جهاد من غرفته على الصراخ وانصدم من المنظر
صرخت الشموخ و تركت شعرها من شدة الألم والدم الي على يدها وبصراخ : وتييين والله لذبحك وانا بنت ابوي
عطتها الشموخ كف ثاني ودفتها من على الدرج وهي ماكانت بوعيها من عصبيتها والغضب الي اجتاحها بهالحظه والألم الي تحس فيه والدم الي ينزف من يدها
صرخت لينا وهي تناظر الدرج الي دفت الشموخ وتين من عليه ولفت ل الشموخ وهي تشوف ملامحها توحي انها بتفقد الوعي ورفعت نظرها لجهاد الي واقف منصدم ويناظر فيهم وصد بسرعة اول مانتبه انهم كاشفين لكن ماشاف الا لينا لأنها مقابله له والشموخ معطيته ظهرها ووتين مالمحها زين من كثر الصدمه الي اعتلته من منظر الدم الي على الأرض
جلست الشموخ على ركبها اول ماحست بأنها بتفقد الوعي وهي ماعاد تحس بشي ابد حتى الأكسجين تحسه انعدم من حولها وتحس نفسها تختنق
دخل هياف البيت بسرعة بيأخذ له ولفياض ملابس ويرجع للمستشفى بسرعة لأنه ترك فارس عند فياض
كان بيصعد لدرج واستغرب من البنت الي طايحه ورفع انظارة وانصدم وهو يشوف لينا واقفه : لينا
لفت لينا انظارها لدرج وشافت هياف ونزلت له ركض وهي خايفه ومتوتره : الشموخ ياهياف الشموخ
فز قلبه اول ماقالت له "الشموخ" خاف صدق خاف عليها لو صار لها شي وعظامه ماعادت تحمله من الخوف على الشموخ طلع لدرج ركض ووقف اول ماشافها جالسه على الأرض والدم من حولها وجهاد واقف وصاد عنها
ركض لها وجلس على ركبه ونص ومسك وجهها بأيديه: الشموخ يانظر عيني فيك شي ؟ جهاد وش صار
جهاد وهو صاد : وتين ذي صارت تتمادى عليها بالكلام وهي مدري وش صار لها لكن وتين ضربت ذراعها بالفازة ودفتها الشموخ مع الدرج وهذا الي صار
ارفعت انظارها له والواضح انها موب بوعيها رفعت ايديها الي ترجف وناظرت فيه : ا اانا ق قتلتها م ماتت ياهياف ماتت انا ذبحتها انا بسببي انا هي م ممااتت
هياف وهو يناظر انهيارها وخوفها ورجفت ايديها ضمها بسرعة لصدره : الشموخ ابوي انتي ماقتلتي احد اهدي اهدي ذلحين ماصار شي اهدي ياقلبي اهدي لاتخافين انا معك
شدت على حضنه وشد عليها وهي تنهار بكاء وتتكلم بكلام بعضه مفهوم وبعضه مايدري وش لكن الي فهمه انه عن فياض رفعها معاه ووقفها وابعدها عنه شوي وكان ماسكها من عند خصرها لأن رجولها مو قادرة تشيلها
عند لينا جابت مويه وهي ترش وتين على وجهها وفتحت عيونها وجلستها لينا وشربتها لينا وناظرت وتين فيها : وينها ؟
عقدت لينا حواجبها بإستغراب:قصدك الشموخ فوق
طلعت وتين لدرج وناظرت هياف وجهاد حولها : وينها الكلبه
وتين ارفعت نظرها لهياف : اووه حبيب القلب هنا هه لا وحاطها بين احضانه هاذي حيه ياهياف حيه تلدغك وتتخبى
جهاد بعصبيه: وووووووتيييييين التزمي احدودك تراك تماديتي بما فييييهههه الكفايهه
هياف الي من غير شي معصب : وتين والله وعزته ان ماذلفتي من قدامي لذبحك بيدي مو الشموخ فاهمه
وتين الي كان جبينه ينزف ويدها فيها كدمه وجنبها الأيمن يوجعها من الطيحه
الشموخ رفعت راسها تناظر هياف وهي تحس نفسها بيغمى عليها وهمست بخفوت : ه هياف
هياف ناظر فيها وهو خايف عليها : عيونه
الشموخ وهي تتمسك بيدينه الي على خصرها ورفعت راسها له : ف فياض ووين.....
ماكملت كلامها الا وفقدت وعيها شدها هياف لحضنه وانحنى يشيلها : الشموخ
لف انظاره لوتين والشرار يتطاير بعيونه: وتييين تراني ذباحك الليلة والله لو يصير فيها شي لذبحك فاهمه موتك على يدي الليله
أخذها متوجه لغرفته ونزلها على سريره وجلس منحني فوقها يحاول يصحيها: ابوي الشموخ اصحي ناظري فيني
جلس يطبطب على خدها لكن مافيه فايده توجه لتسريحه اخذ له عطر وبخه على منديل وحطه عند خشمها عشان تصحى : الشموخ ابوي اصحي
فتحت عيونها بشويش : ف فياض
اخذ مويه من على الطاوله: اشربي يابعد حيي
اخذت الكأس وشربت منه شوي وابعدته كانت تناظره بعدم وعي هي وش جالسه تسوي او تقول مو بوعيها نهائي : هياف عيوني ، وينه فياض ؟ قولي امنتك بالله تقولي
جلس هياف بجنبها ومسك وجهها بين يديه: والله ياعين ابوي ، انه بخير لا تخافين يانظر عيني لا تخافين
بعدت الشموخ يدينه عن وجهها بقوة : انت جالس تكذب علي ، ف ففياض مو بخير مثل ماتقول ، مو بخير قلبي يقول انه مو بخير وقلبي مايكذب
تنهد هياف وابعد عنها اول ما ابعد ارفعت راسها وناظرت فيه وهو واقف كان بيطلع ويتركها ترتاح فزت مباشرة وهي توقف قدامه وتتمسك بثوبه: ههياف خذني له بشوفه تكفى وربي اني اموت في اليوم مئة مرة خذني له ياهياف
هياف مسك يدينها وسرعان ماشهقت وهي تبكي حزن على حالها وعلى اخوها وعلى قلبها وعلى كل شي صار
هياف وهو يجلس ويجلسها بجنبه : اخذك بس انتي ارتاحي ونامي وانا اوعدك اخذك له
رفعت راسها له وناظرت بعيونه وانتبهت انها متمسكه فيه تركت يده و هزت راسها بزين وانسدحت على سريره وضمت اللحاف لصدرها وهي تشتت انظارها من نظراته الي تناظرها
الشموخ وهي تصد للجهه الثانيه: تقدر تطلع بنام في غرفتك ممكن ؟
هياف وهو يبتسم من طلبها وصدها عنه : ابشري ماطلبتي شي الغرفة وصاحبها لك وحدك
طلع وقفل الباب عليها عشان محد يدخل ويشوفها في غرفته وبالأخص عماته الي من غير شي تفكيرهم منحرف نهائي ضمت البطانيه لصدرها وحطت يدها على شفايفها وبدت تبكي بصمت ونامت وهي تبكي
-------------------------------
عند ام فياض الي صار لها يومين وهي تعبانه ونفسيتها متدمرة وصحتها مهملتها وصارت ملازمه غرفتها ولا تطلع منها ولا تقابل احد والوحيد الي مسليها هو دموعها وسجادتها ودعواتها لعيالها الي ماشافتهم من يوم تصاوب فياض
دخل الغرفة واستغرب من كون الإضاءة خافته شافها على سجادتها وفي يدها سبحه تستغفر بها وتسبح فيها والقرآن بين يدينها والواضح انها تقراء وتدعي ، جلس على طرف السرير ينتظرها تخلص ، بعد لحظات خلصت صلاة طوت سجادتها والتفتت عليه شافته سرحان بتفكير وشابك ايديه في بعضها وشماغه على كتفه وعقاله على راسه ، تقدمت وجلست بجنبه ومسكت يدينه وناظرت بعيونه ، ماحبت تزيد تعبه تعب لان من غير شي نفسيته تعبانه من فياض وخوفه على زوجته وعياله زاد عن الخوف الطبيعي جابت له مويه ومدتها علي : ابو فياض
قاطع سرحانه صوتها ومناداتها له التفت عليها وابتسم لهت ابتسامة ذابله : عيونه خلصتي صلاة ؟
هزت راسها ب"ايه" بإستغراب انه مالاحظها: ايه خلصت
سيف: تقبل الله منك
ام فياض: منا ومنك صالح الاعمال، وش صار على فياض؟
شتت انظاره بحزن : بخير انجحت عمليته الحمد لله
ام فياض فزت بفرحه ودموعها تنزل: يارحمة الله ، وينهو ذلحين ووش سوا ياكل يشرب ينام وينه ؟
سيف وهو يمسك يدينها يجلسها بجنبه: بخير الحمد لله ، لكن لحد الآن ماصحى وقت يصحي اخذك له وتشوفينه وتطمنين عليه
ام فياض وهي تبكي: قلبي ياسيف ، قلبي يبغيه وخايف عليه انا " ام" ياسيف ام ، وانت تعرف قلب الأم كيف يكون على عيالها ، وشلون تبغيني اصبر حتى يصحي
سيف وهو يضمها: عارف شعورك ياسارة عارفة، لكن وش بيدي عشان اسويه ، هذا مقدر ومكتوب واللهم لا اعتراض على حكمك
اك فياض وهي تمسح دموعها : الله يبلغني شوفته وهو بخير وعافية ، وش سوو بالمجرم ووش قالوا
سيف وهو يمسح على وجهه : مدري لحد الآن ماوصلني خبر عنه ، انا بنام وبرتاح والعصر بروح لفياض تركت فارس وهياف عنده
هزت راسها ب"زين" وتوجهت تكمل دعاء وقراءة القرآن

لاتنسوا التصويت حبايبي 💛💛😥.