تحرم علي الضحكه وانتي بالخفاء تبكين

البارت:26

حسابي انستقرام تشرفوني "(wiir_14 )"
اتمنى لكم قراءة ممتعة حبايبي

البارت:26
ناظر فيها لثواني ولوهلة اجتاحه ، الخوف من تواجدها الي بيكشفهم ، توتره الي باين على ملامحه ، غلبه منطقه قدامها ، سكنت حروفه من تواجدها قدام باب الغرفة ، شد بيده على مقبض الباب بقوة ، ابتسم بتوتر: هلا والله
اما ليالي ناظرت فيه ، لوهلة حست ان فيه شي ، ملامحه باين عليها الخوف ، والعرق الي يتصبب من جبينه واضح عليه من نتيجة توتره ، لكن ماهتمت له ، ناظرت فيه بابتسامة: اهلين فيك ، جيت حتى ازاور صاحبك قبل لا امشي ، تسمح؟
فارس بوهقه ، وابتسم بشبه ابتسامه بينه وبين نفسه" جاك الموت ياتارك الصلاة " : حالياً صاحبي ، في الحمام الله يكرمك ، والدكتور مانع عنه الزيارة ، اعتذر منك والله ، مقدر اسمح لك
ليالي وهي تشتت انظارها : اها ، تمام ، سلملي عليه ، وأن شاء الله ، مو اخر لقاء بينا ، مع السلامة
ناظرها لحد ماغابت عن عيونه خارجه من المستشفى ، تنهد بارتياح ، التفت على فياض الي الخارج من الحمام " الله يكرمكم "
سكر الباب ودخل لداخل وجلس على السرير ونزل راسه وتكا على يدينه
ناظره فياض لثواني، ومرر انظارة على كبك ثوبه يسكرة و اردف بهدوء: عسى خير ، وش فيك ؟
ليه رجعت ؟!
رفع راسه بتنهيده وانظاره على الباب: من وين يجي الخير قلي ، وبنت الصقر قبل دقايق كانت بتكشفنا
رفع راسه بصدمه ومرر انظارة على فارس وهو يتقدم من السرير: وش قلت ؟ بنت الصقر؟
هز فارس راسه ب "ايه " بهدوء وهو يشتت انظاره : ايه ، كانت بتكشفنا لو شافتك ، قبل دقايق كانت قدام باب الغرفة ، كانت بتدخل وتشوفك ، لو اني ماكذبت عليها كان كلنا في خبر كان
فياض عقد حواجبه بإستغراب : ليه وش قلت لها ؟!
فارس بتزفيره: قلت ان الدكتور مانع عنك الزيارة وش بقول لها ، تصدق والله ان كل شي فيني يرجف
فياض بابتسامة سخريه: شكلها مسببه لك رعب اكثر عن الازم
فارس بضحكه ومزح : والله انها سببت لي رعب ، لكن لجل عين تكرم مدينه ، كل هالحال الي وصلت له ، عشانها ماتكشفك ، ولا انت منت كفو احد يوقف معك
ابتسم فياض بسخريه وهو يعدل شماغه ، وطلعوا متوجهين ، لدكتور عشان يوقع أوراق الخروج ،
وقعوا الأوراق وخلصوا كل الإجراءات اللازمة للخروج ، وطلعوا متوجهين خارج المستشفى ، لكن قبل لايطلعون صادفوا ، جهاد وهياف امامهم
عقد هياف حواجبه بإستغراب: على وين رايح يالحبيب ؟!
فياض بهدوء بارد: للبيت
رفع جهاد حواجبه بإستغراب: ليش ان شاءالله ، توك صاحي من الغيبوبه كيف تطلع
هياف وهو معقد حواجبه بسخريه: اقول لايكثر هرج ، و ارجع للغرفة الي كنت فيها
فياض وهو مستند على فارس: يارجال دامني متعافي ، وش لازمه المستشفى ، كلها شوية ادويه هاذي هي ، وإذا على كتفي ، يومياً اجي واخذ اشاعه عليها ، وانتهى الموضوع
فارس وهو عارف فياض وعناده: اهم شي نفسية المريض ، وهو نفسيته تتعب بالمستشفى ، خلوه يروح للبيت عشان نفسيته تعبانه يحتاج لها راحه عشان تتحسن
تنهد هياف وهو يهز راسه: مشينا ، حيل الله اقوى ، بلاه الله وابتلانا معه
ضحكوا فارس وجهاد ، على ملامح فياض البارده وهياف الي يحترق من غضبه لأن فياض نرفزه فعلاً
طلعوا متوجهين للبيت