تحرم علي الضحكه وانتي بالخفاء تبكين

البارت:47

رمضان مٌبارك علينا وعليكم حبايبي
سبحان الله وبحمده
سبحان الله العظيم
اللهُم صلٍ وسلم وبارك على نبينا محمد
اشهد ان لا إله إلا الله و اشهد ان محمد رسول الله

البارت:47
حطت يدها على فمها من كثر الصدمه الي اعتلتها واذهلتها واردفت: لا لا مو معقول ياربي
من شدة صدمتها انظارها ثبتت على الشخص الي أمام انظارها ، لوهله اجتاحها شريط من الذكريات وبالتحديد ذكريات "المستشفى" ، وقت كانت تتبرع بالدم لشخص مجهول بالنسبة لها ، لكن ذلحين تغيرت المعاني بفكرها ، الي ادركته بالموضوع انه نفس الشخصّ الي شافته بالمستشفى ، هي مٌستحيل تنسّاه ولو مر على الحادثه أيام و أسابيع ، تراجعت بخطوتها وهي تستندّ على الشٌباك وانظارها مازالت مٌثبته عليه وهي تحسّ نفسهَا مو قادرة تقدم على خطوة وحدة من كٌثر الشعور الموجع من الخيبات والخٌذلان ، تجمعّت الدموع بمحاجرّها مٌباشرة من كٌثر المشاعر اللي اجتاحتها ، لأنها وبكل شعور موجعّ كرهت فياض وبشدة من سواته فيها وفي ابوها ورجاله ، وهي بهاللحظة عرفت ان الشخص الي تبرعت له بالدم هو نفسه فياض الي كسر قلبها بكل قوة شعور مؤلم
اما بالأسفل وبالتحديد عند فياض ، الي كان جالس ويشب النار لأن فارس اتصل عليه وقال انه بيمر عليه ، ففضل انه يكون مٌبتعد عن بيت المزرعة ، ويٌفضل انهم يجلسون بالجلسة الخارجيه ، وبعد لحظات قليله من انشغاله التفت على الحارس يبلغه بحضور شخص يطلب رؤية فياض ، وقاله فياض يسمح له بالدخّول ، لأن فياض قايل للحراس ممّنوع احد يدخل المزرعة الا بأمر منه ، لأنه يخاف ان معارف الصقر يدرون بوجود ليالي و يقتحمّون المزرعة بغيابه ويأذونها ، التفت على جواله الي يدق أخذه بهدوء وهو يرد عليه وماكان الا الفريق الأول فاهد يبلغه انه بيحضر بعد صلاة الظهر من هاللحظة مٌباشرة ، لحظات والتفت على فارس الي جاء برفقة الحارس ، وقف فياض بابتسامة وهو يأشر للحارس انه يروح ، وتقدم منه فارس وسلم عليه ، اردف فياض وهو يجلس: غريبه مارحت للمركز اليوم مو كان عندك تحقيق؟
جلس فارس مٌقابل له وهو ياخذ نفس: قلت أمر عليك اول ، و التحقيق اجلناه
هز فياض راسه ب"زين" وهو يمد لفارس فنجال قهوة واردف بعدها فياض بتساؤول واستغراب: ليه تأجل؟ ماهو على اساس اليوم ينتهي؟
ابتسم فارس بسخريه وهو ينزل فنجاله واردف: الصقر وده يقابل سليمان أول
عقد حواجبه فياض بإستغراب واردف: وافقتوا ؟
هز راسه فارس ب"ايه" واردف: وافقنا ، وجدك بيحضر خلال ساعة ، اتركنا من ذا ذلحين وقولي وش صار معك؟
ابتسم فياض بسخريه وهو يشتت انظاره بتنهيده: ابد ، على ماني عليه ماتغير شيء
رفع فارس حواجبه وابتسم بشبه عبط: صارت حٌرم لك وش يمنعك عنها ، مايمنعك عنها لاعادات ولا تقاليد
هز راسه فياض بهدوء وهو ينزل انظاره للفنجال الي بيده: والله مايمنعني عنها الا نظرة الخوف الي بعيونها يافارس
ابتسم فارس وهو يناظر فيه بهدوء واردف بعدها بنبرة هاديه: تغيرت حيل يافياض
ابتسم فياض بسخريه وهو يرفع انظاره عن فنجاله ويناظر فارس واردف: لهدرجة مشاعري فاضحتني؟
هز راسه فارس بهدوء وهو يضحك بخفه: خبري فيك ماتغيرك الضروف لو قسى الوقت عليك ، غيرتك ضروفك ولا بنت...
قاطعه فياض بنبرة هاديه عكس ضجيج المشاعر اللي قتحمت قلبه بهاللحظه واردف برجاء: فارس
ابتسم فارس بخفيف وهو يناظر في فياض ورجع انظاره على جواله الي يرسل اشعارات وماكان الا العميد محمد ، اردف بعدها فارس وهو يوقف : استأذنك تأخرت
هز راسه فياض بهدوء وهو يوقف مع فارس: بحفظ الله
ومشى برفقة فارس للبوابة حقت المزرعة ، وقف فياض على الباب وهو يناظر فارس الي توجه لسيارته يركبها ويغادر المكان ، تنهد فياض وهو يمسح على وجهه ويلتفت بيرجع لداخل المزرعة ، لكن يلفت نظراته وقوفها و مٌراقبتها لهمّ من الشٌباك ، ابتسم بسخريه اول ما اختفت من على الشٌباك اول مالتقت عيونها بعيونه
تقدم فياض من البيت متوجه للغرفة الي متواجده فيها ليالي حالياً