تحرم علي الضحكه وانتي بالخفاء تبكين

البارت: 46

سبحان الله
الحمد لله
لا إله إلا الله
الله أكبر
اللهم صلٍ وسلم على نبينا محمد
جمعة مباركة عليكم يارب
لا تلهيكم القراءة عن أداء الصلوات المفروضة

البارت:46
قاطع كلامه صَوت الرصَاص الي صٌدحّ في أرجاءَ المجلسّ وصوت الصراخ الي يٌعمّ الأرجَاءّ: البنت لي ، والله ماياخذها غيري
وقفوا كلهم بصدمه وذهول من ملامح هياف الي تٌنبأ عن غضبه وحٌنقه تجاههم جميع ، تقدم شاهين منه وأطراف يديه ترجف من كٌثر الخوف والتوتر الي داهمه من منظر هياف واردف: هياف اخوي
التفت عليه هياف بعيونه الحمراء من شدة غضبه واردف وهو يوجه السلاح صوبه: شاهين وقف مكانك
ارتعش شاهين وهو يرفع يديه بخوف ويتراجع بخطواته للخلف: خلاص خلاص ، اهدا اهدا ذلحين
شد هياف على السلاح وهو يعض شفته بغضب ، والتفت بأنظاره على يوسف وأهله الي جالسين بصدر المجلس
التفت على سيف وهو يتنفس سريع من شٌدة غضبه: البنت لي ياعمي ، ومثل ماقالوا الأولين البنت لولد عمها
شد سيف على يده بقوة من جنون هياف وتمرده الطاغي ، ابتسم الجد سليمان بخفيف وهو يناظر فيهم وفي ملامحهم الخائفه وهو مذهول و"مٌعجب" بتصرف هياف ، التفت على ابو يوسف الي اردف: هذا استقبالكم لضيوفكم يابوسلطان؟
شتت انظاره الجد سليمان لهياف الي تقدم منهم واردف: هرجك معي ماهو مع جدي ، والله والله لو ماتاخذ رخمتك "يقصد يوسف" وتطلع من المجلس ، لخلي ساحة هالمجلس تلطخ بدمائكم كلكم
التفت سيف بقهر على الجد سليمان الي كان مٌلتزم الصمت: وش فيك يابوي ساكت تكلم قول شيء
مازال الجد سليمان مٌلتزم الصمت والهدوء رٌغم الي يصير حوله من جنون وجموح هياف الي أربك الجميع ،
التفت شاهين على جهاد الي واقف خلف هياف الي مصوب السلاح تجاه يوسف وأبوه ، أشر شاهين لجهاد بعيونه يتقدم ويمسك هياف ، لكن جهاد هز راسه ب"نفي" وتراجع بخطواته للخلف وجلس على اقرب كنبه تقابله ، لأنه مٌستحيل يوقف ضد هياف ، مٌستحيل يمنعّ هياف عن طريق اختاره ، عض شاهين شفته بغضب وقهر من الي جالس يصير أمامه ، ومن جنون هياف بهالوقت
لحظات من الصمت المٌربك ، وسعوا عيونهم من الفنجال الي صاوب هياف بكتفه وانكبت القهوة على ثوب هياف والصوت الغاضب: تخسى يابن خالد ماتصير حلالك
احتد غضب هياف من يوسف الي رمى الفنجال عليه وجن جنونه و شد على السلاح بيده ورفعه بقهر وحنقه على يوسف ، أطلق رصاصه ألجمت الحضور من شدة صدا صوتها الي ارجفت اطرافهم من الخوف ، التفت ابو يوسف على يوسف الي توقف عن الحركة من كٌثر الخوف الي راوده من ان هياف كان راح يقتله ويصاوب عليه ، رفع عيونه للجدار فوقه وهو يشوف الرصاصه مخترقه الجدار ، شد هياف السلاح واردف بعدها بنبرة حاده: سطام والله لو ماتطلعون من هالمكان ، لتحمل جثة ولدك معك
بلع ريقه ابو يوسف بخوف وهو يناظر يوسف الي كان خايف من هياف داخلياً لكنه يبين العكس ، مد يده ليد يوسف وهو يشد عليه واردف بعدها وهو يناظر الجد سليمان: مشينا يايوسف مالنا قعده هنا ، وبنتكم تحرم على ولدي
التفت سيف على هياف اول ماخلا المجلس من يوسف وأهله ، واردف بصراخ : مجنون انت ؟ وشلون ت..
اعتلى صراخ هياف مٌقاطع كلامه بغضب: ايه ، ايه مجنون ، وسبب جنوني بنتك ياعمي ، بنتك
اخفاء الجد سليمان ابتسامته وتقدم من هياف بهدوء وهو يناظر فيه لثواني ، اخذ السلاح من يده بقوة: دامك تنشمت وسويت سواتك الي مايسويها عاقل ، تفضل أنهي الي بديته ياولد خالد
وسع سيف عيونه بذهول واردف: وش الي تقوله يابوي؟
التفت الجد سليمان بعصبيه على سيف: ويش تبغيني اقولك هاه ، وش بيقولون الناس عنا ، هذا هو الحل الوحيد هياف يملك عليها ويعقد قرآنه عليها
تقدم هياف للشيخ وجلس بجنبه واردف: ابدا ياشيخ
تقدم الجد سليمان وهو ماسك يد سيف الغاضب وجلسوا قدام الشيخ ، واردف الشيخ وهو يناظر في هياف بطرف عينه بخوف: بسم الله الرحمن الرحيم وعلى سنة الله ورسوله صلى الله عليه وسلم ، هياف بن خالد تقبل الشموخ بنت سيف زوجه لك على سنة الله ورسوله