تحرم علي الضحكه وانتي بالخفاء تبكين

البارت:19

تنوروني حسابي انستقرام "( wiir_14 )"

البارت: 19
وصلو الجارح والجد سليمان المركز ودخلوا وتوجهوا للعميد محمد الي نقل لرياض يوم عرف بأصابة فياض وعرف وقتها ان الي صوب عليه واحد من رجال الصقر
دخلوا مكتب العميد محمد وقائد الفرقه السابعه عبدالرحمن وبعد لحظات تواجدو شاهين و خالد وسلطان ورائد وذيب وبرق الي خرجوا من المستشفى بعد مكالمة الجارح لهم
تقدم الجد سليمان وجلس على الكنبه المقابله للمكتب ، واردف من بعدها العميد محمد بهدوء: الي صوب على الاستخباراتي فياض مسكناه وعرفنا من وين جاء وايش هدفه من إصابته للاستخباراتي فياض
القائد عبدالرحمن بهدوء: ماراح نسوي شي حتى يصحى فياض وناخذ إجراءاته وتحقيق معه غير كذا القضيه راح نشتغل عليها بشكل سري وممنوع التدخل فيها من ايت جهه من جهات الأمن الا من الي تم تحويل القضيه لهم غير كذا مانقدر ونتمنى تعاونكم واحنا راح نستدعي سيف وهياف
سلطان بهدوء: طال عمرك ، تسمح لنا نشوف المجرم الي صاوب على فياض
العميد محمد : للأسف ممنوع مقابلة المجرم حالياً
رائد وهو متنرفز ومعصب وبحدة صوت : يعني نفهم من كلامك نترك الموضوع لين يموت فياض وتبدون في التحقيق
خالد وهو يحاول يهدي رائد: رائد اهدى الشرطة تعرف شغلها معاه
الجارح التفت على العميد محمد: كم يستغرق من الوقت التحقيق؟
العميد محمد وهو يناظر في أوراق التحقيق:على حسب متى ماصحى فياض نقدر ننهيها غير كذا مانقدر نوافيكم بالمستجدات
برق وهو يوقف: سبب واحد عطونيه عشان تأجلون فيها التحقيق ؟
العميد محمد بتزفيره: لان الرجل الي صاوب الاستخباراتي فياض مجرم وله سوابق وفياض كان مشرف على قضيتهم واحنا حالياً مانقدر نسوي شي الا بعد مايأذن لنا فياض فيها وقتها نقدر ننهي القضيه بالكامل غير كذا ماعندي شي اقول لكم
شاهين مسك يد برق وجلسه بجنبه وهمس له : اهدى مو وقت انفعالك
جلس برق وهو يهز رجله بعصبيه وخوف على اخوه
الجد سليمان وهو ينزل راسه وهو عارف ان الي صاوبه من رجال الصقر لان فياض وقت اسأله الجد سليمان عن شغله قاله وقتها " ملفات قديمه كانت من الماضي رجعت انفتحت من اول وجديد ياجدي " ، واردف بعدها فياض " عدو رجع أقوى من اول " هذا الي كان خايف منه الجد سليمان ، الإنتقام ، هنا ايقن الجد سليمان ان الصقر يعطيه درس وانتقامه من الجد سليمان في عياله واحفادة ، رفع الجد سليمان راسه وناظر بعياله واحفادة لكن ماهو كلهم موجودين ، سيف ، هياف ، فياض ، فاقدهم الصقر جالس يدفعه ثمن حبه لبنته ، وش ذنب فياض يالصقر وش ذنبه عشان تنتقم منه بسببي ، هذا الي كنت خايف منه صار ، الصقر ماهو متردد يقتلهم كلهم وينتقم من الجد سليمان ويحرق قلبه على عياله واحفادة واحد وراء الثاني ولا يتردد
دخل جهاد وهو يشوف الجو متكهرب وواضح على أشكال العيال انهم خايفين من هاذي القضيه
جهاد بهدوء : السلام عليكم
كلهم لفوا عليه: وعليكم السلام ورحمة الله وبركاته
تقدم جهاد وهو يعطي قائد الفرقة السابعه عبدالرحمن الأوراق الي بيده : تفضل طال عمرك الأوراق والمستندات حقت فياض الي طلبتها مني وهاذي ملفات قضايا المجرم الي طلبتها
أخذها القائد عبدالرحمن: يعطيك العافية محامي جهاد
جهاد وهو يجلس بجنب شاهين ويناظر في ذيب ويأشر له بمعنى " وش فيك "
ذيب وهو يأشر لجهاد بمعنى " ولا شيء "
وقف الجد سليمان وهو يتكي على عصاته: نستأذن طال عمرك
العميد محمد بهدوء: اذنك معك
طلعوا منصرفين للبيت عشان يرتاحون وبيروحون العصر حتى يزاوروا فياض وجهاد طلع متوجه للبيت بعد عشان ينام قبل العصر