تحرم علي الضحكه وانتي بالخفاء تبكين

البارت: 13

البارت : 13

نرجع لفياض طلع من المزرعة متوجه للمركز وهو ناوي يقول للعميد كل شي صار وكلام ليالي له وكذبها عليه ومقابلاتهم لازم يمسكون الصقر لانه صار خطر عليهم مو من عادت الصقر الهدوء وترك رجاله وبنته في مستودع مكشوف اكيد انه ناوي على شي لكن وش مايدري لازم يأمن على ليالي قبل لايمسكون الصقر لازم يبعدها عن الصقر ورجاله حتى مايصيبها أدنى ضرر

---------------------------------

بيت الجد سليمان قسم الحريم كانو متجمعين في الصاله يفطرون قبل لا يروحون للقاعة
الجده خديجة: اقول ياسارة ولدك هذا وين اختفى صار له أكثر من أسبوع ماشفنا وجهه ؟
ام فياض بتنهيدة : انا ادري عنه كل مادقيت عليه عطاني مشغول مدري وش شغله
الجده خديجة بإستغراب: والله ان وراه بلى ولدك ؟
ام فياض بخوف : بسم الله عليه
ام الجارح : العيال يقولون شغله صعب الله يعينه
الجده خديجة وهي تخز سارة : زوجيه ياسارة ولدك ماعاد هو صغير
ام فياض : مايبغي يتزوج رافض فكرة الزواج نهائي
الجده خديجة بحده: متى بيرضى عمره وصل اربعين وهو ماتزوج
ام فياض وسعت عيونها : بسم الله على ولدي توه دخل 32 سنه ماوصل اربعين ولا غيرة
الشموخ بضحك : وش بلاك ياجده اليوم ودك تزوجين العيال كلهم ، خليهم يستمتعون بحياتهم قبل لا يرتبطون
الجده خديجة وهي تخز الشموخ: آخر من يتكلم انتي ، ماناقصني غيرك يعلمني الحياة
نجد بضحكه وهمس لشيوخ : بوووم ، ليتك ساكته
دخلت لينا وهي تجلس بجنب جدتها ومدت عليها سلسال من ذهب : شرايك ياجده شريتها بمناسبة ملكت نجوم وشاهين
الجده خديجة بحنيه : ما أحلى من العقد الا لباسه يزهاك يابنتي
فوزيه بابتسامة: يامحلاه تستاهلين كل غالي يا بنتي
ابتسمت لينا وهي تناظر بالهنوف : تسلمين ياعمه ، اخاف من عيون بعض الناس لا يصكوني بعين
الجده خديجة بحسن نية: تحصني ولا احد يضرك
قامت الهنوف وطلعت للحديقة شافت نجوم راحت لها وجلست معاها : كيف معنوياتك
نجوم بتنهيده : متوتره مررة
الهنوف بابتسامه: ياعمري لا تتوترين الوضع عادي هو مو زواج مجرد ملكه
نجوم بابتسامة: الله يوفقنا

----------------------------------

مكان ثاني ، كان جالس ويدق أصابعه على الطاولة وهو يشوف مخططاته كلها تنجح ، ولا احد يقدر ينزع مخطط واحد يخطط له ، و هالمرة خطته بتكون في شخص واحد ، ويتمنى دمار هالشخص ، يكرهه ، ويحقد عليه ، يبغضه ، ويتمنى موته ، وهالمرة خطته لازم تنجح
ابتسم بسخريه: تقول ان الاستخباراتي بيرجع لرياض اليوم ؟
حمزة بهدوء: ايه ، طال عمرك ، ويمكن يطول بعد
رفع حواجبه بابتسامة: هاك الخطه هاذي ونفذها بالحرف الواحد
مد حمزة يده ياخذ الورقه منه وسرعان مابردت ملامحه من شاف مخططه ، المرة ذي مخططه أقوى واوجع من المخططات السابقه
ناظر فيه حمزة : بس طال عمرك بتكون نهايته
ابتسم بسخريه: هاذا الي ابغيه أخذهم على واحد واحد ،
مثل ماخذ مني سليمان قلبي وروحي ، وقت زوجها واحد غيري ، لحرق قلبه على احفاده وعياله ، انا راجع اليوم للمستودع اشوف وش عندهم من جديد وانت نفذ الي قلته لك ابغي اسمع اخبار تفرحني سامع
هز حمزة راسه ب "ايه" : انا بخرج تأمر على شي طال عمرك
أشر له بمعنى" روح" وراح لجل ينفذ مخططات ومداهمات لبيت الاستخباراتي