تحرم علي الضحكه وانتي بالخفاء تبكين

البارت:43

سبحان الله وبحمده
سبحان الله العظيم
أستغفرُالله العظيم واتوب إليه
اللهم صلِ وسلم وبارك على نبينا محمد
اشهد ان لا إله إلا الله وحده لاشريك له
لاتلهيكم القراءة عن أداء الصلوات المفروضة

حسابي انستقرام تشرفوني حبايبي ("wiir_14 ")

البارت: 43
واستوقف خطواته اول مالمح رجل يتقدم من السفينة وخلفه ثلاث رجال ومعاهم اسلحه ، لكن الي شد انتباهه رجال الصقر ماهم مٌسلحين ، مامعهم اسلحه نهائي و كأنهم آمنين على انفسهم ، التفت على القائد عبدالرحمن وأشر له بمعنى "تقدموا" ، وتقدم بخطوات بطيئه للسفينة حتى يدخلها ويمسكونهم ، تقدموا رجال شرطة من أمن السعودية ورجال شرطة من ألمانيا معاه داخل السفينة الي موجوده فيها خزنة البضاعة ، تراجعوا بسرعة للوراء اول مالمحوا رجال ابراهيم ، لحظات قليله والتفت الفريق الأول فاهد على الرجال الشرطة وأشر لهم بأنهم يهجموا على الرجال ويمسكونهم ، لأن القائد عبدالرحمن تولى مهمة امساك الصقر بالخارج ، لحظات من الحرب اللي متواجدين حولها ، سمع أصوات بالخارج تنبأ عن سوء أفعالهم ، ومسكوهم جميع بالجرم المشهود ، تعالت ضحكات الفريق الأول فاهد وخرج من السفينة وهو يصفق بيديه ، واردف بعدها بسخريه: هلا والله أرحب مليون يالصقر بن سلطان ، سجون السعودية مشتاقه تحتضنك من جديد صدقني ، وسيف السياف متشفق حيل لقطع راسك من بين كتوفك
صرخ الصقر بصوت عالي وهو يحاول يتفلت من بين يدين الشرطة: ياكلاب اتركوني
ضحك الفريق الأول فاهد وهو متنرفز وماسك نفسه لايهجم على الصقر ويبعثر ملامحه من شدة غضبه: كمل كمل الناقص وسب و اشتم ارجال الدولة ، لأني بضيف هالكلام في ملفك الي عندنا بالسعودية ، وصدقني منت بطالع من السجن الا على قبرك
شد الصقر على أسنانه بغضب وعصبيه طغت عليه من غفوته عن خطتهم وأنهم ممكن يلحقون به لألمانيا شلون غاب عنه تصرفاتهم بالأيام الأخيرة ، شلون يغيب عن باله كل الي صار لهم ، شلون يخسر وهو الي حلف انه يذوق المر للجد سليمان وكل ذويه ، هو خسر وطلع منها متضرر ، اما الجد سليمان فاز عليه من قبل وذلحين ، صرخ الصقر بغضب وقهر : سليماااااااان
ضربه القائد عبدالرحمن على عٌنقه بالسلاح حتى طاح من طوله فاقد الوعي بسبب الضربه الي إصابته على الوتر الحساس بالعٌنق ، مسكوهم رجال الشرطة جميعهم واخذوهم في دوريات ، وبيتم نقلهم ل سجون السعودية وبكذا تتم محاكمتهم هناك لأنهم بالأصل سعوديين
لحظات من انتبه الفريق الأول فاهد لكتف القائد عبدالرحمن الي ينزف بعمق وتحولت نظراته لصدمه وتقدم منه واردف: كتفك ينزف ياقائد وشلون؟
زفر القائد عبدالرحمن بألم وهو يحط يده على كتفه بخفيف ورجع انظاره للفريق الأول فاهد واردف: الصقر غرس بكتفي سكين لاتخاف ماهي عميقه
هز الفريق الأول راسه ب"زين " وتوجه لإحدى سيارات الشرطة
°°《**نرجع لدقائق قبل قليل**》°°
اول ماتوجه الفريق الأول فاهد للسفينة ، التفت القائد عبدالرحمن على الرئيس هولمز واردف: انتم سوف تٌهاجموا الرجال الذين يقفون بجانب السفينة ، ونحن سوف نٌهاجم الصقر وحٌلفائه
والتفت القائد عبدالرحمن لرجال الشرطة الي معه وأشر لهم بيده يتقدمون معه ، لحظات وهجموا مع بعض عليهم ، التفت الصقر بذهول وصدمه من العدد الهائل الي يحاوطونهم من كل جهة من رجال الشرطة الي رافعين اسلحتهم صوبهم ، تراجع بخطواته للخلف وانظاره على ارجال الشرطة الي محاوطين الأماكن ، استوقف خطوته من السلاح الي انغرز في عٌنقه من الخلف ، اردف القائد عبدالرحمن بسخريه: على وين يالصقر ، ناوي تهرب وانا سهرت الليالي وتعبت الأيام عشان تطيح بين يديني وهذا هو اليوم جاء الي بخليك تطلب الموت ولا تلقاه ، لخليك تدفع ثمن كل شيء سويته
عض الصقر شفته بقهر وغبنه من غفوته عنهم ، دخل الصقر يده في البالطوا الي كان لابسه وطلع سكين والتفت بقوة وغرزها في كتف القائد عبدالرحمن ، وبسرعة هائلة اهجموا عليه رجال الشرطة وصارت مناوشات كبيره وطلعوا منها بإضرار كثيرة ، ومسكوه وقيدوا يديه ورجليه بكلبشات حديديه