تحرم علي الضحكه وانتي بالخفاء تبكين

البارت:40

بسم الله الرحمن الرحيم
سبحان الله وبحمده
سبحان الله العظيم
لا إله إلا الله وحده لاشريك له
اللهم صلِ وسلم وبارك على نبينا محمد
لا تلهيكم القراءة عن أداء الصلوات المفروضة

حسابي انستقرام تشرفوني حبايبي "(wiir_14)"

البارت: 40
شهقت بصدمه وذهول من كلام فياض وحطت يدها على فمها من كثر الصدمه والخوف الي اجتاحها
واردفت بعدها بنبرة كلها تنبأ عن ذهولها: حبيت بنت عدوك يافياض؟ ، لا ياحفيدي لا ، الا هالبنت يافياض لاتقرب صوبها ، ماهي من نصيبك ياحفيدي
غمض فياض عيونه بشده حتى يمنع دموعه الي احرقت محاجره من النزول واردف بغصه همس مٌهلك: آه من هالقلب العنيد الي تولع في عنيده ياجده ، لاتلوميني بشيء ماهو بيدي ، والله ان روحي على شوفتها لهوفه ، والله اني احبها والقلب في حبها مايلام
حطت الجدة خديجة يدها على عيون فياض بهدوء مزدوج بحنيه مٌفرطه على حاله وعلى نبرة صوته المٌرهقه : ماهو مقصدي الومك يافياض لكن هاذي بنت الصقر عدو جدك من قبلك ، واكيد هي ماخذه من طبوعه دامها بنته يافياض ، حذاري يافياض
اخذ فياض الأسوارة من يد جدته وناظر فيها لثواني ولوهلة اجتاحه شعور مُهيب بقلبه من فرط المشاعر المكبوته بصدره واردف بهدوء مزدوج بقهر وحسره من كثر المشاعر: ماهي مثل ماتظنينها ياجده ، والله انها بين ضلوع صدري متربعه
مسحت الجدة خديجة على شعره وهي تناظر فيه واردفت بعدها بنبرة كلها حنيه: وهي تحبك؟
ابتسم فياض بحزن وهو يشتت انظاره بتنهيده عميقه وهز راسه ب"ايه " واردف: تحبني لدرجة صوبت على واحد من رجال الصقر عشان تنقذني من بين يديه
عقدت الجدة خديجة حواجبها بإستغراب واردفت:كيف؟
التفت عليها فياض وقال لها كل شيء صار لهم بإختصار: وهاذي سالفتها معي ياجدة ، باقي تلوميني فيها وفي حبي لها ياجده ؟
هز راسها الجدة خديجة ب"لا" واردفت بإبتسامة: الله يلوم من يلومك يافياض الله يلومه ، لكن احذر منها
جلس فياض وهو يمسح على وجهه بضيق والتفت عليها بابتسامة: قريب وحيل بتشوفينها بعيونك ياجدة ، وأول من يشوفها انتي وهذا وعد مني
هزت راسها الجدة خديجة ب"زين " وابتسمت: ان شاء الله خير

------------

يتقلب على سريره النوم مجافيه ، وكان روحه محصوره بين جدران هالغرفة ، التفت على الباب الي انفتح وماكان الا أمير ومعه شاهين وكل واحد منهم شايل بطانيه ومخدة ، اعتدل بجلسته وعقد حواجبه بإستغراب واردف : وش فيكم ، ليه جايين بهالوقت؟
التفت أمير على شاهين واردف بتكشيره: قايل لك هذا وجهه ماهو وجه مسامر ليل
هز شاهين راسه بتمثيل: اي والله ، ليتني سمعت كلامك ، خلنا نرجع من وين ماجينا وانا اخوك
التفتوا متوجهين للباب واستوقفهم هياف بتسرع: لحظه لحظه ، على وين رايحين ، لا تفهمون كلامي غلط اذا ماشالتكم الغرفة تشيلكم عيوني
التفتوا عليه ، واردف أمير بشبه عبط : بس ماكان كلامك كذا اول مادخلنا
شتت انظاره هياف بقلة صبر واردف: انت مطرود من غرفتي ، تعال ياشاهين خله عنك
تقدم شاهين بابتسامه واستوقف خطواته بسبب يد أمير الي مسكت ذراعه بشدة واردف: تخسى ياولد ابوي ، ياتستقبلنا كلنا ولا توكل على الله
تعالت ضحكاتهم مباشرة من ملامح أمير وتقدموا لسرير وانسدح عليه أمير وهو يناظر في هياف الواقف أمامه ، وتكى على ذراعه واردف وهو رافع حواجبه: خير ، وش فيك واقف فوق راسي تقول جاثوم
رفع هياف حواجبه بسخريه: بالله عليك؟ انزل ونام بالأرض ، انا وشاهين بننام على السرير
وسع عيونه أمير بذهول: تخسى وتعقب ، يننام كلنا على سريرك ، ياتوكل ولا ترى بنطلع ونتركك لحالك
هز راسه هياف ، واردف بعدها بتهكم وسخريه: ومن الي جبرك تجيني للغرفة قم فارق عني
تقدم أمير وجلس بجنب شاهين وتمسك بذراعه واردف بعدها بنبرة قهر: شاهين حذاري تغدر فيني ، ياننام سوا ولا كل واحد منا يتوكل على غرفته ، الخوي مايخلي خويه
تعالت ضحكاته ورفع شاهين انظاره لهياف واردف بعدها: اتركه ياهياف ينام معنا ، السرير واسع بيوسعنا كلنا
تقدم هياف للجهة الثانيه من السرير وجلس عليه واردف بعدها: عشان خاطر شاهين تركتك ، قولوا لي ذلحين وش عندكم من سواليف
تقدم أمير وانسدح بالوسط بين هياف وشاهين واردف: ايه وش اخلي وش اقول ، صارت أحداث كثيرة بغيابك
تكى هياف على ذراعه الأيمن واردف: اختصر الأحداث المهمة
لف انظاره أمير على هياف واردف بابتسامة سخريه: اولاً بنت عمك المصون وافقت على الصوص المنتف يوسف وج..
قاطعه شاهين وهو يشوف ملامح هياف تميل للحده: اقطع صوتك اشين خبر جبته
التفت أمير بتكشير وهو يجلس: خلني اكمل ماكملت هرجتي ، عمي سيف قال لجدي لكن الواضح أن جدي ماهو مرتاح لموافقتها وعنده موال بيغنيه لكن وش مدري
تنهد هياف بعمق وانسدح على ظهره ويده تحت راسه واردف بعدها بنبرة شبه مبحوحة: وغيره من أخبار؟
التفت عليه أمير بتكشير: والخبر الثاني اختك
جلس هياف بإستغراب: اختي من؟ ايت وحدة منهن ؟
أمير وهو يزفر بحٌنق اردف: لينا ، والله اني مقهور منها لحد الآن
شاهين وهو ياخذ نفس بعمق وزفرة مباشرة: علامها وش صاير ؟
قالهم أمير كل شيء صار لهم بالآونه الأخيره: وهذا دليل ان بنت عمتك ماهي ناويه خير ، وأن المشكلة كلها من تحت راسها ، واختك خبله ناصحها من قبل بس من وين تفهم
اما هياف وشاهين مو مستوعبين الي حصل ، واردف بعدها هياف بغضب فعلي: هاذي ماهي ناويه تقصر الشر ، وتفكنا من شرها
التفت شاهين على أمير وهو يشد على عضده بشدة: وانت ماشفت من حط السلسال في غرفة الهنوف؟
اردف أمير بسخريه وتهكم : اقولك السالفة صارت اول مارجعنا من دواماتنا حتى الهنوف ماشافت شيء ، من وين انا بشوف ان شاء الله
التفتوا على هياف الي كان مثبت انظاره على نقطه مٌعينه واردف: الي استنتجته من كلامك يا أمير ان السالفة ومافيها ان الي حط السلسال ماهي وتين ، شخص من الي كانوا موجودين في البيت
عقد حواجبه شاهين بذهول: قصدك ان الي حطه وحدة من عماتنا؟!
ابتسم هياف بسخريه: ايه وحدة منهم ، واكيد انه وجه البومه فوزيه
وسع عيونه أمير بذهول واردف: وانت وش عرفك انه هي ؟
أسند هياف ظهره على السرير بهدوء واردف: لأن مافيه وحدة من عماتي يدور ل الشر والمشاكل غير فوزيه ، عمتي عبير مسالمه في حالها ، وعمتي فاطمة مايهمها غير نفسها ولا لها في المشاكل مصالح ، اما فوزيه هي الي تدور للمحارش والمشاكل وأول دليل مشكلتها معي انا وجهاد والشموخ يوم لفقت علينا سالفتها الرخيصه ، ولا ننسى بنتها كانت معها بالسالفة
تراجع شاهين وهو يزفر بحٌنق وغضب : والله مدري وش اقولك ، لكن خواتي يبعدن عنها وعن مشاكلها اهم شيء خواتي اخاف تسوي لهن سالفة الها اول ومالها تالي
أمير وهو ينسدح اردف بسخريه : شروق يمكن تسمع الكلام ، لكن لينا راسها يابس ماتسمع لين الجدار اللي وراك يسمع
تنهد شاهين بتعب مٌهلك واردف بضيق: اتركهن علي انا اتولى امرهن وافهمهن الكلام زين
وانتهت سهرتهم عند هالحد من الأحداث الي ضيق صدورهم وناموا في سبات عميق