تحرم علي الضحكه وانتي بالخفاء تبكين

البارت:23

حسابي انستقرام "(wiir_14 )"
تشرفوني هناك حبايبي
قراءة ممتعة للجميع 💜💜🔥

البارت:23
و رائد هنا كانت الصدمه والخوف والرعب ، والتوتر من وجود الاستخبارات ، ورجال الشرطة والدوريات ، هذا كله كان رعب بالنسبه له ، اما فياض اول مادخل المحل ، انصدم من وجود رائد في المحل ، وهنا دب الرعب بقلب فياض ، ان رائد يكون متعاطي ، وقتها رائد ماقدر يحرك ساكن واقف مكانه وانظاره كانت متعلقه بفياض الي حاله ماكان يفرق عن حال رائد ، ووقتها صاحب المحل برا نفسه وقدم الصور لشرطة ، ووقتها اخذوه الشرطه للمركز ، واستدعوا ابوي وقتها ، لكن ماخلوه يشوفه او يتكلم معه ، وبكذا ابوي ترك المسؤليه على فياض ، لأنه ماكان وده يشوف رائد بعد الي سواه ، وهو مايتكلم ولا يدافع عن نفسه ابد ، من صدمته ورعبه وخوفه بهاللحظه ، وفياض ماكان مصدق فيه ابدا ، لكن سكوت رائد أجبره انه يصدق وياخذوه على التحقيق ، وبنفس الوقت ، كان فياض من غضبه عليه وده انه اهو الي يحقق معه لكن العميد حقهم امنعه من التحقيق ، و حققوا معه وقالهم كل شي يعرفه بالتفصيل ، من اول مادخل المحل لحد خروجه من المحل والكلبشات بيديه ، وقتها اندفع فياض التحقيق بعصبيه والشرار يتطاير من عيونه ونزل برائد ضرب لحد ما اغمى عليه ، ووقتها اخذوه للمستشفى ، وعشان ياكدون ان رائد بريء ، لازم يحللونه عن المخدرات اذا كان يتعاطى ولا لا ، وانتم عاد تعرفون التحاليل تطلع كل شيء ، واخذ في المستشفى يومين وكانوا مشددين الحراسه عليه عشان مايحاول انه يهرب منهم ، وبعد كذا طلعت التحاليل وانه سليم ولا يتعاطى ، ولا هو مدمن ، واعلنوا براءته ، لكن ضل بالسجن 6شهور لتستره على صاحب المحل ، ولا بلغ فيه احد ، وغرامه لا تقل عن 30أالف ريال ، وتعهد من الدولة انه مايتستر على شي ، يضر الدوله او يخالف قوانينها ، ووقتها طلع من السجن ، وطبعاً فياض كان كل يوم عنده خلال فترة سجنه لكن رائد من كثر حُنقه وزعله وغضبه على فياض ، رفض انه يشوف او يقابله ، ووقتها رجع للبيت ، لكن كانوا كلهم باستقباله ، ماعاد ابوي الي زعل عليه زعل شديد وفياض الي على طول صار له انتداب للخرج، ومن بعدها ماصار يجينا كثير كان يجلس بالمزرعة اكثر وقته ولا يقابل احد ، لكن ابوي رضا عليه ، لأنه ماله أدنى ذنب ، ووقتها لحد هاللحظه رائد زعلان من فياض ، ولا يكلمه ولا يجلس معاه ، الا لو كان مع العيال ، وفياض مع مرور السنين نسى الزعل ونسى كل شيء ، لكن رائد مانسى ولا سامحه على فعلته
الهنوف بصدمه وذهول: اوف ، وش الاكشن ذا ؟
نجد وهي تناظر بالهنوف: وش رايك ، نسويها بالجارح؟
شهقت نجوم وضربتها على كتفها : حسبي عليك
ضحكوا البنات، اما الهنوف خجلت من جابو لها طاريه
جات عبير لهم وجلست معهم : دايمه هالضحكه ، وش عندكم ؟
شروق بابتسامة: نسولف للهنوف عن هوشت فياض و رائد ، وقت دخوله السجن
تنهدت عبير : ايام الله لا يعيدها ، جهزتوا لجامعتكم؟
نجد ابتسمت بعبط: مو دارسه الأسبوع الأول
رفعت نجوم حواجبها بضحكه: انت من يوم يومك اول اسبوع تنسحبين
تالا وهي تتكي : وصيت الشموخ بشوية أغراض
وكملوا سوالفهم وضحكهم وجلستهم الحلوه