تحرم علي الضحكه وانتي بالخفاء تبكين

البارت: 14

البارت: 14
وصلوا القاعة الي حجزوها وبتدوا يرتبون ويجهزون القاعة ومنتشرين في كافة القاعة ويعلقون الإضاءة والورود ويجهزون الطاولات ويزينونها بالورد والعطور الي عليها والإضاءة الي تشتغل ألوان متنوعه والورد الأبيض والأحمر والأصفر والاستقبال والدجي كان كل شي فوق الخيال وترتيبات مرررة حلوه
الجده خديجة وهي تعدل بنجرتها: الله يوفقهم يارب ويتمم لهم على خير
ام الجارح وهي تمرر البخور على الجده: آمين يارب
ام فياض وهي تناظر التجهيزات : عقبال الباقين يارب
الجده خديجة وهي تخز سارة : زوجي ولدك وسوي له حفل مابقي الا هو والسرابيت الي معه " تقصد العيال "
ام فياض بتنهيده: خليه يجي هالحين ثم قولي له انتي انا تعبت وانا احاول معه
الجده خديجة : ان شاء الله خير
دخل أمير وهو يتلفت يمين ويسار: وينها ؟
ام الجارح بإستغراب: منهي ، من تقصد؟
أمير وهو يطالع الدرج : خطيبتي ، نادوها خلوها تنزل
ام فياض بصدمه: خطيبتك ؟ من تكون
الجده خديجة بضحكه : ايه ، خطيبتك مشغوله ، ذلحين تنزل المغرب تعال وشوفها على كيفك ، ذلحين مشغوله
ام الجارح بإستغراب: منهي ذي ؟
أمير بابتسامة : بعدين تعرفون ، المهم ياجده اذا نزلت قولي لها اني كنت ادور عليها
طلع أمير متوجه لقسم الرجال عند العيال
ام فياض : هذا اكيد انهبل
الجده خديجة وهي تضحك: الله يعينه على عقله

-------------------------

كان جالس في سيارته وهو يحاول يتصل على فياض مايرد عليه اتصله مرة الأولى ، الثانيه ، الثالثة رد عليه
فياض بهدوء: هلا والله
جهاد بتزفيره: وش بلاك يادوب رديت علي
فياض وهو ينفث الدخان: كان صامت جوالي ، وش علومك انت ؟
جهاد بهدوء: بخير دامك بخير ، علومك انت ، وينك فيه؟
فياض بتزفيره: بخير الحمد لله ، مع طريق متوجه للبيت
جهاد وهو يشتت انظاره: احنا في القاعة تعال لا تروح للبيت مافيه احد
فياض وهو ينفث الدخان: برتاح بالبيت وعلى المغرب اجيكم
جهاد بهدوء: وش الكلام الي قلته لجدي ؟
فياض بإستغراب: ايت كلام ؟
جهاد وهو يشتت انظاره: يوم اتصلت عليه وش قلتله ماغير سارح ويفكر من يوم اتصلت عليه
فياض ببرود : ماقلت شي
جهاد بتنهيده : تكلم محامي تراك قول وش عندك يمكن اساعدك
فياض باستسلام : اذا وصلت قلت لك انت وجدي كل شي ماينفع على الجوال اتكلم وانت تعرف السبب يامحامي
جهاد بهدوء: انتظرك ، تأمر على شي ؟
فياض بهدوء: سلامتك

-----------------------------

لبس ثوبه وشماغه وهو يعدل ساعته ويحط عطر ويضبط شكله لآخر مرة دخل هياف وهو شايل بشت شاهين : كيف المعنويات ياعريس
شاهين لف عليه بابتسامة: عال العال عقبالك يارب
هياف بابتسامة : ماحولي علم هالحين
شاهين وهو يبتسم: الله يكتب لك الخير كله
هياف وهو يمد له البخور: آمين يارب
دخل برق وهو يدندن : هلا والله بالعريس كيف حالك
شاهين وهو يضحك: الحمد لله كل شيء تمام
برق بطقطقه: ما اتخيل شكلك عريس دايم اشوفك ببالطو الدكتور
شاهين وهو يخزه : ليش ماني مالي عينك
برق وهو يتبخر : لا لا ماليها ونص بعد ، بس اخلص علينا بنمشي
هياف وهو ينسف شماغه : يالله مشينا ، تأخرنا بزياده
طلعوا كلهم متوجهين للقاعة قبل حضور المعازيم