تحرم علي الضحكه وانتي بالخفاء تبكين

البارت:42

اللهم صلِ وسلم وبارك على نبينا محمد
سبحان الله
الحمدلله
لا إله إلا الله
الله أكبر
لا حول ولاقوة الابالله العلي العظيم
سبحان الله وبحمده
سبحان الله العظيم

لاتلهيكم القراءة عن أداء الصلوات المفروضة

حسابي انستقرام تشرفوني حبايبي "(wiir_14 )"

بعد ماطلعوا من البيت توجهوا لأحد الكوفيهات الموجودة بالرياض ، وهاهم جلوس على احد الطاولات ولحظات ووصلهم طلبهم ، واردف بعدها شاهين: هذا انا اسمعك قولي وش الي حصل له حتى تتصرف معه هالتصرف؟
زفر جهاد وهو يشتت انظاره بتنهيده: البلاء ماهو وش الي حصل البلاء وكل البلاء من الي بيحصل قريب
عقد حواجبه شاهين وهو يرجع ظهره لوراء واردف: مافهمت عليك ؟ وش الي بيحصل ؟
رفع عيونه جهاد بهدوء وهو يبتسم بسخريه واردف: اخوك ماهو ناوي على خير ياشاهين ، ولحظات وقاله جهاد على كل شيء صار وبيصير
شد شاهين على جواله الي بين يديه بغضب مخفي ، واردف بعدها: وش الحل برأيك؟
اخذ جهاد نفس بخفيف وزفر مباشرة واردف: الحل الوحيد هو ان الشموخ تتزوج بأسرع وقت ، ووقتها هياف بيرضخ للواقع ، بالغصب ولا بالطيب
عقد حواجبه شاهين وهو يضرب الطاوله بخفيف واردف: شلون يعني؟ تبغيني اشوف قلب اخوي يحترق واناظر فيه مكتف يديني ولا قدر اسوي شيء؟ ، لا والله ماتصير وانا ولد خالد ، لو اني اقلب عاليها سافلها وقوم قيامتهم ماحرق قلبه وانا اناظر بعيوني
احتدت نبرة جهاد وهو يحاول انه يقاوم غضبه وحٌنقه: وش بتسوي؟ بتغصبها على اخوك ؟ هاذي بعيده عنك وعنه ياشاهين
ابتسم شاهين بسخريه وهو يناظره بحسره وقهر اردف بعدها بنبرة شبه حاده: ماكنت ادري انك بتتخلى عنه بأصعب أيامه ، كنت احسبك بتوقف معه بالحلوه والمٌره ، لكن للأسف خيبت ظني فيك ياجهاد ، ياخسارة العشرة الي معك
اخذ جهاد نفس وهو يحاول يتدارك اعصابه واردف: ماتخليت عنه ولا بتخلى ، لكن الخطأ وكل الخطأ اني اشوفه يمشي بالدرب الخطأ ولا ارده عن هالدرب ، انا ماتخليت ياشاهين لكن مثل ماتقول انت تبغيني اكتف يديني وأنا اناظره يتعذب في اليوم مئة مرة ولا هو قادر يسوي لنفسه شيء ، تبغيني اناظره وانا في مجهودي اقدر امنعه وارده لدرب الصح ، لكن ذلحين تغيرت المعاني ياشاهين تغيرت
ناظره شاهين للحظه وشتت انظاره على المكان واردف بعدها بضيق: الله يجيب نهايتها على خير ، هد حيلي هياف بإعناده

---------------

بعد وقت طويل وصعب ، بعد المغرب بالضبط توجهوا للمقر الي اتفقوا على انه بداية انطلاقهم للمهمة من هالمكان المٌحدد ، كان عبارة عن طريق مٌظلم يحوفه الأشجار والظلام الا من انوار سياراتهم المٌضيئه ، التفت فارس على الطريق واردف بعدها: تتوقع متى يوصلون؟
التفت عليه فياض بهدوء وهو يرجع ظهره للخلف ويرجع انظاره على شاشة صغيرة موصله بكاميرات يتم مٌراقبة المستودع عن طريقها ، واردف: قبل الفجر وهم هنا لا تشغل بالك
تقدم منه فارس وهو يجلس مقابله واردف وانظاره على الشاشة: وش صار معك ، لاحظت عليهم شيء؟
هز فياض راسه ب"نفي" واردف: فيه تحركات غريبة تحصل ، لكن الرؤية ماهي واضحه بسبب العاصفة الرملية ، لكن الواضح انهم يشيكون خطه قوية من تحركاتهم
تنهد فارس بهدوء وهو مثبت انظاره على الشاشة: الله يستر ، وانت وش بتسوي بتدخل معنا في مداهمة المستودع؟
هز فياض راسه ب"ايه" وهو يأشر على نقطة مٌعينه في الشاشة الي قدامهم: بدخل من هالمدخل الضيق وابدا بخطتي الي رسمتها ، وانتم تولوا الباقي كله
هز فارس راسه ب"زين " واردف بعدها بهدوء: الله يستر منهم ماني مرتاح لهم ، صار لهم أيام مايطلعون من المستودع
عقد حواجبه فياض وهو يشعل سيجارته: شاك بشيء؟
زفر فارس بهدوء وهو يمسح على وجهه بضيق: ان ماخاب ضني الصقر وراه مصيبه بيسويها ، ولا مامنعهم من الخروج من المستودع كل هالأيام
شتت فياض انظاره بتنهيده عميقه وهو يفرك حواجبه واردف: الله يستر من الجايات ، المهم فارس اسمع
التفت عليه فارس وهو ينزل شماغه وعقاله بجنبه: سم
اخذ فياض نفس بهدوء مٌتعب وضيق استحله: يمكن بعد صلاة العشاء مباشرة اتوجه للبيت عشان اخذ بدلتي العسكرية واغراضي ناسيها هناك ، لو مشيت والعميد محمد ماجاء بلغه
هز فارس راسه ب"زين " وتنهد بخفوت وهو يمسح على ذقنه بتعب مٌهلك والخوف من الجاي