تحرم علي الضحكه وانتي بالخفاء تبكين

البارت:45

سبحان الله وبحمده
سبحان الله العظيم
لا إله إلا الله وحده لاشريك له
اللهم صلي وسلم على نبينا محمد
لا إله إلا أنت سُبحانك إني كُنت من الظالمين
لاتلهيكم القراءة عن أداء الصلوات المفروضة
حسابي انستقرام تشرفوني حبايبي "(wiir_14 )"

البارت:45
جالس معهم بغبنه وقهر واردف وهو رافع حواجبه بغبنه: انا ماقاهرني غير صيته ذي ، هي وش دخلها ابغي افهم؟
ضحك ذيب وهو يصب له قهوة: وانت ماشفتها للحين؟
هز راسه ب"ايه" وهو مقهور من ام احمد(صيته) لأنها منعته لايشوف نجد حتى يمر اسبوع على ملكتهم
ضحكت لينا وهي تناظر فيه: وانت وش مستعجل عليه ، صيته صادقه انتظر تخاف عليك من الجلطه اول ماتشوفها
تعالت ضحكاتهم مٌباشرة من مّلامحَ برق المٌتنرفزة فعلاً من هّالعادّات والتقاليد
تعدل أمير بجلسته واردف بعدها بتهكم وسخريه: ياولد انت مهبول ، البنت ماتحب الخفيف الرقله ، تبغي لها واحد ثقيل
ناظره برق بطرف عينه وهو ياخذ نفس ويشتت انظاره وابتسم بسخريه: اسمعوا من يهرج

---------------

في الجهة الثانية من بيت الشعر توجه لمكان جلستهم تقدم منهم وجلس قدامهم وهو يناظرهم بهدوء واردف: وين راح جهاد؟
نزل شاهين انظاره لفنجاله بهدوء: اتوقع راح للمركز
هز راسه الجد سليمان بهدوء وهو يناظر في هياف الي يحرك الحطب في النار بهدوء ، رجع انظاره لشاهين واردف بعدها: شاهين اتركنا لوحدنا ، ابغي هياف بسالفة
ناظروا بعض هياف وشاهين بإستغراب من طلب الجد سليمان ، ورجع انظاره شاهين للجد سليمان بهدوء وهو يوقف: ابشر
لف هياف انظاره على شاهين وهو مٌبتعد عنهم ، ولف انظره على الجد سليمان الي مسك ذراعه الأيمن واردف: يوسف وأهله جايين ياهياف
عقد هياف حواجبه بإستغراب واردف بتساؤول وترقب لكلام الجد سليمان: ايه؟
اخذ الجد سليمان نفس واردف بابتسامة: لك خاطر فيها ؟ "يقصد الشموخ "
ابتسم هياف بسخريه وهو يشتت انظاره بدون لا يرد على كلام جده ، ابتسم الجد سليمان بخفيف وهو يشد على ذراع هياف واردف بعدها بنبرة عِتاب: لاتكابر بالمحبه ياهياف ، مايقلل بالهوى غير المكابر
هز راسه هياف بهدوء ولف على جده بنظرات شبه حزينه وبارده: عزالله ان المحبه بين عذب وعذاب ، يا مكثر جروح خلق الله من اسبابها ، طابت النفس ياجدي ، طابت
ضحك الجد سليمان بهدوء وهو يهز راسه ب"زين" واردف: هالحكي من قلب ياولد خالد ؟
شتت انظاره هياف وهو ياخذ نفس بعمق يحاول انه يكبح غضبه لايطلع من فتح الجد سليمان الموضوع قدامه ، لأنه يحاول ينسى ويتناسى لكن الواضح مافيه قوة على النسيان ، التفت هياف على الجد سليمان وهو يعقد حواجبه بغضب وحٌنق واردف بهمس حاد: وش غايتك ياجدي هاه وش؟
احتدت نظرت الجد سليمان و اعتدل بجلسته وهو يرمي عقاله بحضن هياف واردف بجديه وحّزم ونبرة حاده : يحرم علي لبس العقال ياهياف لين تتزوجها وتكون لك ماهي لغيرك
عقد حواجبه هياف وهو ينزل انظاره لحضنه وعلى عقال الجد سليمان بهدوء وهو يرفع انظاره للجد سليمان بنظرات حاده وقويه وبقلة حيله وقهر اردف: ليه ياجدي ليه ؟
ناظر فيه الجد سليمان وهو يضرب عصاته بالأرض كنهاية للكلام: هذا الي عندي وقلته ، الباقي لك ، رميت لك عقالي وش ترمي لي مٌقابله؟
نزل هياف راسه وغمض عيونه بشده من كٌثر شعوره العظيم بالقهر ، لحظات وفتح عيونه وناظر في الجد سليمان: اطلب وابشر باللي تريده
ابتسم الجد سليمان بخفيف وهو ياخذ نفس: الشموخ لايتزوجها غيرك ، طالبك يابن خالد لاتردني
شتت هياف انظاره على النار الي قدامه ، ورفع انظاره للجد سليمان بتنهيده عميقه من تدفق المشاعر المُتعبه لقلبه: ابشر
وقف الجد سليمان بابتسامة وهو يربت على كتف هياف واردف: هذا العشم فيك ياهياف هذا العشم
وابتعد عن هياف متوجه للبيت وانظار هياف تتبعه لحد ماغاب عن عينه ، حط هياف يده على عيونه وفركها بعٌنف وقوة من مشاعره المٌتأججه هاللحظة ، ليه كل ماحاول ينساها ويتجاهلها ترجع له ويتجدد شعوره بالحٌب تجاهها ، رغم أنها كسرته وجرحته ورفضته الا ان قلبه يعانده ويرجع لها بكٌل لهفه وشعور ومشاعّر ، ضرب بقبضته على جهة صدره اليسار وبالتحّديد "القلب" بغضب وقهر ، واردف بعدها بهمس حاد وغاضب: ليه ليه ليه ، ليه ياهياف مالقيت الا هي ، ليه ياقلبي تتعلق فيها وهي ماتستاهل ليه؟
عض شفته هياف بقهر وغبنه وشتت انظاره بقلة حيله من قلبه الي تعلق فيها من غير رَغبه مِنه لكَنهااستوطنت قلبه و متلكته بكل قوة شعور ، نزل راسه بتنهيده وحط يده على جبينه وغمض عيونه بشده من كٌثر المشاعَر الي اجتاحته و المُتعبه له ، يحس برغبة ماهي محّسوبه بقلبه ، يشعر ببرود تجاهها ، لكّن في شيء ثاني يردعه ويرجعه لها من أول وجديد