تحرم علي الضحكه وانتي بالخفاء تبكين

البارت:37

اللهم صلي وسلم على نبينا محمد
لاتلهيكم القراءة عن أداء الصلوات المفروضة
حبايبي الي يسئلوا عن حسأبي الانستقرام هذا هو
"(Wiir_14)" تنوروني حبايبي

البارت:37
صحى من النوم وهو يحس نفسه مٌنهكه ومٌتعبه ، وكأنه مانام من وقت طويل ، توجه ل -الحمام- أكرمكم الله ياخذ شور ينعشه ويبعد عنه التعب شوي ، بعد لحظات لبس بدلته العسكرية وطلع من غرفته متوجه لصالة يفطر مع أهله ، تقدم منهم وسلم على رأس امه وابوه وجلس على الكرسي المقابل لهم يفطر بهدوء
مدت العصير له بابتسامة: خذ ياولدي ، سويت لك عصير ليمون عشان يخفف من تعبك
أخذه منها بابتسامة واردف: تسلم يمينك يالغاليه
التفت على ابوه الي يسأله: بتروح للمركز؟
هز فارس راسه ب"ايه" بهدوء واردف : عندي مناوبة اليوم
خالد وهو يوقف ويربت على كتفه بخفيف : الله يوفقك و انا ابوك ، استأذن منكم رايح لشركة
اردفوا بهدوء : الله معك
التفتت ام فارس عليه بابتسامة حنيه : فارس يمه وش فيك ؟ ليه حالتك ماهي معجبتني
ناظر فيها لثواني وشتت انظاره بتنهيده : مضغوط في المركز يمه ، لا تخافين مافيه شيء يخوف
هزت راسها ب"زين" وهي تعرف انه لو يموت ماشكى لحد ، عشان كذا اتركته على راحته ماتبغي تضغط عليه ،
لحظات وتقدم نايف منهم وجلس مقابل ل فارس وهو يبدأ بالأكل
عقد حواجبه فارس بإستغراب: غريبه متأخر ؟! مارحت للجامعة لحد الآن
رفع راسه نايف ل فارس واردف بهدوء: اليوم ماعندي شيء ، وقلت نكشت انا واخوياي بالبر نغير جو دام انه ماعندنا شيء
هز فارس راسه ب"زين" ، ولحظات وقام من الجلسه وطلع من البيت متوجه لسيارته ، وبعد دقائق معدوده شاف سيارة غريبه فيها مايٌقارب اربع اشخاص ، عقد حواجبه بإستغراب وكان بيتقدم منهم لأنه مو متطمن لهم ووقف خطاويه اول مالمح نايف طالع من البيت متوجه لهم وركب معهم مبتعدين عن البيت ، وايقن انهم اخويا نايف ، ورجع لسيارته وركبها وتوجه للمركز

------------------

جالس على الكراسي اللي بالحديقة ورجاله حوله ، وامامه مخطط عن استلام البضاعة اللي بتوصل خلال هالأيام الأسابيع ، واردف بعدها بهدوء: متى موعد الإستلام ياحمزة ؟
حمزة بتوتر وخوف: طال عمرك ، سمير يعتذر منك لأنه ماراح يوصلك البضاعة هالأيام
ضرب الطاولة بغضب وعصبيه طغت عليه: نعععم ؟ عيد كلامك ماسمعت ؟
تراجع حمزة للخلف بخوف: ط..طال عمرك يعتذر منك حصل له ظرف طارئ وتأجل موعد الإستلام
هز راسه ب"زين" ، تسارعت أنفاسه بغضب وعصبيه ووقف بهدوء ظاهري وتوجه داخل الفله حقته وهو يشتم ويسب في سمير ويتوعد فيه ، هو صار له ايام متواجد في ألمانيا عشان إستلام البضاعة وبيعها ، ومتطمن من ناحية المستودع حقه الي بالسعودية و ان ضاري بيحل محله ويدير الوضع هناك ، وهو محرص على رجاله ومنبههم ياخذون حذرهم في غيابه
توجه لمكتبة وجلس عليه صار وقت انه ينفذ خطته الي اشتغل عليها من شهور ، اخذ تلفون المكتب واتصل على اكثر شخص كان سبب في قهره وغضبه وحنقه ، شخص احرمه لذة الحٌب مع معشوقته"عبير بنت سليمان" ، شخص كان سبب في حالته الي وصل لها من سوء شخصيته او أفعاله ، شخص اتركه يدفع ثمن حبه غالي ، لحظات ووصله صوته: الو..من معي
ضحك بسخريه و اخذ نفس بخفيف واردف: عاشق بنتك ياسليمان
وسع عيونه بذهول وصدمه وبهوت ملامحه من صاحب الصوت الغليظ واردف بعدها بنبرة حاده: الصقر..وش بغيت مني حتى تتصل بعد كل هالوقت
ابتسم الصقر بسخريه واردف بعدها بنبرة شبه حاده: جيت انهي الي بديته ياسليمان ، وبدون مقدمات "زوجني عبير"
تعالت ضحكات الجد سليمان بسخريه وذهول: تقوله صادق ، اذنك تسمع الكلام الي يقوله لسانك ؟ انا ازوجك عبير؟!
وقف الصقر متوجه لشباك مكتبة ووقف يناظر برجاله الي يتدربون واردف بعدها بابتسامة: مايحتاج اعيد لك طلبي ، كلامي واضح
الجد سليمان بهدوء ساخر : يالصقر انا مازوجتك عبير اول ماطلبتها مني ، موب ذلحين من بعد سنين جاي وتقول عطنيها بكل رحابة صدر ، على موتي تاخذها
ضحك الصقر وهو يجلس على الكنبه: صدقني ياسليمان مستعد انهي كل شخص يوقف بوجهي واولهم انت
تنهد الجد سليمان وهو ياخذ نفس يحاول يهدي عصبيته لاتطلع: وصدقني يالصقر نجوم السماء أقرب لك من عبير ، والله ماتلمس شعره منها وراسي يشم الهواء
تعالت ضحكات الصقر وهو ياخذ نفس: اي صح نسيت اقولك الحمدلله على سلامت حفيدك ، هالمرة أخطيت وصاوبته بكتفه المرة الثانية يمكن بقلبه
سكر من المكالمه قبل لايسمع رد الجد سليمان على كلامه ، وهو استفزه الجد سليمان بكلامه وسخريته منه ومن كلامه ، وسرعان ماضرب الطاولة بغضب وعصبيه طغت عليه من كلام وسخرية الجد سليمان عليه اردف بعدها بنبرة كلها غيض وحده وقهر : انتظرني ياسليمان والله لخليك تتمنى الموت ولا تلاقيه والله