The Challenge of Love
Part (1)
30.June .2001
ကလင်....ကလင်.....ကလင်....ကလင်...
"မင်္ဂလာပါ ဆရာမ
ကျေးဇူးတင်ပါတယ် ဆရာမ"
ကျောင်းဆင်းခေါင်းလောင်းသံကြားတာနဲ့ ဆရာမအားနှုတ်ဆက်ပြီး ကျောပိုးအိတ်ကလေးကိုယ်စီနှင့် အတန်းထဲကနေပုကွကွနှင့်ပြေးထွက်လာကြသော ၁ တန်းကလေးပိစိကွေးကလေးများပင်ဖြစ်ကြသည်။
ကျောင်းအပေါက်ဝရှေ့မှာစောင့်နေကြသော အဖေတို့အမေတို့ရင်ခွင်ဆီသို့ကိုယ်စီကိုယ်စီပြေးဝင်သွားကြသည့်ကလေးများရှိသလို၊ လာမကြိုသေးလို့သစ်ပင်အရိပ်မှာငြိမ်ငြိမ်ထိုင်စောင့်နေကြသောကလေးများလည်းရှိသည်။
သေချာတာကတော့အဲ့သလိုငြိမ်ငြိမ်ကလေးထိုင်စောင့်နေသောကလေးများထဲ၌ မင်းထက်ခိုင်မြဲ၊ ရန်ကြီးအောင်နှင့်ထူးမြတ်လင်းဟူသည့် အတန်းပိုင်ဆရာမထိန်းလို့မနိုင်သောကလေး၃ယောက်မပါခဲ့ပါ။
ဒီကလေး၃ယောက်သည်ဆရာမကမျောက်မူးလဲဟုနာမည်ပေးရလောက်တဲ့အထိဆော့ကြသည်။ ကျောင်းဆင်းတိုင်းလည်း ကျောင်းကစားကွင်းက ဒန်း၊လျှော၊စီးဆော၊စသည်တို့အပေါ်၌ကစားနေကြမြဲဖြစ်၏။
ထို့ကြောင့်လည်းလာကြိုတဲ့မိဘ၊ Driver တို့က ကျောင်းအထဲထိဝင်ကြိုရလေ့ရှိသည်။ ကျောင်းသားမိဘများဝင်ခွင့်မရတဲ့အခါ၌ ကျောင်းရှေ့မှာဂျူတီကျသောဆရာ/ဆရာမများက လာခေါ်ပေးရသည်။
ရန်ကြီးအောင်နှင့်ထူးမြတ်လင်းက လွယ်လာသောကျောပိုးအိတ်များကိုမြေကြီးပေါ်သို့ပစ်ချပြီး စီးဆောပေါ်မှာတစ်ယောက်တစ်ဖက်စီဝင်ထိုင်လိုက်ကြသည်။
ဒီနေ့ငြိမ်နေတာကတော့ မင်းထက်ခိုင်မြဲ(ခေါ်)တရုတ်ကြီးဖြစ်၏။
"တရုတ်ကြီး လာလေကွာ"
ထူးမြတ်လင်းကလှမ်းခေါ်တာတောင် မင်းထက်ခိုင်မြဲကမလာဘဲဒန်းပေါ်မှာတစ်ယောက်တည်းထိုင်နေလေ၏ ။
"ထူးမြတ်လင်းဟိုမှာမင်းအမေလာကြိုပြီ"
ရန်ကြီးအောင်က ကျောင်းကစားကွင်းထဲဝင်လာသော ထူးမြတ်လင်းရဲ့အမေအားလှမ်းမြင်လိုက်ပြီးပြောလိုက်သည်။
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
