The Challenge of Love
Part (73)
"ပစ္စည်းမကျန်ခဲ့စေနဲ့နော်"
"မကျန်ခဲ့ပါဘူး အကုန်ကြည့်ပြီးပါပြီ ကိုကိုရဲ့ "
တွယ်တာ့လက်ဂေ့ချ်ကို သယ်ပေးရင်းနဲ့ ဟိုတယ်အခန်းထဲပြန်လှည့်ကြည့်၍ ကိုကိုကပစ္စည်းမကျန်ခဲ့စေရန်သတိပေးသည်။
"မင်းပစ္စည်းတွေက ပိစိသေးသေးလေးတွေရောအများကြီးပဲမို့လို့"
"အကုန်ပါတယ် တွယ်တာက အဲ့လိုမေ့ကျန်ရစ်တာမရှိဘူး "
"မင်းအစ်ကိုကတော့နေရာတကာမေ့နေတာ သူနဲ့ဆိုဟိုတယ်ကို၂ခေါက်လောက်ပြန်ရတယ်"
"တွေ့လား ကိုကြီးနဲ့တွယ်တာနဲ့အဲ့တာကွာတာပဲ တွယ်တာနဲ့တခြားစီ ဘာမှစေ့စေ့စပ်စပ်ကိုမရှိဘူး "
တွယ်တာက ရန်ကြီးရဲ့လက်မောင်းကိုချိတ်တွယ်ရင်းနဲ့ အစ်ကိုဖြစ်သူရဲ့အတင်းကိုကပ်ပြောသည်။
ရန်ကြီးကတော့မောင်နှမ၂ယောက်လုံးအကြောင်းကိုကကြီးကနေအအထိသိပြီးသားမို့ရယ်ပဲရယ်နေ၏။
လေယာဥ်ပေါ်ရောက်တော့ တွယ်တာက ကိုကို့ပခုံးပေါ်မှီပြီး Selfie ရိုက်သည်။ ရန်ကုန်ရောက်မှ Story တင်မည်ဆိုတဲ့ရည်ရွယ်ချက်နဲ့ပုံကိုမလှမချင်းတစ်ပုံပြီးတစ်ပုံရိုက်သည်။
"တရုတ်ကြီးက တကယ်လာမကြိုဘူးထင်တယ်"
"ဟုတ်တယ် စိတ်ညစ်တယ်အဲ့ဒီ ကိုကြီးတစ်ယောက်နဲ့လည်း သူ့ကိုမိန်းမမရဘူးပြောတာကိုအလကားစိတ်လာကောက်နေတယ် "
"အဲ့တာစိတ်ကောက်တာမဟုတ်လောက်ပါဘူး သူမအားတာဖြစ်မှာ ကိုကိုတို့လေယာဥ်စိုက်မှာကနေ့လည်ကြီးသူက ရုံးမှာလေ "
"ဘာမှမဟုတ်ဘူး သူ့ဟာသူ လာမကြိုချင်လို့ရယ် သက်သက်မဲ့အကျင့်ပုတ်တာ"
"သူလာမကြိုလည်း ကိုကိုတို့ဘာဟာ တက်စီစီးသွားလို့ရပါတယ် သည်းလေးရဲ့ ဘာမှမဖြစ်ဘူးအိမ်ရောက်ရင်မင်းအစ်ကိုနဲ့ရန်ဖြစ်မနေနဲ့"
"သူ့သူငယ်ချင်းကျ သိတတ်တာနော် မသိရင်တွယ်တာကများကိုကြီးကိုအလကားလိုက်ရန်လုပ်နေသလိုပဲ ရပါတယ် ကိုကိုက သူ့သူငယ်ချင်းဘက်ကဆိုတာသိလိုက်ရပါပြီ"
STAI LEGGENDO
The Challenge of Love (OC)
Storie d'amoreကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
