The Challenge of Love
Part (8)
"၃ဘာသာတောင်ပါတာဆိုတော့ University ကောင်းကောင်းရွေးလို့ရတယ်နော် မင်းဘာတက်မယ်စိတ်ကူးထားလဲ"
ကိုရန်ကြီးက ကားမောင်းရင်းတွယ်တာ့ကိုတစ်ချက်လှည့်မေးသည်။ တွယ်တာကတော့ ရန်ကြီးကိုပဲတစ်လမ်းလုံးငေးကြည့်လာတာမို့ထူးကဲပြီးလှည့်ကြည့်စရာမလို။
"အမှတ်စာရင်းမှမထွက်သေးတာ ကိုရန်ကြီးရဲ့ ကောင်းကောင်းရွေးလို့မရသေးပါဘူး"
"ငါမေးတာ မင်းဘာတက်ချင်တာလဲမေးတာ"
"သြော်...အဲ့တာလည်းစဥ်းစားလို့မရသေးဘူး ဘာတတ်ရမှန်းမသိဘူး"
"မင်းက ဘာကိုဝါသနာပါတာလဲ "
တွယ်တာက ကိုရန်ကြီးကိုချစ်ရတာဝါသနာပါတာ။
တွယ်တာစိတ်ကူးထဲကနေဖြေပြီးပြုံးလိုက်တော့ရန်ကြီးကတွယ်တာ့ကိုငဲ့ကြည့်ပြန်သည်။
"ဘာတွေပြုံးနေတာလဲ "
"ဟီး...ဘာမှမဟုတ်ပါဘူး တွယ်တာဝါသနာပါတာလည်းထူးပြီးရှိမနေဘူးထင်တယ် "
"မင်းငယ်ငယ်က Sky Net မှာ Dance Program တွေလာရင် လိုက်လိုက်ကတယ်နော် ငါကမင်းကိုအကဝါသနာပါတယ်ထင်နေတာ"
ကိုရန်ကြီးဟာ တွယ်တာတောင်သတိမထားမိတဲ့တွယ်တာ့ရဲ့ဝါသနာကိုတောင်သိနေသည်။
"ငါတို့ကိုတောင်တစ်ခါတစ်လေ ကပြသေးတယ် ငါတို့ကျူရှင်ဆင်းတဲ့အချိန်ဆို စာသင်ခန်းထဲလာလာပြီး Bluetooth Boxတစ်လုံးနဲ့လာလာကပြတာ"
"ဟာ....ကိုရန်ကြီးကဘာလို့အဲ့တာတွေမှတ်မိနေရတာလဲ ရှက်စရာကြီး အဲ့ဒီတုန်းကတွယ်တာမှ ၅နှစ်၆နှစ်ပဲရှိသေးတာကို"
ငယ်ငယ်ပိစိဘဝတုန်းကမဟုတ်က ဟုတ်ကတွေလျှောက်ကပြခဲ့တာကိုမှတ်မိနေတဲ့Crushနေသောအစ်ကိုကြီးကြောင့် တွယ်တာမျက်နှာလေးကိုလက်နှစ်ဖက်နဲ့အုပ်ပြီးရှက်နေရသည်။
"ဘာလို့အခုမှရှက်နေရတာလဲ အဲ့ဒီတုန်းကကျတော့ ငါတို့ကိုမကြည့်ချင်ဘူးဆိုတာတောင်အတင်းကပြတာနော် Jlo ရဲ့ On the Floor နဲ့ကပြတာလေ"
"ဟာ..နော်...သူများကရှက်ပါတယ်ဆို ဘာလို့မကုန်မှတ်မိနေတာလဲ"
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
