The Challenge of Love
Part (26)
1:20 AM
တွယ်တာ အိပ်ယာပေါ်မှာ ဟိုဘက်လှိမ့်လိုက်ဒီဘက်လှိမ့်လိုက်နဲ့ ဘယ်လိုပင်အိပ်ပျော်အောင်အိပ်အိပ် အိပ်လို့မပျော်ဘဲရင်တွေသာခုန်နေသည်။
တကယ်ဘာလို့များ အဲ့လိုပြောမိခဲ့ပါလိမ့်။
အဲ့တာတွေပြောခဲ့ရုံသာမက တွယ်တာ့ဘက်ကအရင်စပြီးချိန်းဆိုခဲ့သေးသည်။
အိပ်မပျော်တဲ့အဆုံး တွယ်တာခေါင်းရင်းကဖုန်းကိုယူပြီး လိုင်းခဏသုံးဖို့ဆုံးဖြတ်လိုက်သည်။
ဒါပေမဲ့အချိန်အားဖြင့် ၁နာရီတောင်ကျော်နေပြီမို့ အိပ်ရေးသာမဝရင်မနက်ဖြန်ကိုရန်ကြီးနဲ့တွေ့တဲ့အခါမျက်ကွင်းတွေများညိုမဲနေမလားမသိ။
အဲ့သလိုတော့မဖြစ်၊ တွယ်တာဟာကိုရန်ကြီးရှေ့မှာလှနေမှဖြစ်မည်။ အထူးသဖြင့်မနက်ဖြန်မှာကိုရန်ကြီးရှေ့တွင်တကယ်လှနေမှကိုဖြစ်လိမ့်မည်။
တွယ်တာချက်ချင်းဖုန်းကိုခေါင်းရင်းသို့ပြန်တင်လိုက်ကာ မျက်လုံးစုံမှိတ်ပြီးမရရအောင်အိပ်တော့သည်။
*
*
*
10: 00 AM
တွယ်တာရော ခိုင်မြဲရောအိမ်ရှေ့မှာ မတ်တပ်ရပ်ပြီးခြံထဲသို့ဝင်လာတဲ့ ကားကိုစောင့်နေကြ၏။
တွယ်တာတို့နဲ့အတူကြီးကြီးရွှေကလည်းပစ္စည်းတွေကူသယ်ပေးဖို့စောင့်နေသေးသည်။ ကြီးကြီးရွှေကတွယ်တာမနိုးခင်ကအိမ်ပြန်ရောက်နေသည်ထင်ပါရဲ့။
ကားရပ်တော့တွယ်တာတို့မောင်နှမလည်း ပါပါးနဲ့မာမားကိုကားအနားထိပြေးပြီးကြိုလိုက်ကြသည်။
"ဘွားဘွားတို့ရော"
ကားပေါ်ကနေ၂ ယောက်ထဲဆင်းလာကြပြီး Driver ဦးမောင်ကပစ္စည်းတွေထုတ်ပေးနေတာမို့တွယ်တာကမာမားကိုမေးလိုက်ပါသည်။
"သူတို့အိမ်ပို့ထားခဲ့ပြီလေ သူတို့လည်းနားချင်မှာပေါ့ မနက်ဖြန်ကျရင်မောင်နှမ၂ယောက်သွားလည်လိုက်ကြဦး"
တွယ်တာကမာမားကိုသာမေးနေပေမဲ့ ပါပါးရဲ့လက်ကိုချိတ်ကာအိမ်ထဲဝင်သွားပြီဖြစ်သည်။ မာမားနဲ့ကျန်ရစ်ခဲ့တာကတော့ခိုင်မြဲသာဖြစ်၏။ မာမားကိုပွေ့ဖက်ပြီးပါးကိုနမ်းတော့ မာမားကလည်းသူ့သားကကြီးကောင်ကြီးမားနဲ့သူ့ကိုလာချွဲတာကိုကျေနပ်နေပုံရသည်။
ESTÁS LEYENDO
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
