The Challenge of Love
Part (69)
"တွယ်တာဘယ်မှာလဲ "
"သင်တန်းမှာလေ ဘာလို့လဲ "
တွယ်တာ အကသင်တန်းမှာဖုန်းလာလို့ခဏအပြင်ထွက်လာပြီးဖုန်းကိုင်တာဖြစ်သည်။
"ဒီအချိန်ကြီး အကသင်တန်းချိန်ပြောင်းထားတာလား ကိုကို့ကိုလည်းမပြောဘူး"
"မဟုတ်ဘူး တွယ်တာ စာမေးပွဲနီးလို့ အကကနားထားတယ်လေ ဒီနေ့ကသင်တန်းဖွင့်တာ၃နှစ်ပြည့် Anniversary တဲ့ တွယ်တာ့ကိုလည်းနေ့လည်ကမှဖုန်းဆက်ပြီးဖိတ်လို့ ကိုကို့ကိုမပြောလိုက်ရဘဲရောက်နေတာ "
"အဲ့တာဆိုလည်းအိမ်ရောက်ရင်ဖုန်းဆက်ဦး "
"ဟုတ် ဟုတ် ပွဲကပြီးပါပြီ ဆရာနဲ့စကားပြောနေလို့ ပြန်တော့မှာ "
"အင်း...ဒါပဲအဲ့တာဆို "
ကိုကိုသည် သူစိမ်းယောက်ျားလေးတစ်ယောက်နဲ့စကားပြောနေလို့အိမ်မပြန်ရသေးတာပါဆိုတာတောင် ခုချက်ချင်းပြန်ဟုတစ်ချက်မပြောဘဲအိမ်ရောက်ရင်ဖုန်းဆက်ဆိုကာဖုန်းချသွားသည်။
ဒီကိုကိုတော့....နည်းနည်းလေးတောင်စိတ်မချမဖြစ်ဘူးလားမသိဘူး ဒီကတော့သဝန်တိုမလားလို့ပြောလိုက်တာကို။
တွယ်တာသင်တန်းခမ်းမထဲသို့ပြန်ဝင်လာတော့တကယ်လည်းတွယ်တာနဲ့ဆရာနဲ့၂ယောက်ပဲရှိတော့တာဖြစ်သည်။
ဆရာကတွယ်တာတို့စားသောက်ထားကြတာတွေကိုတစ်ယောက်တည်းသိမ်းနေတော့ တွယ်တာဒီတိုင်းထွက်သွားလို့မကောင်းတာနဲ့ ကူသိမ်းပေးဖို့စားပွဲပေါ်ကအအေးခွက်တွေကိုသိမ်းတဲ့အခါ ဆရာကတွယ်တာ့လက်ထဲကခွက်တွေကိုလှမ်းယူသည်။
"ဟာ...ပေးပေး....မလုပ်ပါနဲ့ဗျာ ကျွန်တော့်ဟာကျွန်တော်သိမ်းပါ့မယ်"
"အို...ဘယ်ဟုတ်မလဲဆရာရဲ့ ဒီမှာတွယ်တာရှိနေတာကို ကူပါ့မယ်"
"မလုပ်ပါနဲ့ဗျာ ကျွန်တော်သန့်ရှင်းရေးလုပ်မယ့်လူငှားထားပါတယ် မျက်စိထဲနည်းနည်းရှုပ်နေတော့အားနေလို့လုပ်နေတာပါ တွယ်တာကူလုပ်စရာမလိုပါဘူး"
"အဲ့တာဆိုလည်းပြီးတာပဲ "
"နည်းနည်းတောင်မှောင်တော့မယ် ကျောင်းကတန်းလာတာဆိုတော့ပင်ပန်းနေမှာပဲ"
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
