The Challenge of Love
Part (12)
"ငါတို့လည်းပြန်ကြစို့ အကြာကြီးနေလို့မကောင်းဘူး ဟိုခွေးသားလေးက ဘယ်တွေတိုင်တောနေမလဲမသိဘူး"
ထူးမြတ်လင်းသည်စောနကတော့ဝင်မဆွဲဘဲထိုင်ကြည့်နေပြီး အခုမှအမြန်ပြန်ကြရန်ဝင်ပြောလေသည်။
"အင်း...လဝန်းနဲ့ပန်းနုကိုငါအိမ်ပြန်လိုက်ပို့မယ် ရန်ကြီး မင်းအဲ့ဒီမောင်နှမ၂ယောက်ကိုပြန်ပို့လိုက်"
"အေး "
ရန်ကြီးက သူ့ရှေ့မှာရပ်နေတဲ့တွယ်တာ့ကိုပဲဆက်တိုက်ကြည့်ရင်း အေးတစ်လုံးပဲပြန်ဖြေ၏။
"ခဏနော် ရုံးကဖုန်းဆက်တာ"
တရုတ်ကြီးကဖုန်းလာနေတာနဲ့လမ်းကြားထဲကနေထွက်ပြီးဖုန်းသွားပြောသည်။
လဝန်းနဲ့ပန်းနုကတော့တွယ်တာ့အားပြန်တော့မည်ဖြစ်ကြောင်းနှုတ်ဆက်ပြီးထူးမြတ်လင်းနဲ့လိုက်သွားကြ၏။
"သွားစို့ "
ရန်ကြီးက တွယ်တာ့ပုခုံးကိုအသာလေးပုတ်လိုက်ပြီးကားရှိရာသို့ပြန်ကြရန်ပြောသည်။ တရုတ်ကြီးကလည်းဖုန်းပြောရင်းနဲ့နောက်ကနေလိုက်လာ၏။ ကားကတွယ်တာ့ကားဖြစ်ကာအခုမောင်းရမှာကရန်ကြီးဖြစ်သည်။
ရန်ကြီးကမောင်းသူနေရာမှာဝင်ထိုင်တော့တရုတ်ကြီးကဖုန်းချပြီးရန်ကြီးဘေးကနေထိုင်လိုက်သည်။တွယ်တာကတော့နောက်ခန်းကနေတစ်ယောက်တည်းလိုက်၏။
"ရန်ကြီး မင်းအားတယ်မလား ငါ့ကိုကုမ္ပဏီအရင်လိုက်ပို့ အစည်းအဝေးရှိတယ် ပြီးမှနောက်ကအရှုပ်ထုပ်မကိုလိုက်ပို့လိုက်"
ခိုင်မြဲကအရှုပ်ထုပ်မလို့ပြောလိုက်တော့တွယ်တာကနောက်ခန်းကနေခိုင်မြဲဆီသို့မျက်စောင်းထိုးလေသည်။
ရန်ကြီးကတော့ဘာမှမပြောဘဲ ခိုင်မြဲတို့ကုမ္ပဏီဘက်သို့ကားကိုဦးတည်၍မောင်းလေသည်။
"ဟဲ့...တွယ်တာ နင်နောက်တစ်ခါဆိုငါ့ကိုကိုယ်တိုင်ဖုန်းဆက် တစ်ခုခုဆိုရင်"
ခိုင်မြဲကသူ့ကိုဖုန်းမဆက်ဘဲထူးမြတ်လင်းကနေတစ်ဆင့်သိရတာမို့နောက်တစ်ခါကိုယ်တိုင်ဆက်ဖို့ပြောပေမဲ့တွယ်တာကတော့ငြိမ်နေသည်။
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
