The Challenge of Love
Part (60)
ဒေါက်...ဒေါက်...
"တွယ်တာ "
ခိုင်မြဲ တွယ်တာ့အခန်းတံခါးခေါက်ပြီးခေါ်လိုက်တော့ တွယ်တာကချက်ချင်းတံခါးလာဖွင့်ပေး၏။
ကြည့်ရတာစာကျက်နေပုံပဲ၊ အိပ်ယာပေါ်မှာစာအုပ်တွေဖြန့်ထားတာကိုတွေ့ရ၏။
ခိုင်မြဲလည်းစာကျက်နေတဲ့ညီမကို ကြာသမိုးကြိုးဆိုတဲ့မျက်နှာထားနဲ့ကြည့်နေတော့တွယ်တာကမျက်မှောင်ကုပ်လိုက်သည်။
"ဘာပြောမလို့လဲ သူများစာလုပ်နေတယ်"
"ဒီနေ့ ရန်ကြီးနဲ့လီယမ်ချမ်းပွဲရှိတာမသိဘူးလား"
"သိတယ် "
တွယ်တာက မျက်နှာတည်လေးနဲ့ဖြေတော့ခိုင်မြဲလည်း သူမရန်ကြီးအကြောင်းပြောတာကိုစိတ်ကြည်ပုံမပေါ်တာသိသည်။
"မေ့နေမှာစိုးလို့သတိပေးတာ ဖုန်းထဲကနေပဲLive ကနေ ကြည့်လိုက်တော့ နင့်ကိုခေါ်သွားရင်ပါပါးကဆူလိမ့်မယ်"
"ဘယ်ကမှမကြည့်ချင်ပါဘူး ကိုကြီးတို့ပဲသွားအားပေးလိုက်ကြ သမီးစာမပြီးသေးဘူး"
တွယ်တာ တံခါးပြန်ပိတ်ပြီး တံခါးကိုပဲကျောမှီကာနှုတ်ခမ်းလေးကိုတင်းတင်းစေ့ပိတ်ထားသည်။
တွယ်တာတို့အဆက်အသွယ်မရှိတာ ဒီနေ့ဆို၅ရက်ရှိပြီဖြစ်သည်။
တွယ်တာအခုကျောင်းနဲ့အိမ်ကလွဲလို့ဘယ်မှမသွားရဘဲ ဦးမောင်ကပဲအကြိုအပို့လုပ်တာဖြစ်သည်။
ပန်းနုနဲ့လဝန်းကိုလည်းကိုရန်ကြီးနဲ့ ခဏအဆက်အသွယ်မရှိကြောင်းအသိပေးထားသည်။ သူတို့ကတော့တွယ်တာ့အိမ်ကြောင့်လို့ထင်နေကြသဖြင့် သူတို့ကတော့အိမ်လာခေါ်မယ်၊ ကိုရန်ကြီးဆီလိုက်ပို့ပေးမယ်စသဖြင့်ကူညီဖို့အသင့်ဖြစ်ပါသော်လည်းတွယ်တာကိုယ်တိုင်ကဘာမှလုပ်ချင်ကိုင်ချင်စိတ်ရှိမနေတာဖြစ်သည်။
ဖုန်းလည်းမဆက်၊ ဘယ်သောSocialကမှလည်း မဆက်သွယ်ပဲတွယ်တာတကယ်ကိုငြိမ်နေခဲ့တာဖြစ်၏။
အရင်လို Facebook မှာလည်း ကိုကို့ကိုကြူးတဲ့PostတွေမShareဖြစ်၊ Insta မှာလည်း ၂ရက်တစ်ခါလောက်ပုံတင်နေတဲ့သူက Notificationတောင်ဝင်မကြည့်ဖြစ်ပါလေ။
BINABASA MO ANG
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
