The Challenge of Love
Part (10)
"တွယ်တာ ဒါကရောဘယ်လဲ ညည်းလည်းအိမ်ကိုမကပ်ဘူးနော် ကျောင်းဖွင့်တော့လည်းကျောင့်ဖွင့်လို့ကျောင်းပိတ်တော့လည်းပိတ်လို့"
အနက်ရောင်ဂျင်းဘောင်းဘီအတိုကလေးထဲသို့တီရှပ်ပွပွကြီးကိုထည့်ဝတ်ထားသောတွယ်တာက ကားသော့ကိုင်ပြီးအိမ်ထဲကနေထွက်တဲ့အခါမာမားက ပါပါးကိုကော်ဖီဖျော်ပေးရင်းနဲ့လှမ်းအော်သည်။
"သမီး Gym ကစားတော့မလို့လေ ညနေတိုင်းသွားကစားမှာဒီနေ့ကစပြီးတော့"
တွယ်တာက အိမ်ထဲပြန်ဝင်လာပြီးမာမားကိုသူမဘယ်သွားမလဲဆိုတာပြောလေသည်။ မာမားကကော်ဖီခွက်ကိုပါပါးဆီသို့ယူလာပေး၏။
"ပါပါးသမီးသွားတော့မယ်နော်"
"အေး အေး ဂရုစိုက်သွား"
ပါပါးက တွယ်တာဘာလုပ်လုပ်သိပ်ပြောတာမဟုတ်။ အလိုလိုက်တတ်တဲ့အဖေမျိုးဖြစ်သည်။ မာမားကတွယ်တာ့ကိုအလိုမကျတဲ့မျက်နှာနဲ့ကြည့်လည်းတွယ်တာ့ဘက်မှာပါပါးရှိနေတာမို့တွယ်တာအေးဆေးပဲအိမ်ထဲကနေထွက်သွားသည်။
ဒီနေ့ကပိတ်ရက်စနေနေ့ဆိုတော့အိမ်မှာလူစုံသည်။ မာမားကတော့အချိန်ပြည့်ပါပါးနားကပ်နေပြီး ကိုကြီးကတော့ တစ်ဖက်မှာရုံးဝန်ထမ်းဖြစ်နေပေမဲ့တစ်ဖက်မှာတော့သူဝါသနာပါတဲ့Game Stream တာကိုလုပ်သည်။ ညရောက်မှသူ့ဘော်ဒါတွေနဲ့ဘီယာဆိုင်သွားမည်ထင်၏။ ကိုကြီးကနေ့တိုင်းအရက်၊ ဘီယာတစ်ခုခုတော့သောက်ကိုသောက်သည်။
အခုက ညနေ၄နာရီခွဲဆိုတော့ ကိုကြီး Gameကစားနေတာဖြစ်ရမည်။ မဟုတ်လျှင်တွယ်တာGymကစားမယ်ဆိုတဲ့အသံကြားတာနဲ့ သူ့သူငယ်ချင်းကိုဒုက္ခသွားပေးဦးမလားဆိုပြီးစကားများရဦးမှာဖြစ်သည်။
တွယ်တာ လွန်ခဲ့တဲ့၂နှစ်ကတည်းက Gym ကစားဖို့ ကိုရန်ကြီးအားခဏခဏပူဆာခဲ့ပေမဲ့ ကိုရန်ကြီးကမလာခဲ့နဲ့မကစားနဲ့ငယ်သေးတယ်ဆိုပြီးအမြဲတားလေ့ရှိသည်။
အခုတော့ကိုရန်ကြီးတားလည်းတွယ်တာလက်မခံတော့ပါ။ အခုတွယ်တာက ပထမနှစ်တောင်ပြီးတော့မည့်တက္ကသိုလ်ကျောင်းသူဖြစ်နေပြီ။ အသက်လည်း၁၈နှစ်ပြည့်ပြီ။ ကျောင်းကလည်းပိတ်တော့မှာလပိုင်းပဲလိုတော့တာဆိုတော့ ကိုရန်ကြီးတွယ်တာ့ကိုတားလို့မရတော့ပါ။ ဒီချိန်ဆိုကိုရန်ကြီးသေချာပေါက် Gymမှာရှိနေလိမ့်မည်။ တွယ်တာလာမယ်ဆိုတာကိုကြိုပြောမထားတာမို့ Suprise ဖြစ်သွားမလားမသိ။
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
