The Challenge of Love
Final Part
ဆေးရုံမှာ ဒီနေ့နဲ့ဆို၃ရက်ရှိပြီဖြစ်ပြီး ခိုင်မြဲနဲ့ထူးမြတ်လင်းတို့ကနေ့တိုင်းလာကြည့်ပေးကာ ညအိပ်စောင့်ပေးကြသည်။
တွယ်တာကတော့ပြောစရာမလို၊ ပြန်တောင်မပြန်လို့ ရန်ကြီးကိုယ်တိုင်ကပါမပြန်လျှင်စိတ်ဆိုးမယ်ဟုချိန်းခြောက်ကာအိမ်ပြန်လွှတ်ရသည်။
ဒါတောင် ရေချိုးထမင်းစားပြီးရင်ချက်ချင်းပြန်လာသည်။ ညဘက်လည်းသူမကစောင့်အိပ်ပေးချင်သည်ပြောပေမဲ့ မာမားကတော့ညအထိလက်မခံ။ မိုးချုပ်ရင်ပြန်လာခိုင်းတော့တာမို့ ညဘက်တော့သူတို့သူငယ်ချင်း ၃ယောက်ပဲရှိကြသည်။
တစ်ခါတစ်လေ ခိုင်မြဲကစောရောက်ပြီးတစ်ခါတစ်လေထူးမြတ်လင်းကစောရောက်နေတတ်သည်။ တွယ်တာကတော့သူတို့၂ယောက်စလုံးစုံပြီ၊ ည၁၀ နာရီလောက်မှအိမ်ပြန်သည်။
"ဆင်ပြေရဲ့လား လိုက်ခဲ့ရမလား "
ရန်ကြီးက ရှူးပေါက်ချင်တယ်ဆိုလို့ထူးမြတ်လင်းကအိမ်သာရှေ့ထိလိုက်ပို့ရင်း အထဲထိလိုက်ခဲ့ရမလားမေးနေသည်။
"ကိုင်ပေးချင်လို့လား "
"ရွံတာ "
"ရတယ် အေးဆေးသွားထိုင်နေ လက်ကတစ်ဖက်ပဲမကောင်းတာတစ်ဖက်ကအကောင်းကြီး "
"ပြီးတာပဲ "
ထူးမြတ်လင်းလည်း တစ်ခွန်းဆိုတစ်ခွန်းထပ်မမေးဘဲ ကုတင်ဘေးမှသွားထိုင်နေလိုက်သည်။
ခိုင်မြဲက အပြင်ကပြန်လာတော့ ကုတင်ပေါ်မှာရန်ကြီးရှိမနေတာနဲ့မေးသည်။
"ဘယ်ရောက်သွားတာလဲ ဟိုကောင်က"
"သေးပေါက်နေတယ် "
"ချော်လဲလို့နောက်တစ်ဖက်ပါကျိုးနေဦးမယ်"
"မင်းဖေက အဲ့လောက်တော့ထိန်းနိုင်ပါတယ်ဟ"
"ဘာတွေပြောနေကြတာလဲ"
ရန်ကြီးကအိမ်သာထဲကနေ ထွက်လာရင်းမေးတော့ ၂ယောက်စလုံးကလှည့်ကြည့်သည်။
"ဘာမှမဟုတ်ဘူး ပျင်းလို့"
ရန်ကြီးက ကုတင်ပေါ်မှာတက်ထိုင်လိုက်ပြီး ဝှားခနဲသမ်းသည်။
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
