Mg's Bodyguard (S1) [ Completed ]
Inhaltsverzeichnis

    DU LIEST GERADE

    Mg's Bodyguard (S1) [ Completed ]

    Romantik

    မင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024

    #boyxboy #lgbt #lovestory #myanmar #ownstory #romance

    အပိုင်း (၈) [ Uni + Zaw ]

    6.6K 362 6 
                                        
    
                                              
    Unicode
    ရှင်းခ အင်္ကျီအဝတ်အစားတွေထဲမှ အသစ်ဆုံးဖြစ်သည့် အပြာရောင်ရှပ်အင်္ကျီအကွက်လေးနှင့် ဂျင်းဘောင်းဘီခဲရောင်လေးကို ထုတ်ဝတ်လိုက်သည်။ ဆံပင်ကိုဘေးခွဲကာ သပ်သပ်ရပ်ရပ်ဖြီးလိုက်ပြီး မှန်ထဲကကိုယ့်ကိုကိုယ်ပြန်ကြည့်လိုက်သည်။ ဖြူသည့်အသားအရေသည် အပြာရောင်နဲ့လွန်စွာလိုက်ဖက်နေသည်။ မျက်ခုံးမျက်ဖန်ကောင်းပုံသည် ဖေဖေနဲ့တူတာဖြစ်ပြီး နှာတံစင်းစင်းနဲ့ နဂိုပန်းရောင်သမ်းနေသော နှုတ်ခမ်းသားတို့ကတော့ မေမေနဲ့တူတာဖြစ်သည်။
    ခုံပေါ်တွင်တင်ထားသော ဦးမင်းဘုန်းမြတ်ပေးသည့် business ကတ်လေးကိုယူလိုက်ပြီး ယောင်္ကျားလေးကိုင်ပိုက်ဆံအိတ်အညိုလေးထဲသို့ထည့်လိုက်ကာ အောက်ထပ်သို့ဆင်းလာခဲ့လိုက်သည်။
    ထမင်းစားပွဲတွင် အားလုံးအဆင်သင့်ဖြစ်နေပြီဖြစ်သည်။ မေမေသည် ဒီနေ့ အုန်းနို့ခေါက်ဆွဲချက်ထားပုံရသည်။ ထမင်းစားခန်းထဲ မဝင်ရသေးခင်နဲ့တင် မေမေ့လက်ရာ အုန်းနို့ခေါက်ဆွဲအနံ့က နှာခေါင်းထဲသို့ဝင်ရောက်လာသည်။
    " ဝိုး ကိုကြီး ဒီနေ့ကြည့်ကောင်းနေပါလား "
    ထိုင်ခုံတွင်ဝင်ထိုင်လိုက်တော့ ပန်းချီ့ကပြုံးစိစိနှင့်ပြောသည်။ ရှင်းခလည်း မေမေထည့်ပေးထားသော ပန်းကန်ထဲကခေါက်ဆွဲဖတ်များကို အုန်းနို့ခေါက်ဆွဲအရည်နှင့် သမအောင်မွှေရင်း..
    " ဒါဆို အရင်ကကြည့်မကောင်းဘူးပေါ့ "
    " ဘယ်သူပြောလဲ .. ကိုကြီးက အမြဲကြည့်ကောင်းတယ်.. ခန့်ချောကြီး.. အဲ့တာကြောင့် ကိုကြီး ကောင်မလေးရရင် ညီမလေးကိုအရင်မိတ်ဆက်ပေးရမယ် "
    " ချီချီက ဘာလုပ်မလို့လဲ "
    " ဘာလုပ်ရမှာလဲ သူက ချစ်ဖို့ကောင်းရဲ့လား ကြည့်မလို့ပေါ့ "
    " ဟုတ်ပါပြီ ဟုတ်ပါပြီ " ဟုဆိုရင်း ရှင်းခ ပန်းချီရဲ့ပါးလေးကို ဖွဖွလေးဆွဲညှစ်လိုက်သည်။ ဒီမနက်တော့ ထမင်းစားပွဲတွင် ရှင်းခက ပန်းချီ့ရဲ့ဘေးတွင်ထိုင်သည်။ မေမေနဲ့မင်းခန့်ကတော့ အခြားတစ်ဖက်တွင် ထိုင်နေသည်။
    Mg's Bodyguard (S1) [ Completed ] Wo Geschichten leben. Entdecke jetzt