Unicode
ရှင်းခ နေရာတွင်ရပ်နေကာ စိတ်ထဲ၌ အံ့သြမှုများကိုထိန်းချုပ်ရန်ကြိုးစားနေသည်။
ဒီနေ့ စီအီးအိုက အလုပ်သွားမယ်ဆို၍ အစကတော့ M.M ဆောက်လုပ်ရေးကုမ္ပဏီကို လိုက်ပို့ပေးဖို့လုပ်ပေမဲ့ EYES ဂိမ်းကုမ္ပဏီကို သွားမှာ ဟုပြောသည်။ စီအီးအိုရဲ့ သူငယ်ချင်းတစ်ယောက်ကုမ္ပဏီပဲ လို့ စိတ်ထဲမှာတွေးထင်လိုက်မိတာ ။ ပြီးမှ သိလိုက်ရတာက ဒီကုမ္ပဏီက စီအီးအိုရဲ့ ကုမ္ပဏီဖြစ်ပြီး စီအီးအိုက ဒီကုမ္ပဏီရဲ့ ဥက္ကဋ္ဌပါတဲ့ ။
" ဘာတွေစဥ်းစားနေတာလဲ..ရှင်းခနောင် "
" ဘာမှမဟုတ်ပါဘူးဗျ "
" ဗိုက်ဆာလား "
" ဗျာ "
" ဗိုက်ဆာလားလို့ မင်းအိမ်မှာကွတ်ကီးတစ်ခုပဲစားခဲ့တာမလား.. "
အဲ့တစ်ခုတောင်မှ သူခွံ့ကျွေးလို့ ဟုတော့ အာဏာ ဆက်မပြောဖြစ်တော့ပါ ။ တကယ်လက်ပေါက်ကပ်တဲ့ကောင်လေး ၊ သူခွံ့ကျွေးတာတစ်ခုပဲစားပြီး နောက်တစ်ခုထပ်စားဖို့ပြောတာကို ' ဗိုက်ပြည့်သွားပြီ စီအီးအို ' ဟုဆိုကာ အိမ်ထဲမှထွက်သွားပြီး သူ့ကို ကားပါကင်တွင် သွားစောင့်နေသည်လေ ။
" ဗိုက်ဆာရင် အောက်ထပ်မှာ cafe ရှိတယ်.. အဲ့မှာ သွားဝယ်စားလို့ရတယ် "
" ရပါတယ်ဗျ.. ကျွန်တော် ဗိုက်မဆာပါဘူး "
" အဲ့တာဆို ငါ့အတွက် အသားညှပ်ပေါင်မုန့်နှစ်ခုသွားဝယ်ပေး "
" ဟုတ်ကဲ့ပါဗျ "
---------------------------------------------------------
အာဏာခိုင်းတဲ့အတိုင်း ရှင်းခ အောက်ထပ်က cafe တွင် အသားညှပ်ပေါင်မုန့်နှစ်ခုဝယ်လိုက်သည်။ ဒီကုမ္ပဏီသည်လည်း M.M ဆောက်လုပ်ရေးကုမ္ပဏီလိုမျိုး အထပ်တွေနဲ့ဖြစ်သည်။ သို့သော် ဥက္ကဋ္ဌရုံးခန်းကတော့ အပေါ်ဆုံးထပ်မှာမဟုတ်ဘဲ ဒုတိယထပ်မှာဖြစ်သည်။
ဂိမ်းကုမ္ပဏီဖြစ်၍ နံရံတွင် ချိတ်ဆွဲထားသော မိန်းကလေးဇာတ်ကောင်ပုံကို ရှင်းခ ငေးကြည့်နေမိသည်။ ရွှေရောင်ဆံပင်နှင့် ဝင်းလက်တောက်ပနေသည့် အရှိန်အဝါပေါ်လွင်နေသည်။
ŞİMDİ OKUDUĞUN
Mg's Bodyguard (S1) [ Completed ]
Romantizmမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)