Mg's Bodyguard (S1) [ Completed ]

အပိုင်း (၄၈) [ Uni + Zaw ] [ Side Characters ]

Unicode

[ A/N: ဤအပိုင်းတွင် Side Characters များ၏အခန်းများသာ ပါဝင်ပါသည်။ ]

" ကိုကိုရေ ကိုကို.. ကိုကြီးက အခုထိ ဖုန်းမကိုင်ဘူး "

အလုပ်သွားရန် အင်္ကျီအဝတ်အစားလဲပြီးထွက်လာသော မင်းခန့်အား ပန်းချီကဆီး၍ပြောသည်။

" ဟုတ်လား အခုထိ ဖုန်းမကိုင်သေးဘူးလား "

" ဟုတ်တယ် ကိုကို.. ချီချီ တကယ်စိတ်ပူလာပြီ.. ပုံမှန်ဆိုကိုကြီးက ချီချီ့ဖုန်းဆိုမကိုင်ပဲမနေပါဘူး "

ပန်းချီက ပြောရင်းနဲ့ မျက်နာလေးသည် ငိုမဲ့မဲ့ ။

မင်းခန့်လည်း ဖုန်းကိုထုတ်လိုက်ကာ ရှင်းခဆီသို့ဆက်လိုက်သည်။ ပန်းချီပြောသည့်အတိုင်းပင် ရှင်းခက ဖုန်းလုံးဝမကိုင်ပါ ။

ထိုစဥ်ဒေါ်မေသက်ရှင်းက မီးဖိုချောင်မှထွက်လာကာ ထမင်းချိုင့်အား သူ့ကိုကမ်းပေးရင်း..

" သား အလုပ်မသွားခင် ခခရဲ့ အလုပ်ကိုခဏဝင်ကြည့်ကြည့်ပါလား.. ဟို.. M.M ဆောက်လုပ်ရေးကုမ္ပဏီဆိုလား.. ဘာလား "

" ဟုတ်တယ် ကိုကို.. ဝင်ကြည့်ကြည့်ပါနော်.. ကိုကြီး နေမကောင်းများဖြစ်နေတာလား မသိဘူး "

မင်းခန့်သည် ပန်းချီရဲ့ပုခုံးကိုခပ်ဖွဖွပုတ်လိုက်၏။

" ဟုတ်ပါပြီ ချီချီ.. ကိုကိုသွားကြည့်လိုက်ပါ့မယ်.. "

ပြီးနောက် ဒေါ်မေသက်ရှင်းဘက်သို့လှည့်လိုက်ကာ..

" မေမေ စိတ်မပူပါနဲ့ ကျွန်တော် သွားလိုက်ပါ့မယ် "

-----------------------------------------------------------

M.M ဆောက်လုပ်ရေးကုမ္ပဏီလို့ဆိုင်းဘုတ်တပ်ထားသည့် အဆောက်အဦးကြီးရဲ့ရှေ့တွင် Taxi လေးတစ်စီးရပ်လိုက်၏။

မင်းခန့် Taxi မောင်းသမားအား ကျသင့်ငွေကိုပေးလိုက်ပြီးနောက် ကားပေါ်မှာဆင်းလိုက်ကာ သူ့ရှေ့မှအထပ်မြင့်အဆောက်အဦးကြီးအား မော့၍ကြည့်လိုက်မိသည်။

ဒီကုမ္ပဏီကို ဒါပထမဆုံးရောက်ဖူးတာပဲ ။ ဘတ်စ်ကားစီးရင်တော့ တစ်ခါတစ်လေမြင်ဖူးပေမဲ့ အနီးကပ်ကြည့်လိုက်တော့ တော်တော်ခမ်းနားသည်ဟု သူတွေးလိုက်မိသည်။