Unicode
" ရှင်းခ .. ဒီမှာ ခနစောင့်နေပေးနော် ၊ ကိုယ်အဝတ်အစားလဲပြီးတာနဲ့ပြန်လာခဲ့မယ် "
ဟုဆိုကာ အာဏာသည် ရှင်းခအားချန်ထားခဲ့လျက် တဲအိမ်လေးတွေဆီသို့အပြေးသွားသည်။
အစကတော့ မလဲတော့ဘူးလို့စဥ်းစားထားပေမဲ့ အရုပ်ထဲဝင်ထားရတာကြောင့် လူတကိုယ်လုံးက ချွေးတွေစိုရွှဲနေတာ ။ ဒီလိုညစ်တီးညစ်ပတ်ပုံစံနဲ့တော့ ရှင်းခကို propose မလုပ်ချင်ပေ။ အဲ့တာကြောင့် ဒီကောင်လေးကို စိတ်မချသော်လည်း သေချာမှာပြီးချန်ထားခဲ့ရသည်။
အာဏာ ထွက်သွားပြီးနောက် ရှင်းခ သဲသောင်ပြင်လေးမှာပဲ လမ်းလျှောက်နေလိုက်သည်။ လမ်းလျှောက်သည်ဟုဆိုသော်လည်း သိပ်ဝေးဝေးသွားခြင်းမဟုတ်ပါ။ ဒီနားလေးမှာပဲ ၊ အာဏာထားခဲ့တဲ့နေရာလေးမှာပဲ နေနေခဲ့တာဖြစ်သည်။
ရုတ်တရက် တစ်ခုခုကိုတက်နင်းမိသွား၍ ရှင်းခကြည့်လိုက်တော့ ခရုခွံလေးဖြစ်နေသည်။
ဟုတ်သား ၊ ဒီလိုသဲသောင်ပြင်ပေါ်မှာ ခရုခွံလေးတွေအများကြီးရှိတတ်သည်။
ရုတ်တရက်ငယ်ငယ်တုန်းကအကြောင်းအရာများကိုတောင် သတိရမိသွားသည်။ ငယ်ငယ်တုန်းက ဒီလိုမျိုးကမ်းခြေသွားရင် သူရယ် ၊ မင်းခန့်ရယ် ၊ ချီချီရယ် ခရုပြိုင်ကောက်နေကျ ။ ဒီလိုစဥ်းစားကြည့်တော့လည်း အချိန်တွေတော်တော်ကြာခဲ့ပြီပဲ။
ရှင်းခ ခရုလေးအားလှမ်း၍ကောက်လိုက်သည်။ ဟိုနားသည်နားတွင်လည်း ထပ်တွေ့၍ ရှင်းခ တစ်ခုချင်းစီကောက်ကာ လက်ဖဝါးထဲတွင်ထည့်ထားသည်။
ကြွပ်ကြွပ်အိတ်လည်းမရှိတာကြောင့် သူ့မှာထည့်စရာမရှိပေ ။ ဒီတိုင်းလေးသာ လက်ဖဝါးလေးပေါ်တင်ထားရသည်။ သူကောက်ထားသည်မှာ ခုနှစ်ခုလောက်ပင်ရှိပြီ။ ခုနှစ်ခုလုံးကလည်းအရောင်လေးတွေလှသည်။
ရှင်းခ ရေအစပ်နားသို့သွားကာ ဆောင့်ကြောင့်ထိုင်လျက် ခရုခွံလေးများကိုရေဆေးလိုက်သည်။
" ရှင်းခ .. "
ခေါ်သံကြား၍ ရှင်းခလှည့်ကြည့်လိုက်တော့ အာဏာကသူ့အနားသို့ မပြေးရုံတမယ်လျှောက်လာသည်ကို တွေ့ရသည်။
" ဘာတွေလုပ်နေတာလဲ .. ကိုယ့်အချစ် "
ရှင်းခ နူးနူးညံ့ညံ့လေးပြုံးလိုက်ရင်း လက်ဖဝါးထက်မှ ခရုခွံလေးများအား အာဏာ့ကိုပြလိုက်သည်။
BINABASA MO ANG
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)