Unicode
ရှင်းခ ဟိုတယ်သို့ Taxi နဲ့ပဲ လာခဲ့လိုက်သည်။ ဒါတောင် လမ်းမှာ ကားတွေပိတ်နေသဖြင့် အချိန်တွေကြာနေ၏။
ရှင်းခ ဟိုတယ်သို့ရောက်သောအခါ ဟိုတယ်အပေါက်ဝတွင် ရပ်နေသော နိုင်ငံခြားကုတ်နှင့် ဗလတောင့်တောင့်လူနှစ်ယောက်ကိုတွေ့ရသည်။ သူ ဟိုတယ်ထဲဝင်မလို့လုပ်သည့်အခါ ထိုလူနှစ်ယောက်ကသူ့ကိုတား၏။
" ဒီနေ့ ဟိုတယ်ပိတ်ပါတယ် .. "
ဖွင့်ထားတာမြင်နေရရက်နဲ့ ပိတ်သည်ဟုပြောနေသောကြောင့် ရှင်းခ ဒေါသထွက်သွားကာ ထိုလူနှစ်ယောက်အား တစ်ခုခုပြောတော့မည်အလုပ် အထဲ ကောင်လေးတစ်ယောက်က အမြန်ပြေးထွက်လာသည်။
" ဟဲဟဲ အစ်ကိုတို့ သူက ဒီဟိုတယ်ကဝန်ထမ်းပါ.. အလုပ်နောက်ကျနေတာရယ် "
ထိုကောင်လေးရဲ့ပြုံးဖြီးဖြီးနဲ့ပြောစကားကို ဗလတောင့်တောင့်လူနှစ်ယောက် မယုံသင်္ကါဖြစ်နေသည့်ဟန် ။
" ဝန်ထမ်းကတ်ပြ "
ရှင်းခဘက်သို့လှည့်ကာပြောသည်။
ရှင်းခကြောင်အမ်းအမ်းနှင့် ဘာလုပ်ရမလဲမသိဖြစ်နေစဥ် ကောင်လေးက ကတ်တစ်ကတ်ကိုထုတ်ကာ ထိုလူနှစ်ယောက်လက်ထဲထည့်ပေးလိုက်၏။
" ဒီမှာပါ ဒီမှာ.. သူ့ရဲ့ဝန်ထမ်းကတ်ကို မနေ့က ကျွန်တော့်အိမ်မှာကျန်ခဲ့တာ .. အစ်ကိုကလည်း တကယ့်နမော်နမဲ့ပဲ.. အဲ့တာကြောင့် ကျွန်တော်ပြောပါတယ် အများကြီးမသောက်ပါနဲ့လို့.. အခုတော့ကြည့် ဝန်ထမ်းကတ်ရော ယူနီဖောင်းရော ကျွန်တော်သယ်လာပေးရတယ်မလား "
ခပ်တည်တည်နဲ့သူ့ကိုကြည့်ကာ အပြစ်တင်နေတဲ့ ကောင်လေးကြောင့် ရှင်းခ အတော်ပင် အံ့သြသွားရသည်။ သို့သော် ကြိုတင်ပြင်ဆင်ထားသော ရှင်းခရဲ့ဝန်ထမ်းကတ်အတုနှင့် ကောင်လေးရဲ့သရုပ်ဆောင်ချက်တွေကြောင့် အောင်မြင်သွားသည်ဟု ပြောရမည်။ သူ့ကိုပေးဝင်လိုက်လေ၏။
ထိုလူနှစ်ယောက် ခပ်လှမ်းလှမ်းကိုရောက်တော့မှ ..
" မင်းကဘယ်သူလဲ "
" အာ.. ကျွန်တော်က ဆရာကြီးရဲ့လူပါ "
" ဆရာကြီး? "
BINABASA MO ANG
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)