Unicode
" ကိုယ့်ကို ငြိုငြင်တာလား "
ရှင်းခ ခွီးခနဲရယ်မိတော့၏။
တကယ်ပဲ အရင်က စီအီးအို မင်းအာဏာမောင်ဆိုသောသူသည် ကြက်ပျောက်ငှက်ပျောက်ပင် ပျောက်သွားလေသလား ။
အမြဲ ခပ်တည်တည်နဲ့ သူ့ကိုဆို လိုရင်းတိုရှင်းပင် ပိုမပြောတတ်တဲ့သူ ၊ အရာရာမှာ သူ့စိတ်သဘောအတိုင်း နည်းနည်းလေးတောင် အတိမ်းအစောင်းမခံတဲ့ စီအီးအို မင်းအာဏာမောင်သည် တကယ်ပဲ ဘယ်ကိုရောက်သွားတာလဲ ။
" ရယ်နေ.. ရယ်နေ.. မင်းက ကိုယ့်ကိုဆို အမြဲရယ်နေတာပဲ.. ကိုယ်တကယ်စိတ်မကောင်းဖြစ်ရတယ် "
ဟုဆိုကာ မျက်နာလေးငယ်သွားတဲ့ အာဏာသည် စိတ်ကောက်နေတဲ့ ကလေးတစ်ယောက်လို ။
" စီအီးအို အဲ့လိုကြီး လုပ်မနေပါနဲ့ဗျ "
" ကိုယ်ကဘာလုပ်နေလို့လဲ.. "
ရှင်းခ ခေါင်းကိုခါရင်း ခပ်ဟဟရယ်မိ၏။ ပြီးနောက် လျှပ်တပျက် အာဏာအနားသို့ကပ်သွားကာ ဘယ်ဘက်ပါးပြင်သို့ ရွတ်ခနဲတစ်ချက်နမ်းလိုက်မိသည်။
ထိုအခါ စိတ်ကောက်နေသော စီအီးအို မင်းအာဏာမောင်ခမျာ ချက်ချင်းပင် ပါးစပ် နားရွက်တပ်ချိတ်တော့မယောင် ပြုံးသွား၏။
" အဟမ်း ! ရှင်းခ အဲ့တာဘာလုပ်တာလဲ .. "
" စီအီးအို .. ချစ်တယ် "
အာဏာ တစ်ယောက် ပြုံးနေရုံသာတတ်နိုင်တော့သည်။ ဒီကောင်လေးသည် နိုင်ကွက်ကို သိပ်သိလှသည်။ ဒါနဲ့ပဲ သူ့ကိုအနိုင်ယူခဲ့ပေါင်းလည်းများပြီ ။
" စီအီးအို လို့ .. "
သံရှည်ဆွဲလိုက်သော အသံလေးက တကယ် အသည်းယားစဖွယ် ။
" ကိုယ့်ကိုအသည်းယားအောင်ဆက်လုပ်နေမယ်ဆို .. "
အာဏာ ရှင်းခရဲ့နားကိုတိုးကပ်သွားလိုက်ကာ နားနားကိုကပ်လျက်..
" ကိုယ်ဆွဲနမ်းမိလိမ့်မယ် "
ရှင်းခ ပါးပြင်တို့မှာ အနည်းငယ်ပန်းရောင်သမ်းသွားလျက် မျက်နာလွှဲသွားသည်။
" ကျွန်တော်.. အမ်း.. ဟို.. ဖုန်း.. မေမေ့ဆီကိုဖုန်းဆက်ရအုံးမှာ မေ့နေတာ.. ဖုန်းသွားဆက်လိုက်အုံးမယ်နော် "
YOU ARE READING
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)