Unicode
အာဏာ့ရဲ့အနက်ရောင်ကားလေးမြင်ကွင်းမှပျောက်ကွယ်သွားပြီးတဲ့နောက် ရှင်းခ အိမ်ပေါ်သို့တက်လာခဲ့လိုက်သည်။
ဒီနေ့မနက်မေမေတို့ဆီကိုချောင်းသာကဝယ်လာတဲ့မုန့်လေးတွေနဲ့ အမှတ်တရပစ္စည်းလေးတွေသွားပေးချင်တာကြောင့် အာဏာ့အားခွင့်တောင်းကာလာခဲ့ခြင်းဖြစ်သည်။ အစကတော့ အာဏာကသူပါလိုက်ခဲ့မည်ဟူ၍ ကားနဲ့လိုက်ပို့ပေမဲ့ လမ်းတစ်ဝိုက်မှာတင် အစည်းအဝေးရှိကြောင်း ဖုန်းဝင်လာတာကြောင့် အ်ိမ်ပေါ်မတက်တော့ဘဲ ရှင်းခအားလိုက်ပို့ပြီးနောက် ကုမ္ပဏီသို့သွားလေသည်။
ဒေါက်.. ဒေါက် ။
တံခါးခေါက်သံကြား၍ ဒေါ်မေသက်ရှင်း ဟင်းအိုးအားခနမီးပိတ်ထားခဲ့ကာ တံခါးသွားဖွင့်လိုက်သည်။
" သား.. "
ဒေါ်မေသက်ရှင်းရဲ့မျက်နာတွင်အပြုံးလေးတစ်ပွင့်ဖြစ်ပေါ်လာ၏။
" မေမေ နေကောင်းရဲ့လား.. "
" နေကောင်းပါတယ် ခခ.. "
" သားမနေ့ကမှ ချောင်းသာကပြန်ရောက်တယ်.. မေမေတို့အတွက်မုန့်တွေနဲ့ အခြားလက်ဆောင်ပစ္စည်းတွေလည်းဝယ်လာတယ်.. "
" ကိုကြီး! "
စာအုပ်လေးကိုင်ကာ ထွက်လာသော ပန်းချီသည် ရှင်းခအားမြင်သောအခါ အံ့သြသွား၏။ ပြီးနောက် အပြေးလာဖက်သည်။
" လွမ်းနေတာ.. "
" ကိုကြီးလည်းလွမ်းနေတာ ချီချီ့ကို.. "
ပန်းချီသည် ရှင်းခအားမလွှတ် ၊ ဒီတိုင်းသာဖက်တွယ်ထားဆဲ။ ရှင်းခကောင်းကောင်းသိပါသည်။ ဒီကောင်မလေးသည် အင်မတန်အချွဲသန်၏။ ကျီလည်းကျီကျတတ်သေးသည်။
ရှင်းခ ပန်းချီရဲ့ခေါင်းအား ဖွဖွလေးပုတ်လိုက်ရင်း အခန်းကိုဝေ့ဝဲကြည့်လိုက်သည်။
" မင်းခန့်ရော မေမေ.. ပိတ်ရက်ကို သူအလုပ်သွားတာလား.. "
ဒေါ်မေသက်ရှင်း၏မျက်နာတွင် ဝမ်းနည်းသောအရိပ်အယောင်များဖုံးလွှမ်းသွား၏။ သူ့ကိုဖက်တွယ်ထားသော ပန်းချီ့ရဲ့လက်ကလေးများသည်လည်း ပြေလျော့သွားကာ သူ့အနားမှအနည်းငယ်ခွာလိုက်လေသည်။
YOU ARE READING
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)