Unicode
နူးညံ့စွာထိကပ်လာတဲ့ နှုတ်ခမ်းတစ်စုံသည် အာဏာ့အတွက်တော့ နွေးထွေးသောရပ်ဝန်းလေးတစ်ခုလို ။
စက္ကန့်ပိုင်းမျှအကြာတွင် ဖြည်းညှင်းစွာဖြင့် အနမ်းတို့ကိုရပ်တန့်လိုက်သည်။
" ရှင်းခ .. "
ရှင်းခသည် မျက်လုံးလေးများဝိုင်းလျက် ။ မျက်နာတစ်ခုလုံးကလည်း နီရဲလျက် ။
" ကျွန် .. ကျွန်တော်... "
" ချစ်တယ်.. "
" ဗျာ "
အာဏာ ရှင်းခရဲ့ဘေးတွင်ဝင်ထိုင်လိုက်ပြီး ရှင်းခရဲ့ပါးပြင်လေးနှစ်ဖက်အား လက်ဖြင့်အုပ်ကိုင်လိုက်သည်။
" အရမ်းချစ်တာမို့လို့ ကိုယ့်အနားမှာပဲအမြဲရှိသွားပေး .. "
" ဟုတ်ကဲ့ပါဗျ "
" စာချုပ်သက်တမ်းကုန်သွားခဲ့ရင် ကိုယ်နဲ့စာချုပ်ထပ်ချုပ်ရအောင် .. "
" စီအီးအိုအတွက် Bodyguard ဆက်လုပ်ပေးရမှာပေါ့ .. "
" Bodyguard မဟုတ်ပဲနဲ့ အခြားစာချုပ်ချုပ်ရအောင် "
ရှင်းခသည်နားမလည်သည့်ပုံစံလေးဖြင့် အာဏာအားအသေအချာကြည့်နေလေသည်။
" ကိုယ်နဲ့လက်ထပ်စာချုပ်ချုပ်ရအောင်လေ ရှင်းခ .. "
" ဗျာ "
ရှင်းခ ဘာပြောရမလဲ ဆိုတာ ရှာမတွေ့တော့လောက်တဲ့အထိ အံ့သြငြိမ်သက်သွားတော့သည်။
အခု စီအီးအိုက သူ့ကိုလက်ထပ်ဖို့ပြောလိုက်တာလား ။
ရှင်းခ အာဏာ့ရဲ့လက်အတွင်းဆုပ်ကိုင်ခံထားရသော သူ့လက်လေးကိုဖြည်းဖြည်းဆွဲထုတ်လိုက်သည်။
" ဘာဖြစ်လိို့လဲ ရှင်းခ "
" ကျွန်တော်တို့ ပြန်ရအောင်လေ.. ကျွန်တော် ဗိုက်ဆာနေပြီဗျ "
ဟုဆိုကာ နေရာမှထလျက် ကားပါကင်ဆီသို့ ခပ်သုတ်သုတ်ထွက်သွားသော ကောင်လေးအားကြည့်ကာ အာဏာ့ စိတ်ထဲစိုးရိမ်သွားသည်။
ရှင်းခသာ သူ့ကိုလက်မခံဘူးဆိုရင် ။
--------------------------------------------------------
ပန်းကန်လုံးထဲသို့ ထမင်းဖွေးဖွေးကိုထည့်ပြီး ပါဝင်ပစ္စည်းတွေဖြစ်သည့် မုန်လာဥ ၊ အပ်မှို ၊ သခွားသီး ၊ ကန်စွန်းရွက် ၊ ပန်းဂေါ်ဖီစသည့် ပြင်ဆင်ပြီးဖြစ်သော အစာပလာတွေကို အသပ်စီထည့်၍ပုံလိုက်သည်။ ထို့နောက် အရသာအတွက် ကိုးရီးယားငရုတ်သီးအနှစ်နှင့် အခြားလိုအပ်သည်များကိုထည့်ပြီး နယ်လိုက်တော့သည်။
ESTÁS LEYENDO
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)