Unicode
ပုံမှန်အတိုင်းပင် မနက်ခြောက်နာရီတွင် ရှင်းခ အိပ်ရာကနိုး၏။ သူနိုးတော့ အာဏာက ပက်လက်ကြီးလှန်ပြီး အိပ်မောကျလျက် ။ လက်တစ်ဖက်ကလည်း သူ့ရင်ဘတ်ပေါ်မှာ ။
ပြောတော့ ဖက်ခေါင်းအုံးကို မကျော်ပါဘူးတဲ့ ။ ဒါပေမဲ့ သူနားလည်ပါသည်။ အာဏာက တစ်ယောက်တည်းပဲအိပ်တာဆိုတော့ အခု အိပ်ရတာ ဘယ်လွတ်လပ်ပါ့မလဲ ။
ရှင်းခ သူ့ရင်ဘတ်ပေါ်ရောက်နေတဲ့ အာဏာရဲ့လက်ကိုဖယ်လိုက်ပြီး ထလိုက်သည်။
" ရှင်းခ "
" အာ .. စီအီးအို တောင်းပန်ပါတယ်ဗျ ကျွန်တော့်ကြောင့်နိုးသွားပြီ "
" ရပါတယ် .. "
ဟုဆိုကာ အာဏာလည်း ထထိုင်လိုက်သည်။ ပွနေတဲ့ဆံပင်ကို လက်ဖြင့်သပ်လိုက်ပြီး ကုတင်မှထလိုက်၏။
" စီအီးအို .. "
" အင်း "
" ကောင်းသောမနက်ခင်းပါ .. "
အပြုံးနှစ်ခုထပ်တူကျသွားသောအချိန်၌ အာဏာ့ရင်ထဲ လှိုင်းလေးတစ်ခုဖြတ်သန်းသွားသည်။
" ကောင်းသောမနက်ခင်းပါ .. ရှင်းခ "
----------------------------------------------------------
ရှင်းခ နယ်ထားသောဂျုံကို အလုံးလေးတွေလုပ်ကာ တစ်ဖန်ပြန်ပြီး လှိမ့်တုံးနှင့် ပြားလိုက်သည်။
" ဘာတွေလုပ်နေတာလဲ ရှင်းခ "
" ဖက်ထုပ်လုပ်နေတာပါဗျ "
ရှင်းခ ဂျုံလေးတွေကို လုံးနေရင်းကနေ လှမ်းဖြေလိုက်သည်။
" ခဏလေးစောင့်ပါနော်ဗျ .. ကျွန်တော် မြန်မြန်လုပ်ပေးပါ့မယ် "
ပြောသာပြောနေရတာ တကယ်တော့ ဖက်ထုပ်လုပ်ရမှာကကြာသည်။ ဟင်းရည်လည်း လုပ်ရအုံးမည် ။ ဒါပေမဲ့လည်း ဒီနေ့အပြောင်းအလဲဖြစ်အောင် ချက်ကျွေးချင်၏။
" ရတယ် "
အာဏာ တဖြည်းဖြည်း ရှင်းခအနားလျှောက်လာ၏။ ရှင်းခလုပ်နေကိုင်နေတာကို စိတ်ဝင်တစားကြည့်နေသည်။ ဂျုံကိုယူကာ အလုံးလေးအရင်လုပ် ပြီးရင်လှိမ့်တုံးနှင့်လှိမ့်ပြီးပြား ၊ ပြီးရင် တစ်ဖက်ပန်းကန်ထဲတွင် အသင့်လုပ်ထားပြီးသော အစာကိုယူကာ ထိုဂျုံပြားလေးထဲထည့်ပြီး ဖက်ထုပ်လှလှလေးလုပ်သည်။
YOU ARE READING
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)