Mg's Bodyguard (S1) [ Completed ]
İçindekiler

    ŞİMDİ OKUDUĞUN

    Mg's Bodyguard (S1) [ Completed ]

    Romantizm

    မင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024

    #boyxboy #lgbt #lovestory #myanmar #ownstory #romance

    အပိုင်း (၃၃) [ Uni + Zaw ]

    5.4K 311 47 
                                        
    
                                              
    Unicode 
    အာဏာ ကိတ်ကိုလှီးကာ ရှင်းခရဲ့ပန်းကန်ထဲသို့ အရင်ထည့်ပေးလိုက်သည်။ 
    စားပွဲပေါ်တွင် ကိတ်အပြင် အခြား မုန့်လေးတွေလည်းရှိသေးသည်။ ပူတင်း ၊ ကွတ်ကီးတွေနဲ့ လိမ္မော်သီးဖျော်ရည်နှစ်ခွက် ။
    " မင်းဘယ်တုန်းက ဒါတွေလုပ်လိုက်တာလဲ .. "
    " စီအီးအို ထွက်သွားခိုင်းလို့ အောက်ဆင်းလာပြီး ဒီမုန့်လေးတွေစလုပ်နေတာ .. ကိတ်က ကျွန်တော် ပထမဆုံးလုပ်ဖူးတာပဲ .. အရသာမကောင်းရင် တောင်းပန်ပါတယ်ဗျ "
    အာဏာ ချောကလက်ကိတ်လေးကို တစ်ချက်ကြည့်ကာ ပြုံးလိုက်မိသည်။ အနားတွေ ကလည်းမသေမသပ် ၊ ပုံစံကလည်းမလှမပဆိုပေမဲ့ ရှင်းခ လုပ်ပေးထားတာဆိုတဲ့ အသိနဲ့တင် ဒီမွေးနေ့ကိတ်က ကမ္ဘာပေါ်မှာရှိတဲ့ ကိတ်တွေအားလုံးထက် အလှဆုံးဖြစ်သွားခဲ့သည်။ 
    " လှပါတယ် .. ပထမဆုံးလုပ်တာတောင် ဒီလောက်အဆင်ပြေတာဆိုတော့ မင်းတော်တာပေါ့ ရှင်းခ .. "
    ' ရှင်းခ ' ဆိုသည့် အခေါ်အဝေါ်ကြောင့် ရှင်းခ ထူးဆန်းသွားသည်။ အာဏာသည် စရောက်သည့်နေ့ကစ ၊ သူ့ကို ရှင်းခ ဟူ၍ တစ်ခါမျှမခေါ်ဖူး ။ နာမည်အပြည့်အစုံသာ ခေါ်တာဖြစ်သည်။
    " ဘာဖြစ်လို့လဲ .. ငါမင်းကို ရှင်းခ လို့ခေါ်လို့မရဘူးလား .. လွှမ်းတို့ သက်ပိုင်တို့တောင် မင်းကိုအဲ့လိုခေါ်နေတာပဲ .. "
    " အာ .. မဟုတ်တာဗျ.. ရပါတယ်.. စီအီးအို အဆင်ပြေသလိုခေါ်ပါ "
    " အင်း "
    အာဏာ ကိတ်ကိုထပ်လှီးကာ သူ့ပန်းကန်ထဲထည့်လိုက်ပြီး ဇွန်းဖြင့်တစ်ဇွန်းစားလိုက်သည်။ ကိတ်သားလေးကနူးညံ့ပြီး အစပိုင်းတွင် ခါးသည့်အရသာရ၍ တဖြည်းဖြည်း ချိုသွားတဲ့အရသာမျိုး ။ ယိုကလည်း အီမနေပဲ ချိုချိုခါးခါးလေးနဲ့ ပါးစပ်ထဲမှာဖြည်းဖြည်းချင်းပျော်ဝင်သွားသည်။
    " ဘယ်လိုနေလဲဗျ "
    " ကြိုက်တယ် .. မင်းလုပ်ပေးတာဆို ဘာမဆိုကောင်းပြီးသား .. "
    " ဒါက ပူတင်းပါ .. ဒါလေးလည်း စားကြည့်ပါဗျ စီအီးအို "
    ဟုဆိုကာ ပူတင်းပန်းကန်ကို ရှေ့တိုးပေးလာတဲ့ ရှင်းခကြောင့် အာဏာ ကိတ်စားနေတာကို ခဏရပ်လိုက်ပြီး ပူတင်းကို မြည်းကြည့်လိုက်သည်။ ဆိမ့်ဆိမ့်လေးနဲ့ တစ်မျိုး စားကောင်း၏။
    Mg's Bodyguard (S1) [ Completed ] Hikayelerin yaşadığı yer. Şimdi keşfedin