Unicode
အာဏာ အောက်ထပ်သို့ဆင်းလာချိန်တွင် ရှင်းခတစ်ယောက် မီးဖိုချောင်တွင် အေပရွန်လေးတကားကားနှင့် အလုပ်ရှုပ်နေသည်။
" အာ.. စီအီးအို နိုးပြီလား.. ခဏလေးစောင့်ပါဗျ.. မနက်စာရတော့မယ် "
အာဏာ ထမင်းစားစားပွဲတွင်ဝင်ထိုင်လိုက်သည်။ ဒယ်အိုးကြီးကိုမြှောက်ကာပင့်ကာဖြင့် တရှဲရှဲကြော်နေတဲ့ ရှင်းခသည် တကယ့်စားဖိုမှူးတစ်ယောက်လိုပင် ။
ရှင်းခ ပန်းကန်တွင်သေသေချာချာ ပြင်ဆင်ပြီးသွားတဲ့နောက် အာဏာ ရှေ့တွင်ချပေးလိုက်သည်။ အသီးအနှံတွေနဲ့အရောင်အသွေးစုံလင်တဲ့ ပသျှူးထမင်းကြော်ဖြစ်သည်။
ပြီးနောက် အေပရွန်ကိုချွတ်လိုက်ပြီး သူ့အတွက်လည်းယူကာ အာဏာရဲ့ဘေးကထိုင်ခုံတွင် ဝင်ထိုင်လိုက်ပြီး..
" အမှန်တော့ ပုစွန်ထည့်ကြော်ရင်ပိုစားကောင်းတာ.. ဒါပေမဲ့ စီအီးအိုက ပုစွန်မစားလို့ ကျွန်တော် ကြက်သားနဲ့ပဲကြော်လိုက်တယ်ဗျ "
အာဏာ ခေါင်းညိတ်ကာ တစ်ဇွန်းမြည်းကြည့်လိုက်သည်။ အရသာက လုံးဝစားသောက်ဆိုင်ကောင်းကောင်းမှာ စားရသလိုမျိုးပဲ ။ တစ်စုံတစ်ယောက်က သူ့အတွက် မနက်စာပြင်ပေးတယ်ဆိုတဲ့ ခံစားချက်က ဘာလို့ရင်ထဲနွေးသွားစေရတာလဲ ။ အထူးသဖြင့် ပြင်ပေးတဲ့သူက ရှင်းခနောင်ဖြစ်နေလို့လား ။
" မဆိုးပါဘူး .. စားကောင်းသားပဲ "
" တော်သေးတာပေါ့ဗျ .. ကျွန်တော်က စီအီးအိုမကြိုက်မှာ စိုးရိမ်နေတာ "
" ငါကြိုက်တယ် "
အာဏာ ရှင်းခရဲ့မျက်လုံးကိုတည့်တည့်ကြည့်ကာပြောလိုက်သည်။ ရှင်းခမှာ ခဏကြောင်သွားပြီးမှ..
" ကြိုက်တယ်ဆိုလို့ဝမ်းသာပါတယ်ဗျ.. "
" မင်းကဟင်းလည်းချက်တတ်တာပဲ "
" ကျွန်တော် ငယ်ငယ်ကသင်ဖူးလို့ပါဗျ .. ကျွန်တော်အရင်က စားဖိုမှူးတစ်ယောက်ဖြစ်ချင်တာလေ "
" ကောင်းပါတယ် .. မင်းနဲ့စားဖိုမှူးဝတ်စုံကလိုက်မှာပဲ "
တဆက်တည်းမှာပင် အကယ်၍ ရှင်းခသာ စားဖိုမှူးဝတ်စုံဝတ်ထားရင် ဘယ်လိုများနေမလဲဟု တွေးကြည့်နေမိသည်။ တည်ကြည်အေးချမ်းနဲ့ မျက်နာလေးနဲ့ တော်တော်လိုက်မှာပဲ ။
YOU ARE READING
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)