Unicode
အချိန်တွေသည် တရွေ့ရွေ့ကုန်ဆုံးသွားခဲ့ရာ လကုန်ရက်ပင်ရောက်ပြီဖြစ်သည်။ မနက်အစောကြီးပင် ရှင်းခဆီ ဦးမင်းဘုန်းမြတ်က ဖုန်းဆက်လာပြီး ဘဏ်ကတ်ထဲသို့ လစာလွှဲပေးပြီးဖြစ်ကြောင်း ဖုန်းဆက်လာသည်။
ပထမဆုံးလစာရတဲ့နေ့ဖြစ်၍ ရှင်းခ အပျော်ကြီးပျော်နေသည်။
ပရောဂျက်နီးပြီဖြစ်၍ နေ့တိိုင်းနီးပါး အာဏာ ကုမ္ပဏီသို့သွားနေရသည်။ M.M ဆောက်လုပ်ရေးကုမ္ပဏီက ဦးမင်းဘုန်းမြတ်လည်း ရှိတဲ့အတွက် လွှတ်ထားလို့ရပေမဲ့ EYES ကုမ္ပဏီကတော့ မရ ၊ စီအီးအိုလည်းမရှိတဲ့အတွက် သူတစ်ယောက်သာ အကြီးအကဲဖြစ်၍ အားလုံးကို စီမံနေရသည်။
" ရှင်းခနောင် ငါ့ကို ဘောပင်လေးတစ်ချက်လောက် "
ရှင်းခ သည် ဘောပင်ခွက်ထဲမှ ဘောပင်တစ်ချောင်းကိုယူကာ အာဏာ့ကို လှမ်းပေးလိုက်သည်။
စာရင်းဇယားတွေနဲ့ အလုပ်ရှုပ်နေတဲ့ အာဏာသည် ဒီရက်ပိုင်းတွင် အလုပ်များလွန်း၍ အိပ်ရေးတွေပါပျက်နေတာကြောင့် မျက်နာမှာ အနည်းငယ်ချောင်ကျနေသည်။
" စီးအီးအို.. ကျွန်တော် ကော်ဖီသွားဝယ်ပေးရမလားဗျ "
" နေ..နေ မဝယ်နဲ့ "
အာဏာသည် နောက်မှတကောက်ကောက်လိုက်နေရမယ်ဆိုသည့် အချက်ကြောင့်သာ ရှင်းခကို ကုမ္ပဏီခေါ်လာခြင်းဖြစ်သည်။ မဟုတ်ရင် ရှင်းခကို ခေါ်မလာချင်ပါ ။ ဘာကြောင့်လဲဆို နန်းမေကိုဆိုတဲ့ကောင်မလေးသည် ရှင်းခကိုမြင်ပြီဆိုတာနဲ့ အနားကိုသိပ်ကပ်လွန်းသည်။ ထိုကောင်မလေးနဲ့ စကားပြောခြင်း ၊ ပူးပူးကပ်ကပ်နေခြင်း ၊ ကုန်ကုန်ပြောရရင် ထိုကောင်မလေးနဲ့ ရှင်းခအား မျက်နာချင်းပင် မဆိုင်စေချင်ပါ ။ မနေ့ကလည်း နန်းမေကိုဆိုတဲ့ကောင်မလေးနှင့် ရှင်းခ စကားပြောနေတာတွေ့၍ အိမ်ပြန်ရောက်ကတည်းက ရှင်းခအား စကားမပြောဘဲ နေ၏။ ဒီနေ့မနက်မှသာ ပြန်ပြောတာဖြစ်သည်။
" ဘာဖြစ်လို့လဲဗျ စီအီးအို.. ကျွန်တော် မြန်မြန်ဝယ်ပြီး ပြန်တက်လာမယ်လေ.. ကော်ဖီသောက်လိုက်ရင် စီအီးအို ခေါင်းရှင်းပြီးစိတ်ကြည်သွားတာပေါ့ဗျ "
VOCÊ ESTÁ LENDO
Mg's Bodyguard (S1) [ Completed ]
Romanceမင်းအာဏာမောင်၏နှလုံးသားထဲတွင် ရှင်းခနောင်ဟူသည့်ကောင်လေးတစ်ယောက်သာ ခိုအောင်းခွင့်ရှိလေသည်။ မင္းအာဏာေမာင္၏ႏွလုံးသားထဲတြင္ ရွင္းခေနာင္ဟူသည့္ေကာင္ေလးတစ္ေယာက္သာ ခိုေအာင္းခြင့္ရွိေလသည္။ #Own Story Starting date _ 5.3.2023 End date _ 7.6.2024
![Mg's Bodyguard (S1) [ Completed ]](https://img.wattpad.com/cover/336121028-64-k986634.jpg)