"ချစ်ခြင်း မုန်းခြင်း ညီမျှခြင်း၏အလွန်"[Completed]

10💜 (Uni)

Yoongi က လိမ္မော်သီးဖျော်ရည်ခွက်လေးရှေ့ချပေးတော့ မသောက်ပဲငေးကြည့်နေတဲ့ Park Jimin က...စောနက ဖျော်ရည်တိုက်ခိုင်းတာ သူမဟုတ်တော့သလို။

"အဆင်ပြေရဲ့လား Min"

"ငိုချင်တယ် ငိုမရဘူး"

"ဒါဆိုရင် မငိုနဲ့တော့ "

ကျိန်းသေပေါက် မျက်ရည်တွေကုန်ခမ်းသွားမှာပေါ့။ဒီလိုထူထူထောင်ထောင်ဖြစ်လာဖို့ Yoongi ဘယ်လောက်ဂရုစိုက်ပေးခဲ့ရလဲ။မျက်ရည်ကျရုံ ဝင်သက်ထွက်သက်ရှိနေရုံနဲ့ အသက်ရှိနေသေးတယ်ဆိုတာ အတည်ပြုခဲ့ရတဲ့အချိန်တွေမှာ မလှုပ်မယှက်ခန္ဓာကိုယ်လေး အရမ်းဆိုးရွားမသွားအောင် မနည်းဂရုစိုက်ခဲ့ရတာ။

တော်သေးတာပေါ့...ပြန်ကောင်းလာတဲ့လက္ခာတွေထဲ နူးညံ့နေရာကနေ မာမာထန်ထန်နှလုံးသားတွေပါလာခဲ့လို့။Min Yoongi ကပြောင်းပြန်...နူးညံ့နေမှသဘောကျမှာမဟုတ်ဘူးလားဆိုရင်...မဟုတ်ဘူး နူးညံ့လွန်းရင်အရည်ပျော်သွားမှာစိုးလို့။

"Hyung "

"အင်း ကလေးပြော"

"ရင်ဘတ်တွေနာနေတုန်းပဲ "

"အဆင်ပြေသွားမှာပါ ။ ထယ်လေးနဲ့ရော တွေ့ပြီးပြီလား"

"အင်း ။ ထယ်အရမ်းငိုနေတာ...မျက်ရည်တွေ မသုတ်ပေးခဲ့ရဘူး။ထယ် စိတ်ဆိုးမှာလားမသိဘူး"

"ထယ်လေးက ကလေးကိုဘယ်တုန်းကစိတ်ဆိုးဖူးလို့လဲ"

ဟုတ်ပါရဲ့...ထယ် ဘယ်တုန်းက ကိုယ့်ကိုစိတ်ဆိုးဖူးလို့လဲ။ဒါဆို ကိုယ်အခုလုပ်ခဲ့တဲ့အေးစက်စက်ပုံစံကိုရော ထယ်ကဘယ်လိုတွေးနေမလဲ...။

ရက်အတော်အကြာ အခန်းထဲအောင်းပြီး ကြိတ်ငိုကြိတ်ခံစားခဲ့ရတဲ့အချိန်တွေမှာ Park Jimin က Kim Tae Hyung ကို တောင်းပန်ဖို့ပုံစံအမျိုးမျိုးကို တစ်ယောက်တည်းလေ့ကျင့်တယ်။

ရင်ခွင်ထဲဝင် ခေါင်းတိုးချွဲပြီးတောင်းပန်ရမလား...အရူးလို့အော်ဟစ်ငိိုယိုပြီးတောင်းပန်ရမလား...ဘယ်လိုနည်းနဲ့တောင်းပန်ရမလဲ သရုပ်ဆောင်တစ်ယောက်လို ကိုယ်တိုင်ဇာတ်ညွှန်းရေးပြီး ကိုယ်တိုင်လေ့ကျင်ခဲ့တာ။

ဒါပေမဲ့ အပြီးသတ်မှာ သဲထဲရေသွန်သလို...ထိုင်ငိုချပြီးအဆုံးသတ်သွားရတာချည်း။မငိုလို့မရဘူးလားလို့လေ။ရင်ဘတ်တွေတကယ်မခံနိုင်တော့ဘူး။Park Jiminနှလုံးအားနည်းရာကနေ နှလုံးရောဂါရသွားတော့မှာ။