BAK'AR SHUKA...!

9

*BAK'AR SHUKA...!*

             NA

*HAUWA A USMAN*
       ~ JIDDARH~

Wattpad:HauwaAUsmanjiddarh
ArewaBooks:Hauwaausmanjiddarh

9️⃣

Still shiru Deen yayi yana bin Ajlaal da ido, cikin matsanancin b'acin rai Ajlaal yaci kwalar Deen had'i da dunk'ule hannu zai kai mishi naushi,
" no! Ajlaal Yaya na ne, Deeyanah ta fad'a hankalinta a matuk'ar tashe, motar ya daka da k'arfi, har yaji ciwo, juyawa yayi yana shafa kanshi kafin ya dawo ya had'e hannunshi alamar rok'o yana fad'in " dan Allah!,
rigarshi ya gyara inda ya ci kwalarshi fuskarshi d'auke da murmushi yace " bata fad'a maka a kaf zuri'armu bamu auren bare ba?

" Sai dai idan Allah bai bawa mutum ba, amma idan Allah ya bashi babu mahaluk'in daya isa ya hana, hannu Deen ya d'aga mishi gami da cewa " ya isa, ni bana ja da hukuncin Allah,
bawai mace tana buk'atar namijin dazai mutu dominta bane kad'ai, a'a tana buk'atar namijin dazai rayu dominta ne,
wanda zai k'arfafi musuluncinta da imaninta wanda zai jagoranceta izuwa Aljanna cikin Aminci da yardar Allah,
haka mafi girman arziki mutum ya dace da abokin rayuwa, wanda ya damu da kyautatawa rayuwarshi na duniya da lahira,
ka sani kasa a ranka cewa nine mijin Deeyanah da izinin Allah, in sha Allah bata da mijin daya wuce ni Deen, kuma yau-yau d'innan ba sai gobe ba, za'a d'aura mana aure,
ta zama mallakina halaliyata, bai jira abinda zai ce ba ya wuce yabarshi nan tsaye,
da ido Ajlaal yabi Deen maganganunshi nayi mishi yawo aka, kafin Deen ya k'arasa ga motar Ajlaal ya rigashi hannunshi dake zubar jini wanda ya bugi motar dashi,
dashi ya naushi window'n glass d'in motar, ya rik'o Deeyanah, cak Deen ya tsaya yana bin hannun Ajlaal inda daya rik'e Deeyanah da kallo,
zuciya ta kawoshi har wuya kamar namijin zaki haka yayiyo kan Ajlaal,
cikin matsanancin kuka Deeyanah tace " a'a dan girman Allah karka tab'a shi please,
ido ya runtse da k'arfi kana ya bud'e su a lokaci zuciyarshi kamar zata tsage gida biyu, ji yake kamar ya cinnawa duniya wuta kowa ya huta, Ajlaal ya zagaye yq bud'e motar ya shiga had'i da figar motar yabar harabar makarantar,
Ajlaal yabi bayan motar da mugun gudu kamar zararre yana kiran sunanta, baya ya dawo da gudu ya nufi inda yayi parking motarshi ya shiga ya figeta ya rufa musu baya.

Ta window ta hango Ajlaal na binsu, jikinta ya d'auki rawa dan duk abinda ke faruwa tsakaninta da Ajlaal babu wanda ya sani a gida,
hannunta saman na Deen ta rik'eshi gam, cikin muryar kuka tace " karka kashe mu Yaya ka tafi a hankali please, kawar da kanshi yayi gefe aiko idonshi ya sauka akan wata mota dake biye dasu da gudu kamar hauka, ko ba'a fad'a mishi ba yasan Ajlaal ne, low yayi da motar sosai ya soma k'ok'arin gangarawa gefen titi, kuka ta saka mishi tana rok'onshi karya tsaya,
yaso ya tsaya amma yadda ta take rok'onshi yasashi ya taka motar, bai sausauta motar ba saida suka isa gida, mai gadinsu yayiwa kashedi da fad'in " karka sake ka bud'ewa kowa get duk wanda yazo karka sake ka barshi ya shiga matuk'ar ba d'an family bane,
cike da mamakin kashedin da Deen keyi mishi ya d'aga kanshi dan hakan bai tab'a faruwa a tsakaninsu ba, sama da shekaru 20 yana yi musu aikin gadi,
tsakanin Deen da ma'aikatan gidan sai kyautata da sam barka shi bai ma shiga harkar da bata tashi ba, ko a danginshi ne,
parking yayi a inda aka tanada dan aje motoci, ya kifa kanshi saman sitiyari yana sauke ajiyar zuciya, a sanyaye tace " kayi hak'uri please Yaya,
kanshi ya d'ago ya zuba mata ido na tsayin lokaci, " kayi hak'uri..... da sauri ya katseta da cewa ki rik'e hak'urinki bana so Deeyanah,
Tunda aka haife ki, kika bud'e ido kika ganni a rayuwarki Deeyanah, baki san yaushe ne ba, baki san ya akayi ba, kedai kawai kin bud'e idonki a duniya kin ganmu tare,
amma ban tab'a, tab'a koda d'an yatsanki bane balle jikinki ba, saboda bashi ne a gabana ba, ked'in ke kad'ai nake so Deeyanah,
saurin d'ago kanta tayi ta kalleshi yanayin kallan dayake yi mata yasata saurin duk'ar da kanta k'asa cike da kunya had'i da mamaki,
" eh Deeyanah ina sanki iya tsayin rayuwata na rayu ne da sanki, ban fad'a miki bane saboda ina tunanin bani da matsala da hakan,
cikin sanyi ya rik'o duka tafukan hannayenta cikin nashi tare da tausasa muryarshi yace " kece rayuwata,
ina da tabbacin babu wani haluk'in da zai miki irin san danake miki, a shekarunki bazaki tantance so, k'auna, soyayya ko sha'awa ba,
wad'annan k'ananan samarin da kike gani duk ba aure ne a gabansu ba, yaudara da lalata 'ya'yan mutane ne a ransu,
idan kin bani dama a yau a yanzu zan aureki, a yau zaki zama mallakina Deeyanah, amma idan baki yarda ba shikenan duk k'ok'arina ban isa na wuce iyakar abinda Allah ya rubuta zan samu ba,
hannunta ya saki ya juya da nufin fita daga cikin motar da sauri tace " dan Allah Yaya karka fad'i abinda ke faruwa a gida,
guntun murmushi yayi tare da k'arasa ficewa, wajen 11:30 na safe abun ya faru, dan haka yasan gaba d'aya iyayensu na gida, babban parlour'n gidan ya wuce,
ya tarar da kowa a ciki harda kakanninsu, cikin girmamawa ya duk'a ya gaidasu, cike da mamaki suka amsa mishi Babah ya d'ora da cewa " saukar yaushe Son?

Kanshi k'asa yace " yau Babah, " lafiya dai ko irin wannan zuwan bazata haka?

Murmushi yayi had'i da shafa kanshi yace " dama maganar auren mu ce ta taso, kafin Babah yayi magana mahaifinshi yayi saurin cewa " aurenku kuma?

" Kai dawa?

Cike da kunya kanshi k'asa yace " dama na dawo ne ayi auren sai mu koma tare, " wai kai da wa?

D'an shiru yayi yana sosa k'eyarshi, " wai da wa?

Abbi ya fad'a yana kallanshi, cikin in ina yace " Dee....ya...nah yana k'ara duk'ar da kanshi k'asa, " Deeyanah?

"To kun dai-daita kanku ne koyaya?

"Eh! Abbi, mun gama magana, da so muke a d'aura auren yau, sai mu tafi gobe ko jibi, " kasan me kake cewa kuwa Deen?

"An fad'a maka maganar aure maganar yanzu-yanza ce?

" Ko an fad'a maka ana yiwa aure gaggawa?

" Sabo.....! shigowar Deeyanah yasa Abbi yin shiru, da kallo duk suka bita, ko ince kallan tuhuma dan kallo d'aya zakayi mata ka fuskanci taci kuka,
ga jikinta dake rawa hakan yasa suka fahimci akwai wani abu a k'asa kuma akwai rashin gaskiya a tattare da ita,
yadda kowa ke jifanta da kallan tuhuma yasa tayi saurin kallan Deen tsoronta na bayyana a saman fuskarta tsammaninta ko Deen ya fad'a musu abinda ya faru tsakaninta da Ajlaal,
a d'arare ta raba kusa da Deen  ta zauna had'i da b'oyewa a bayanshi, " hakan da kikayi kina ganin ya fiye miki?

Abbi ya fad'a yana samun tabbacin akwai abinda ke faruwa, kuka ta saka tana fad'in " dan Allah Abbi kuyi hak'uri wallahi sharrin shaid'a.....,
saurin d'ora hannunshi yayi saman nata tare zare mata ido yana girgiza mata kai, alamar bai fad'a musu abinda take tunani ba,
ajiyar zuciya ta sauke da k'arfi, duk abinda ya faru akan idon iyayensu, Babah ya kalli Abbi da iyayensu wato kakaninsu Deen,
kowa yasan akwai wani abu, akwai abinda ya faru, musamman da Deeyanah tace " sharrin shaid'an ne, Abbi zayyi magana suka jiyo kamar hayaniya a harabar gidan,
da sauri duk suka mik'e suka fita, a harabar gidan suka iske ana kokowa haik'an da Ajlaal da ma'aikatan gidan, wani irin mugun tsoro da rikici ne suka shigeta sauran kad'an fitsari ya kwace mata,
" lafiya?

Babah ya buk'ata yana bin Ajlaal da kallo, gashi dai tsaf bashi da wata alama ta hauka ko motsuwar kai, " k'aramin me gida ne yace karmu bari kowa ya shigo muddin ba d'an family bane,
da wannan abokin Deeyanah yazo na hanashi shine yasa mun k'arfi ya shigo, ina k'ok'arin rik'eshi, yana kwacewa zai shiga cikin gidan,
a fili Abbi yace " abokin Deeyanah kuma?

Idon Ajlaal na sauka akan Deeyanah yayiyo kanta gadan-gadan zai rungume ta, fitsarin datake iyakar k'ok'arin wajen ta matse shi ya kwace mata saboda rud'ewa da tashin hankali,
yana gaf da isa gareta Deen ya shiga tsakiyarsu, kallan kallo suka fara yi a tsakaninsu kafin Ajlaal ya cukumi wuyan rigar Deen, cikin matsanancin zafin zuciya Abbi ya kifawa Ajlaal lafiyayyan mari, ya d'ora da fad'in,
" kana da hankali kuwa?

"Kazo har cikin gidanmu zaka rungume 'ya ta akan idona saboda fitsara, da rashin tarbiyya, rikitaccen kuka Ajlaal ya saka had'i da durk'usawa gaban Abbi yana fad'in,
" nayi kuskure, dan Allah kuyi min hak'uri, karku rabani da ita, itace rayuwata, itace farin ciki na da duniyata,
dan girman Allah karku rabani da ita please yayi maganar yana rik'e k'afafuwan Abbi, " wallahi aurenta nake san yi, nayi muku alk'awarin zan bata duk wani farin cikin dake cikin duniya,
" fice daga gidan nan, cewar Abbi a hasale yana nuna mishi get, ko motsawa Ajlaal bayyi ba, ya had'e hannuwanshi yana rok'onsu kan su taimaka karsu rabashi da Deeyanah,
ihunnn da Deeyanah ta saka ya jawo hankalin sauran mutanen gidan mata duk suka fito, wani irin mugun duka Babah keyi mata da iya k'arfinshi,
take duk ilahirin jikinshi ya d'auki kerrrrma idanuwanshi suka rufe ruf baya ganin komai sai duhu, a haukace Ajlaal yayi kan Babah ya rik'e kwalarshi ya d'aga hannu zai nausheshi, jini nabin bakinta ta d'aga murya da k'arfi tace " Baba na ne mahaifi Ajlaal.....

JIDDARH