"من بين الرماد"- "أسماء رمضان"

وداع صغنون

مساء الخير قاطنات الجروب الجميلات🥺💫
يارب دايمًا تكونوا بأفضل حال.. 💜🐋
طبعًا مفروض إننا فيه ختام وكدا💃 بس حابة اتكلم شوية عن الرواية دي وعذرًا لو كان البوست هيبقى طويل شوية.. شويتين.. تلاته.. حاجة في الرينج دا..🙂
#من_بين_الرماد  وسابقًا كان اسمها #العنقاء.. ولسبب ما غيرت الاسم..
الرواية بدأت كتابة فيها من شهر تسعة 2019 النشر الفعلي كان في 2020 بس مش متذكرة أمت بالظبط.. وكان مفروض أنها هتكون 15 فصل فقط..
ايوه من 2019 فعلًا.. بس بهوأت شويتين كدا🙂
ما بين شهر تسعة 2019 لحد 2023 حصل حاجات كتير اوي خلتني في فترة ما كرهت الرواية وحذفتها خالص..
كان خلصت فيها حوالي 20 فصل كتابة..
كانت بداية التوقف في كتابتها مع وفاة ابن عمتي "رحمة الله عليه" وبعدها على طول بكذا شهر وفاة ابن عمي "رحمة الله عليه" في شهر فبراير 2020..
رجعت وقفت كتابة الرواية لحد شهر مايو..
وفي شهر أغسطس من نفس السنة الرواية وقفت ل تالت مرة بس المرة دي وقفت إلى مالانهاية بالنسبة لي..
وقتها كان تعب والدي وبعده بفترة بسيطة اتوفى "رحمة الله عليه" ومن وقتها وانا بعدت نهائيًا عن السوشيال ميديا وقررت حذف الرواية لإني كنت شايفة إنها شهدت على أكتر لحظات حياتي المؤلمة والموجعة فكنت شبه كرهت الرواية دي وحذفتها..
اللي كان يعرفني من زمان وصديق عندي هيعرف إني قفلت وبعدت فترة طويلة أوي ممكن سنتين.. مع إهمال كل حاجة في حياتي حرفيًا..
وقتها كنت محتاجة اتعافى من فقد الأيام مقدرتش تداويه أو تقلله بالعكس كل يوم شعور الحزن والفقد جواك بيزيد..
آية محمود وقتها كانت محتفظة بالرواية عندها وبعد فترة سنة ونص كدا بعتتها ليا تاني علشان أكمل عليها..
بس فعليًا أنا كنت كارهه أي حاجة تخص الرواية دي..
بس فجأة في لحظة ما كنت زعلانه على حاجة معينة من ضمن الحاجات الكتير اللي كانت بتعدي علينا..
وقتها سمعت صوت أوار جوايا وهو بيقول لي "إحنا هنفضل كدا كتير.. حياتنا واقفة بسببك" وبعدها صوت أركان "لو الرواية مكملتش هتبقى دم للركب يا سيد"
وبدأت فعلا كتابة فيها وبعتها لجروب روائع بتشجيع من آية محمود وأسماء رجائي على ضرورة إني أخد الخطوة دي لإني هفضل غرقانه في الحزن أكتر من كدا لو فضلت عند نفس النقطة..
كمان أسماء رجائي مسابتنيش لحظة واحدة من أول ما دخلت الجروب بالعكس كانت دايما معايا خطوة بخطوة وتقول لي عن الأخطاء اللي وقعت فيها وأحاول أقللها..
من بين الرماد بالنسبة لي مش مجرد رواية
من بين حزن، فقد، تعب وتشتت منك ناحية كل اللي حوليك..
من بين كل سئ مر عليك وانت رغم كدا مبتسم وبتعافر إنك تكون أفضل رغم كل الإحباط اللي حوليك..
في النهاية أنا طولت عليكم جدًا بس كان نفسي أقول الكلام دا كله علشان أحس براحة تخليني قادرة أكمل في القادم.. إلى حد ما راضية عن الرواية كأول تجربة فصحى.. وبإذن الله هيتم التعديل عليها وإضافة أجزاء ترفع من قيمتها.. بحيث أنها تكون pdf يخرج لي صورة مناسبة..
في النهاية والمرة دي بجد حابة أشكر ناس كتير اوي عرفتها في الجروب وحقيقي دعموني من أول يوم ليا سواء كان في الرسايل أو حتى في الجروب هنا..
سواء كانت الكابيرة.. مينااااااااااع.. الوردية.. سوووووعاد.. رورا.. وميلا..
ومش هقدر أنسى أكتر اتنين استحملوني كتير اوي من بداية الرواية حتى دلوقت دودو وكذلك سمسم🥰🥰
نسيت أقول إن مفيش فصل النهاردة لإن بنتكم كان عندها مؤتمر مدعوة له انها تحضره وجيت متأخر منه🙂🙂 وفعلا مكنش عندي قابلية أراجع اي حاجة لان نو طاقة اونلي فرهدة🥺🥺
#من_بين_الرماد
#أسماء_رمضان
في النهاية ادعو لوالدي وأبناء عمومتي بالرحمة والمغفرة..